ابغى رايكم لو سمحتو ..

[Xx-GodFather-xX]

السلام عليكم ورحمة الله وبركاته
أبغى استشيركم في مادتين وعلموني عاد اللي تشوفونه مناسب ..
أنا محتار بين ( النقود والبنوك عند الدكتور : احمد احمد رياض خليل ) ؟ وبين ( الطرق الكمية عند الدكتور : خالد زكي محمد الديب ) ..
اللي يعرف الدكاترة ياليت يعطينا نبذه عنهم .. من ناحية الشرح والدرجات ودرجة صعوبة الاسئلة بالاختبارات النهائية ..
كان ودي انزل المادتين سوا ولكن بينها تعارض لذلك بنزل وحده منهم ولكن أبي رايكم بالدكاتره ^_^

لأني اقتنعت انه في هالجامعة وخصوصا بالمستويات المتقدمة لا تسال عن المادة بقدر سؤالك عن الدكتور .. يعني بالعربي بعض الدكاترة يخلي مادة الوطنية ( فيزياء ) وبعضهم العكس .. وكذلك لاحظت ان المواد اللي تطلع ظامن فيها a+ تنزلك الدرجه ( سي ) .. واللي تحس انك جبت فيها العيد واعلى درجة تستحقها ( b ) .. تنزل لك a+ ههههههه مع احترامي الشديد ايقنت ان كثير منهم ما يصححون الله يهديهم .. لذلك عطوني الدكتور اللي يعطي درجات كويسه من بين هالاثنين .. لأنها غبنه انك تكرف ترم كامل وتجيب درجات المشاركة كاملة وتطلع من الاختبار ترقص من الفرحة ومستعد للـ a+ ويجيك واحد ما يخاف الله ويصقعك بـ دي والا سي ..

[droopy]

صدقت
:(
مثل الموارد البشرية صار لي نفس الشي واحتسبت الله في الاستاذة خسفت فينا الله المستعان
ومراجعة التصحيح بحد ذاتة صراع نفسي
اما من ناحية سؤالك ف الاستاذ خالد الديب انا اخذت معاة اقتصاد جزئي
بالتحضيري والمادة كانت وسط لكن كنت احسة مايعرف يشرح وبارد
ماعرف بس كثير ما ارتاحو معاة من شرحة لمادة مثل كذا فكيف بالطرق الكمية !!!
ما اخوفك لكن جربتة وكنت اقولهم مايعرف يشرح ابدا
اما الاستاذ احمد فما مر علي اسمة
اعطيتك تجربتي في خالد الديب وبالنهاية استخير الطرق شوي دسمة وتحتاج شرح وتركيز كبير واستاذ متفهم ويشرح صح
وبالنهاية يارب فالك @+
بكل المواد

:)

[Xx-GodFather-xX]

المشاركة الأصلية كتبت بواسطة droopy صدقت :( مثل الموارد البشرية صار لي نفس الشي واحتسبت الله في الاستاذة خسفت فينا الله المستعان ومراجعة التصحيح بحد ذاتة صراع نفسي اما من ناحية سؤالك ف الاستاذ خالد الديب انا اخذت معاة اقتصاد جزئي بالتحضيري والمادة كانت وسط لكن كنت احسة مايعرف يشرح وبارد ماعرف بس كثير ما ارتاحو معاة من شرحة لمادة مثل كذا فكيف بالطرق الكمية !!! ما اخوفك لكن جربتة وكنت اقولهم مايعرف يشرح ابدا اما الاستاذ احمد فما مر علي اسمة اعطيتك تجربتي في خالد الديب وبالنهاية استخير الطرق شوي دسمة وتحتاج شرح وتركيز كبير واستاذ متفهم ويشرح صح وبالنهاية يارب فالك @+ بكل المواد :)

الله يرضى عليك يارب, ومشكورة وما قصرتي, ومعوضة خير ان شاء الله *_^ ان ما اخذتيها بالدنيا بتاخذينها باذن الله بالاخره ..
المشكلة ما ياكلها الا اللي يجتهد, يعني بعض المواد كتبها أكثر من 700 صفحة وتقراها كاملة وتتحمس وتركز, وتطلع من الاختبار مبسوط ومبدع الحمدلله, تتفاجئ انك جبت C والحبيب اللي قراله ملخص من 30 صفحة معطينه A+ لكن الغبنه مو هنا لأنه من حصل شي يستاهله *_^ الغبنه ان الحبيب ناسخ اجاباتك بالظبط , بس الاسم يختلف .. لكن الحمدلله على كل حال ..

وبالنسبة لمراجعة الورقة مثل ما قلتي بينه وبين المستحيل شعره .. تطلع روحك عشان تراجعها .. الجامعة يحذفونك على مسؤول القسم ومسؤول القسم يحذفك على الدكتور والدكتور في الغالب انه ما يرد لا على اتصالات ولا على ايميلات .. ثم ترجع للجامعة ويعيدون لك نفس الدائرة إلين تتطفش وتترك حقك .. الله المستعان بس ..

عموما الله يجزاك خير استاذة droopy المعلومات اللي زودتينا فيها راح آخذها بعين الاعتبار , وألف شكر لك مجددا على الإفادة ..