معلومات مهمة عن التسكين

[بنت عز ما تنهز..]

بسم الله الرحمن الرحيم
السلام عليكم ورحمة الله وبركاته

كثير من طلاب وطالبات السنة التحضيرية يتسالوا عن الفرق بين الانتظام والموازي

الفرق بين الانتظام والموازي في السنة التحضيرية أكيد خلاص عرفتوه

بس نجي للفرق بين الانتظام والموازي في التخصص
في بعض التخصصات فيها انتظام وموازي
زي كلية الطب والجراحة وكلية طب الأسنان وكلية العلوم الطبية التطبيقية وكلية الهندسة وكلية الحاسبات...الخ

الفرق بين الانتظام والموازي
الفرق بين الانتظام والموازي فقط في المكافئة
يعني الانتظام والموازي دوامهم صباحي وأحيانا يدرسوا في نفس الشعب
والفرق بينهم فقط في المكافئة << المكافئة للأسف تشمل المكافئة الشهرية ومكافئة التفوق
لان للأسف مكافئة التفوق ترتبط بالمكافئة الشهرية<< ادري إنكم انصدمتو وأنا زيكم لما عرفت دي المعلومة انصدمت
وحبيت أوضحها لكم الآن قبل تنتهي فترة ترتيب الرغبات

وغالبا الطالب أو الطالبة اللي يتقبل موازي ممكن يستمر الين التخرج موازي << على حسب أنظمة كل كلية بس اتوقع كل التخصصات تمشي ع نظام واحد

وعلى حسب استفساراتي خلال الفترة الماضية عرفت انو كلية الطب البشري تقبل تقريبا 30 طالبة موازي
وبعد يخلصوا السنة الأولى في الكلية تحول لــ3 الأوائل على دفعة الموازي فقط ويصبحوا طالبات انتظام ويستلموا مكافئة
أما الــ27 طالبة الباقيين يستمروا موازي

ولكن قبل شهر تقريبا سالت في الشؤون التعليمية وقالوا لي احنا نحول فقط الاولى على الدفعة لانتظام والباقيين يستمروا موازي الين التخرج


الشهادة
مافي فرق بين طلاب الانتظام وطلاب الموازي وقت التخرج
زي ما قلت الفرق فقط في المكافئة


وأنا حبيت اوضح دي النقطة لان في بعض الطلاب والطالبات تهمهم المكافئة
أو محتاجين المكافئة لتلبية احتياجاتهم الشخصية أو متطلبات الكلية وفي بعض البنات يحتاجوها عشان يدلعوا نفسهم ويكون في فلوس بيدهم متى ما يحتاجوها يلقوها بدل تكلف على أهلها
فلازم ياخذو بعين الاعتبار ايش يعني انتظام وايش يعني موازي


نصائح:-
النصيحة الأولى:- الطالب أو الطالبة اللي مهمة بالنسبة له المكافئة من وجهت نظري لا يحط رغبات الموازي في البداية
يرتب رغباته على حسب الأولوية بالنسبة له وبعدها يحط الموازي

مثلا لو الطالب يبغى المجال الطبي وبعده الهندسة
يرتب كالآتي:-
طب انتظام
طب أسنان
صيدلة...الخ
هندسة
وبعدها يحط رغبات الموازي
طب موازي
طب أسنان موازي...الخ
هندسة موازي




النصيحة الثانية:-
وكمان بالنسبة للطلاب والطالبات اللي حابين اذا لا سمح الله انقبلوا في كلية ما يبغوها بسبب معدلهم في التحضيري ممكن يدرسوا في الكلية اللي بينقبلوا فيها سنة ويحاولوا يرفعوا معدلهم خلال اول سنة ويحولوا بعدها للكلية اللي يبغوها هذي كمان فكرة حلوة وطريقة مناسبة عشان يوصلوا للي يبغوه

بالنسبة لشطر الطالبات في شروط وضوابط للتحويل

1-ممكن التحويل للكليات الصحية فقط من كلية العلوم تخصص الاحياء والكيمياء الحيوية
2-ممكن التحويل لكلية الحاسبات من كلية الهندسة او من الكليات الصحية او من كلية العلوم..بس أي تخصص بالضبط ما ادري واتوقع ممكن كمان من الادارة والاقتصاد
3-كلية الهندسة بشطر الطالبات لا تقبل التحويل اليها ابدا
اما قسم البنين ما اعرف بس اتوقع ممكن التحويل للهندسة من كلية العلوم تخصص فيزياء>>بس احسن تسالوا عشان تتاكدو


من وجهت نظري
الطلبة اللي حابة الهندسة تحط الرغبة الاولى الهندسة
واللي حابة المسار الصحي تحط الكليات اللي حابتها من المسار الصحي وبعدها العلوم
اما اللي محتارين بين الهندسة والمسار الصحي استخيروا وحاولوا تقرروا انتو ايش حابين
لان مافي تحويل من المسار الصحي للهندسة او من الهندسة للمسار الصحي


النصيحة الثالثة:- قبل تنتهي فترة ترتيب الرغبات استخيروا ثم استشيروا ثم ادخلوا في الاودس اختبار تخصصي المناسب وشوفوا ايش هيا التخصصات اللي تناسبكم
وبعدها رتبوا الرغبات الترتيب الاخير وانتو على قناعة تامة لترتيبكم للرغبات


بالتوفيق يا رب
والله ييسر لكم كل ما تتمنوه ويكون خير لكم في دينكم ودنياكم عاقبة أمركم

أي سؤال أو استفسار أنا موجودة وبخدمتكم

[بنت عز ما تنهز..]

في كلام دائما اسمعه من البنات بس ما اعرف مدى صحته واتوقع انه اشاعة

ومن ضمنه انو الموازي راح يكون دوامهم مسائي من السنة الجاية>>انا عن نفسي ما قد سمعت مسؤولة قالت كدا عشان اتاكد من مدى صحة الكلام بس كل شيء جائز وخاصة لو الجامعة حابة تزيد عدد قبول الطلاب والطالبات في كل كلية


والخبر الثاني ان شطر الطالبات بيفتحوا لهم هندسة عمارة وهندسة طبية
وخاصة موضوع هندسة العمارة سمعته كثير بين البنات
وسالت في كلية الهندسة وقالوا لي الى الان ما جانا خبر
وعادة اي شيء عندنا بيصير بين يوم وليلة ..يجينا تعميم من قسم البنين واحنا ننفذ

واكيد في كلام غيروا كثير تسمعوه بس مافي شيء اكيد الى الان

[ريكتفاي]

بالنسبة لطلاب الهندسة موازي
ففيه ان شاءالله فرصة كبيرة انك تحول انتظام
لانه كل ترم يمديك فالاودس تقدم طلب تحويل من موازي لانتظام ويعلنون النتايج نهاية كل ترم
النظام ذا بدؤوا يطبقوه من السنة هذي

[N.H.J]

[quote=بنت عز ما تنهز..;7170840]




3-كلية الهندسة بشطر الطالبات لا تقبل التحويل اليها ابدا
اما قسم البنين ما اعرف بس اتوقع ممكن التحويل للهندسة من كلية العلوم تخصص فيزياء>>بس احسن تسالوا عشان تتاكدو

اول حاجه يعطيك العافيه

ثاني شي بصححلك هالمعلومه بس مدري يمكن اكون انا الغلطانه

تقبل كليه الهندسه التحويل .. لان بنت خالي كانت طب اسنان واعتذرت عن الترم الاول وحولت للهندسه وانقبلت الحمدلله والترم اللي دوبه خلص كان اول ترم لها فكليه الهندسه
بس كذا انتي حيرتيني لاني حاطه اداره واقتصاد وناويه ارفع معدلي وارجع هندسه
اذا عندك معلومه اذا ينفع ولا لا ومتأكده منها اتمنى تفيديني💜.

[بنت عز ما تنهز..]

المشاركة الأصلية كتبت بواسطة ريكتفاي بالنسبة لطلاب الهندسة موازي ففيه ان شاءالله فرصة كبيرة انك تحول انتظام لانه كل ترم يمديك فالاودس تقدم طلب تحويل من موازي لانتظام ويعلنون النتايج نهاية كل ترم النظام ذا بدؤوا يطبقوه من السنة هذي

ما شاء الله الطلاب قدامهم الفرص كثيرة

اذا ممكن بس تفيدنا عن التحويل عندكم للهندسة بس يكون من كلية العلوم او في كليات ثانية؟؟

[بنت عز ما تنهز..]

[quote=n.h.j;7171058]

المشاركة الأصلية كتبت بواسطة بنت عز ما تنهز.. 3-كلية الهندسة بشطر الطالبات لا تقبل التحويل اليها ابدا اما قسم البنين ما اعرف بس اتوقع ممكن التحويل للهندسة من كلية العلوم تخصص فيزياء>>بس احسن تسالوا عشان تتاكدو اول حاجه يعطيك العافيه ثاني شي بصححلك هالمعلومه بس مدري يمكن اكون انا الغلطانه تقبل كليه الهندسه التحويل .. لان بنت خالي كانت طب اسنان واعتذرت عن الترم الاول وحولت للهندسه وانقبلت الحمدلله والترم اللي دوبه خلص كان اول ترم لها فكليه الهندسه بس كذا انتي حيرتيني لاني حاطه اداره واقتصاد وناويه ارفع معدلي وارجع هندسه اذا عندك معلومه اذا ينفع ولا لا ومتأكده منها اتمنى تفيديني💜.

ربي يعافيك حبيبتي
اظن وضع بنت خالك غير لانها ما كملت ترم بكليتها+معدلها كان اعلى من اقل معدل انقبل في الهندسة

وسؤالك حلو لان ذكرتيني بنقطة نسيت اذكرها

اللي مثلا ينقبل بكلية بس بعد تجربة الدراسة فيها ما عجبته ممكن خلال اول اسبوع وبالكثير اسبوعين يروح عمادة القبول ويطلب تغير الكلية
وهنا يعتبر دا اعادة تسكين..مو تحويل
ويشترط في دي الحالة يكون معدله اعلى من اقل معدل انقبل بالكلية+وجود مقاعد>>اتوقع بنت خالك سوت كدا

اما اللي يكمل ترم او سنة بكليته هنا بيكون تحويل



نرجع لحكاية التحويل للهندسة
احنا دفعة 14 والدفع اللي قبلنا ما في تحويل
واتوقع دفعتكم 15 كمان مافي تحويل

تبغي تتاكدي ممكن تروحي كلية الهندسة الدور الثالث الشؤون التعليمية وبيفيدوك عن التحويل والمعدل المطلوب للكلية

اما الطلاب اعرف التحويل يكون من كلية العلوم قسم الفيزياء لان في مواد مرة كثيرة مشتركة بين الهندسة والفيزياء اول سنة


موفقة حبيبتي
وتاكدي ربي بيكتب لك الخير وين ماكان

[ريكتفاي]

المشاركة الأصلية كتبت بواسطة بنت عز ما تنهز.. ما شاء الله الطلاب قدامهم الفرص كثيرة اذا ممكن بس تفيدنا عن التحويل عندكم للهندسة بس يكون من كلية العلوم او في كليات ثانية؟؟

تقدر تحول من اي كلية علمية للهندسة

[بنت ناس وقلبي ألماس]

وعليكم السلام ورحمة الله وبركاته

موضوع قيَم ومفيد

الله يعطيك العافية يا أختي ويوفقك في الدنيا والآخرة

تم إضافة وسام التميز للموضوع وتثبيت الموضوع

[N.H.J]

تأكدت وسألت أ.حسام الجهني بتويتر وقال ان دامك اخذتي تحضيري علمي يمديك تحولين من اي كليه الى الهندسه 💜🙊

اشككرك يابنت عز واشكر كل اللي جاوبوني لان يمكن تغيرت القوانين على ذي السنه

[AssmaH]

المشاركة الأصلية كتبت بواسطة n.h.j تأكدت وسألت أ.حسام الجهني بتويتر وقال ان دامك اخذتي تحضيري علمي يمديك تحولين من اي كليه الى الهندسه 💜🙊 اشككرك يابنت عز واشكر كل اللي جاوبوني لان يمكن تغيرت القوانين على ذي السنه

انا من كلية الهندسة وكلام الاخت الي قبلي صحيح مافي تحويل لكلية الهندسة لانه المقاعد محدودة والرغبة كبيرة وما شاء الله المعدلات عالية
بالنسبة لانه وحدة من الطب حولت بس اعرف بنت وحدة من الدفعة الاولى الي كانت محولة من طب بس يمكن لانه كليتها اصلا معدلها عالي غير انه ما درست اساسا
لكن التحويل بعد دراسة ومن كلية معدلها اقل وبعد رفع المعدل غير ممكن وشؤون الكلية دائما ينوهون على هذا الشيء لين الترم الي فات وهذا النظام
اذا ممكن يكون راح يحصل تغيير على الترم الجاي تقدري ترسليلهم ايميل تلاقي ايميلات منسوبات الكلية في موقع كلية الهندسة شطر الطالبات او ممكن تروحي نفس الكلية الدور الثالث تساليهم

انا معرف ايش نظام التسكين هذه السنة بس باقولك عشان لو كانت خطتك الوحيدة رفع المعدل والتحويل لا تعتمدي عليها واذا تقدري تغيري رغباتك حطي الكلية الخيار الاول والله يكتبلك الخير