تجارب بنات جده في مكاتب التوظيف شاركونا

[غرام الطفوله]

السلام عليكم طبعا زي مو واضح في العنوان نبي نفيد بعض في المعاهد الكويسه اللي جربناها من ناحيه التعليم وقوه الشهاده

وكمان اللي توظفو سواء في المدارس او المعاهد بنتكلم عن سلبيات وايجابيات مكان اللي اشتغلو فيه وكيف قدمو ع الوظيفه يعني عن طريق الاعلانات بوسائل التواصل ولا راحو بنفسهم وحطو السي في في كل مكاان
يلا همتكم معااانا نبي نستفيد ونفيد ويكون مرجع لكل خرريجه

لكتابة تجاربكم عن المعاهد الرجاء زيارة الرابط التالي:

البحث عن معاهد ممتازة في جدة

[غرام الطفوله]

معقوووله مافي ردود وتجارب فينكم يابنات

[بانا9]

حلوو الموضوع جا بوقته لأني ابغى ادخل مععد ومحتاره

بس يا fofi كيف يعني دحين بالجامعه مافي دورات موقفينها ولا تقصدي بس موقفين الكامبردج ؟

ويسلمو غرام الطفوله ع الموضوع المفيد .

[بنت ناس وقلبي ألماس]

وعليكم السلام ورحمة الله وبركاته

مشكورة أختنا غرام الطفولة على هذي المبادرة

بالنسبة للمعاهد يا ليت الله يسعدكم يكون لها المرجع التالي:

http://www.skaau.com/vb/showthread.php?t=788424

عشان ما تكثر المواضيع ويتشتت الأعضاء


أما بالنسبة للشق الثاني من الموضوع فهو جديد ومفيد جداً لكل الأعضاء لذلك إن كان في تفاعل في الموضوع راح يتم تثبيت الموضوع

وبالتوفيق لكم

[لجين الشريف]

معهد سيدات الاعمال يعطو دورة كامبردج ومعتمده , المعهد كويس أنصحكم فيه

مكاتب التوظيف [ طاقات _ باب رزق جميل _ شباب الوطن] كلهم يقدمو وظايف للباحثات عن عمل

دعواتكم لي بالتوفيق ~