لو انقبلت وجاتني وظيفة في نفس الوقت ؟؟

[anhar44]

السلام عليكم ورحمة الله وبركاته..
احتمال أتوظف وظيفة في مدرسة حكومية ومنتظرة النتيجة بعد حوالي شهر..
هل لو توظفت أقدر أدرس وآخذ اجازة من الوظيفة الحكومية وبعد الماجستير أرجع لها؟؟
أو فيه طريقة ثانية؟؟
وفي نموذج تقديم الماجستير هل أكتب غير موظفة وبعدين وقت المطابقة أكلمهم وأعدل؟؟
أفيدوني وشكراً..

[saadoony]

أكتبي غير موظفة

ولو جاتك الوظيفه أمسكيها

بالنسبة لما بعد الوظيفة التفرغ للدراسة ما أعتقد أنهم راح يوافقون لك لأن أول سنتين في الوظيفة تعتبر تجربة بعدها تقدرين تقدمين إجازة إستثنائية بدون راتب

لكن لو حصل أنهم قبلوك في الماجستير تقدرين تقدمين تأجيل دراسة

بالنسبة لماجستير جامعة عزوز الدراسة تبدأ فيه عام 1438هـ ووقتها بتكوني كملت سنة في التدريس تقدرين تضبطين مع إدارتك وإذا ما وافقوا تأجيل الدراسة لعام 1439هـ وبعدها تكوني كملت سنتين وتقدرين تقدمين إجازة إستثنائية

لكن فيه نقطه حبيت أنوه عليها دراسة الماجستير يومين أو ثلاثة أيام في الأسبوع وسمعت أنها تكون تنسيق بين الدكتور والطلاب وتكون الدراسة في أيام الخميس والجمعة والسبت وبكذا تكوني وفقتي بين العمل والدراسة

داري أن كلامي لحسة مخ لكن مجرد إقتراحات

[fatoom sweety]

طيب لو مثلا كنت موظفة في قطاع خاص و اعطيتهم موافقة جهة العمل اقدر ادرس ماجستير و اشتغل بنفس الوقت لانه زي ما تفضلت قلت انه الدراسة ثلاث ايام في الاسبوع صح ولا

[saadoony]

المشاركة الأصلية كتبت بواسطة fatoom sweety طيب لو مثلا كنت موظفة في قطاع خاص و اعطيتهم موافقة جهة العمل اقدر ادرس ماجستير و اشتغل بنفس الوقت لانه زي ما تفضلت قلت انه الدراسة ثلاث ايام في الاسبوع صح ولا

أكيد تقدرين تدرسين وتعملين في نفس الوقت لكن يبغى لك تزبطين مع القطاع الخاص في اليوم اللي راح يكون فيه دراسة وعمل في آن واحد

الماجستير اللي دوامهم خميس وجمعة وسبت هو الماجستير الخاص
لكن الماجستير العام ما عندي أي معلومات عنه

[anhar44]

المشاركة الأصلية كتبت بواسطة saadoony أكتبي غير موظفة ولو جاتك الوظيفه أمسكيها بالنسبة لما بعد الوظيفة التفرغ للدراسة ما أعتقد أنهم راح يوافقون لك لأن أول سنتين في الوظيفة تعتبر تجربة بعدها تقدرين تقدمين إجازة إستثنائية بدون راتب لكن لو حصل أنهم قبلوك في الماجستير تقدرين تقدمين تأجيل دراسة بالنسبة لماجستير جامعة عزوز الدراسة تبدأ فيه عام 1438هـ ووقتها بتكوني كملت سنة في التدريس تقدرين تضبطين مع إدارتك وإذا ما وافقوا تأجيل الدراسة لعام 1439هـ وبعدها تكوني كملت سنتين وتقدرين تقدمين إجازة إستثنائية لكن فيه نقطه حبيت أنوه عليها دراسة الماجستير يومين أو ثلاثة أيام في الأسبوع وسمعت أنها تكون تنسيق بين الدكتور والطلاب وتكون الدراسة في أيام الخميس والجمعة والسبت وبكذا تكوني وفقتي بين العمل والدراسة داري أن كلامي لحسة مخ لكن مجرد إقتراحات

شكراً لاقتراحاتك..
يعني الحل ممكن تأجيل الماجستير مثلاً سنة على بال ما تمضي سنة من الوظيفة يسمحون نأجل لهذا العذر؟؟ وبعدها اجازة من الوظيفة سنة على بال ما تمضي سنة من الماجستير.. السنة الأولى مضغوطة وجدولها صعب.. وبعدها يصير خير..
أذكر قد قابلت وحدة ماجستير ماخذة اجازة من الوظيفة ما صار لها فترة موظفة يعني فترة بسيطة.. نفس وضعي ماجستير عام مو خاص..
هي الدراسة ثلاثة أيام في الأسبوع لكن في التيرم الأول مواد تكميلية يمكن معانا طالبات بكالريوس فتكون أوقاتها مو بكيفنا..

[عماد الحسن]

وفقكم الله جميعاً ،، وأشكر أخي الكريم لتفضله بالتوضيح

بشكل عام تعتبر الوظيفة مهمة لغالبية الخريجين، لكن لو تم القبول في الماجستير فهنا قد يحتار الخريج
وكما تفضل أخي saadoony فإنه يمكن الجامع بين الوظيفة والماجستير الخاص
لأن الدراسة فيه أيام قليلة وبعض الأقسام تكون دراستها في نهاية الأسبوع فقط
لكن في البرامج العامة قد يكون الوضع صعب ويحتاج جهد وتنسيق وموافقة العمل وشرط الخبرة
أنصحكم حالياً بالسعي في الجهتين، وبعد القبول يمكن الاختيار النهائي والله يكتب لكم الخير.

[عبـدالعزيز]

اذا الماجستير خاص والمحاضرات ويك اند , اذا خارج الدوام الرسمي

فيه نظام بالخدمة المدنيه ينص

المادة التاسعة:
للموظف الحق في التغيب عن عمله براتب كامل المدة اللازمة لأداء الإمتحان الدراسي بشرط أن يقدم ما يثبت أدائه الإمتحان ومدته

[anhar44]

جزاكم الله خير..
قدمت على تخصص عام وليس خاص..

[ماري الصغيرة]

حاليا خذي برنت من الاحوال قبل قبولك في الوظيفة و تغيير وظيفتك في الاحوال لمعلمة .. لو عرفوا انك معلمة بتتعقد امورك واولها لازم موافقة جهة العمل اللي من الصعب جدا الحصول عليها في حالة المعلمات للاسف..
انصحك تكملي دراستك بعد كذا اذا اجتزتي الماستر قدمي نقل خدمات على احد الجامعات وربك الموفق والميسر