استفسار عن اختبار القبول لقسم اللغة الانجليزية

[hatun]

[السلام عليكم ورحمة الله وبركاته


اتمنى تساعدوني بخصوص “ اختبار القبول “ في قسم اللغة الانجليزية

كم مدة الاختبار ؟ وكم سؤال ؟ وصح زي ما يقول البعض ان الاختبار في فرع الجامعه يختلف عن فرع الفيصليه ؟

واتمنى من الي اختبر تكتب تجربتها او تنقل تجربة غيرها عشان الكل يستفيد

وشكرا

[hatun]

وعلى قد مابحثت عن هالاختبار قدرت اجمع ايش المواضيع الي جات للي اختبرو الاختبار وهيا :

البطالة

كيف تشوفي نفسك بعد 5 سنوات

التعليم عن بعد

ايجابيات و سلبيات الهاتف النقال

الازياء

التكنولوجيا

الزواج

الاكل الصحي و الاكل السريع

شخصية تاريخية غيرت العالم

التسوق اونلاين في ازدياد

برنامج تفضليه او ماتفضليه ( شفت بنت كتبت انو جاها بس مافهمت قصدها برنامج عالتلفزيون او عالجوال )

هديه استلمتيها ( وهنا كمان مافهمت قصد البنت هديه اثرت فيني او قصدها ايش اخر هديه مافهمت الصراحه المقصد بس احاول ابحث بالمعنى الاقرب واتصفح بين المقالات الي لها صله عشان اخذ افكار اكثر في كتابة الجمل )

رساله الى مجله او جريده لتخصيص زاويه لشخصيه مهمه

[أمواج صالح]

كل اللي اعرفه ان الاختبار حيكون قسمين : واحد يقيس قدرات الطالبه على الفهم والاستيعاب والثاني التعبير
ناس تقول لازم قطعه تكتبي ثلاث سطور وناس تقول لازم القطعه حقتك 300 كلمه
ولكن اللي تقريبا حسيته معقول وحده قالت انو لما هي اختبرت كتبت بس 9 جمل وكانت كلها صحيحه ومتأكده منها والبنت انقبلت وكذا

اما هرجه انه يختلف من فرع ل فرع حتى انا سمعتها ولكن معرف اذا هي صحيحه او لا

مدة الاختبار مالي علم فيها بس ما اتوقع تطول
وبس والله اللي اعرفه قلته

[اهدنا الصراط المستقيم]

الاخت امواج اعطتك الكلام المزبوط
انا اختبرت و ما كان فيه عدد محدد قالو بس انو ما يقل عن عشر جمل
و اهم شي تكون صحيحه يعني مافيها اغلاط املائيه او بالقرامر
ممكن لو غلطتي غلطة او اثنين يمشولك ياها ع حسب عدد البنات الي يبغو يقبلوهم
بس عموما كلنا كنا خايفين و مرتبكين بس مرا طلع بسيط
انا جاني الموضوع عن افضل هدية حصلتي عليها بحياتك و ليش
انتي بس عبري بشكل واضح و صحيح بس لا تكثري كلام عشان ما تغلطي يعني خلي جملك قليله و واضحه و صحيحه
احسن ما تكتبي كثير و مخبص و مليان اغلاط
و بالاخير لا تشيلي هم الي مكتوب لك حتاخذي لانو مكتوب لك قبل ما تنولدي فاتوكلي على الله دايما و الله يكتبلك الي فيه الخير يارب