اختبار القدرات .. نصيحة محب

[abu rayan1]

السلام عليكم

بما أن التقديم باقي على نهايته فتره

نصيحه لكل شخص درجاته بالقدرات الجامعيين اقل من المطلوب ان يعيد الاختبار

وبإذن الله سيحصل فوق ال٨٠ درجه لو طبق ما قلته له تماما وخلال يومين فقط مذاكره

اولا

كتاب قدرات الجامعيين لامل القحطاني ... لا تاخذون بابطين او غيره ... هذا الكتاب شامل بشكل رهيب بالذات للقسم الكمي والاشكال

ثانيا

هذا الموقع

http://elearning.qiyas.sa/mod/page/view.php?id=87

تجد ثلاث نماذج للفظي وثلاثه للكمي وكل نموذج تقريبا اربعين سؤال

حاول تحلها ومع نهاية كل سؤال بيعطيك نتيجه اجابتك .. ويعطيك الحل كامل للسؤال بالتفصيل

الموقع رهيب رهيب رهيب

نصيحة من جديد اللي اقل من ثمانين درجه يحاول مرة ثانيه هالايام

ويطبق كلامي بالضبط وباذن الله تدعون لي

وفقنا الله واياكم

[hanan 510]

الله يسعدكك ويصلح أحوالك
انا عدته وجبت 71 وماتوقع اقدر ازيد أكثر من كذا
الله يوفقنا
فالنا القبول بإذن الله

[abu rayan1]

المشاركة الأصلية كتبت بواسطة hanan 510 الله يسعدكك ويصلح أحوالك انا عدته وجبت 71 وماتوقع اقدر ازيد أكثر من كذا الله يوفقنا فالنا القبول بإذن الله

مافيه شي مستحيل جرب

مشكلتنا الاستسلام .. خلاص ٧١ مضمونه .. اذا زادت خير وبركه واذا لا ماراح تنقص

القدرات سهل بس يبي تركيز وهدوء في الاختبار .. مثلا السؤال اللي ماعرفته او بيطول عليك اتركه وكمل الباقي وارجع له بالاخير علشان تفضى له ولا يضيع عليك وقت بدري ويسبب لك توتر وتبدا تخبص باللي بعده

وبنفس الوقت راجع كتاب قدرات الجامعيين والموقع لمدة يومين بتركيز كامل

واتحدى باذن الله تنقص عن ٨٠ ابدا

[غيم تايه]

$$


هي تقصد انه ما يسمح لها الا بعد ثلاثين يوم .. اما الدرجة فأنه حسب ما يقال يعتمد على عدد المختبرين في اليوم اللي تختبره
لأنهم يعتمدون على المعياري .. يعني تتأثر درجتك بعدد الحضور .. وهذا كثير ما استوعبها ..

بالتوفيق""

[قلبها طيب]

كتاب امل القحطاني وين القيه ياليت تردو وله نسخه ع الانترنت ولا لا ؟؟

[Fahad1982-123]

المشاركة الأصلية كتبت بواسطة غيم تايه $$ هي تقصد انه ما يسمح لها الا بعد ثلاثين يوم .. اما الدرجة فأنه حسب ما يقال يعتمد على عدد المختبرين في اليوم اللي تختبره لأنهم يعتمدون على المعياري .. يعني تتأثر درجتك بعدد الحضور .. وهذا كثير ما استوعبها .. بالتوفيق""

ايش الأفضل بالنسبه للدرجة ، اذا كانو كثير او قليل ؟

[Ameerah.]

المشاركة الأصلية كتبت بواسطة غيم تايه $$ هي تقصد انه ما يسمح لها الا بعد ثلاثين يوم .. اما الدرجة فأنه حسب ما يقال يعتمد على عدد المختبرين في اليوم اللي تختبره لأنهم يعتمدون على المعياري .. يعني تتأثر درجتك بعدد الحضور .. وهذا كثير ما استوعبها .. بالتوفيق""

i




جديدة المعلومة علي 🤔!!

[abu rayan1]

المشاركة الأصلية كتبت بواسطة غيم تايه $$ هي تقصد انه ما يسمح لها الا بعد ثلاثين يوم .. اما الدرجة فأنه حسب ما يقال يعتمد على عدد المختبرين في اليوم اللي تختبره لأنهم يعتمدون على المعياري .. يعني تتأثر درجتك بعدد الحضور .. وهذا كثير ما استوعبها .. بالتوفيق""

لا ياغالي مالها شغل بعدد الحضور

والا كان شفت الدرجات متوزعه بين الناس ماشفت الغالبيه بين الستين والثمانين

المعياري يقيسون القدرات لكل شخص عن طريق بعض الاسئله وكل سؤال له حسبه معينه من الدرجات على حسب القدرة على الحل .. لو تلاحظ نادرا جدا تلقى فوق التسعين ... لو كان الفكره على عدد الحضور كان شفت التسعينات مثل الثمانينات مع العشرينات حتى ..

[abu rayan1]

المشاركة الأصلية كتبت بواسطة قلبها طيب كتاب امل القحطاني وين القيه ياليت تردو وله نسخه ع الانترنت ولا لا ؟؟

اظن له نسخه عن النت لكن والله ما اعرف رابطها

لكن الافضل خذ الكتاب وحل بيدك وبالقلم علشان تتعود على نوعية الاسئله وطرق اجابتها

[بارق سما]

بالنسبه لاختبار القدرات

بعرض لكم تجربتي يمكن يستفيد منها البعض

قدمت على اختبار محوسب وهي أول مره اختبر فيها القدرات ولم يسبق لي اختباره

قبل موعد الاختبار شريت كتاب امل القحطاني من مكتبة جرير

وبديت احل في ورقه خارجيه واسجل ملاحظتي على اي سؤال اجد في صعوبه في الحل او اللي يستغرق حله وقت طويل مني خصوصا الكمي

وفي اللفظي وجدت في الكتاب عدة طرق تسهل عليك في اختيار الاجابه الصحيحه

دخلت الاختبار وتوكلت على الله وحليت

لاحظت ان الشباب اللي دخلوا معي في نفس الوقت طلعوا قبلي بكثير وبعضهم بدأ الاختبار قبلي وطلع قبلي

المهم انا طلعت اخر واحد من القاعه بحكم انتهاء الوقت وقفلت علي الشاشه وكان باقي لي 4 أسئله ماحليتها

جاني المراقب وسألته غريبه الناس خلصوا من بدري؟؟

قال لي انا لاحظت انك تكتب وتحسب كثير وتمسح وغيرك يختارون الاجابه تخمين فاكيد بيطلعوا بدري

عموما وقت النتيجه حصلت على

92.9 في القسم اللفظي

89.2 في القسم الكمي

والدرجه الكليه 91

نصائح

1- يجب التعرف على طريقة الاختبار بشكل جيد
2- لاتعتمد على الاختبارات السابقه على اساس انها يمكن تجيك في اختبارك ولكن لكي تاخذ فكره عن اسلوب الاختبار
3-اي كتاب يعرض لك نماذج ويشرح حلها يفيدك في هذا الجانب لكن احرص على الوقت
4- الاختبار اللفظي ليس بالسهوله التي تراها ولو رجعت للكتب اللي تشرح لك كيف تحل فيها اللفظي راح تتضح لك الصوره
5- في الكمي سجل المعطيات في الورقه والمطلوبوحاول تربط بين المعطيات للحصول على المطلوب وليس كل رقم يجيك في المعطيات تحتاجه للحل بعض المعطيات ماراح تفيدك