استفسار عن حضانه الجامعه فرع الفيصليه

[ندى الفل]

السلام عليكم ورحمة الله
هذه مشاركتي الاولى في المنتدى وحبيت اسال الاخوات الامهات في الجامعه فرع الفيصليه عن الحضانه كيف وضعها واهتمامهم بالاطفال والنظافه لديهم ومتى اقدر اسجل بنتي عندهم يعني لازم من بدري ولا مع بدايه الدراسه السنه الجايه لا تنسوا الرد يا امهاااات

[ندى الفل]

27 مشاهده ولا وحده ردت تكفون الي تعرف عن الحضانه لا تبخلوا عليا الله يوفقكم ويجزاكم كل خير

[همة همة همة]

حياك الله اختي

الحضانة من الخارج والداخل ممتازة .. اذكر اني دخلتها مع استاذة ...من الداخل غرف باختلاف الاعمار ..واسره للنونات الصغار ..يعني انا بقول انها طيبة ..
دخلتها قبل سنة بصحبة استاذة لانهم مايدخلون الا الامهات الي لهم اطفال هناك ..ولا تمام جدا نظام ومايدخلون اي احد الا باثبات وكمان الخروج . اما.من ناحية الاكل والنظافة والفراشات والرسوم والله سامحيني ماعندي خلفية ابدا .

قريبة من بوابة ومبنى كلية العلوم ..وبعيدة شوي عن مبنى الاداب ..
روحي الاسبوع الثاني مع بداية الدراسة ..لان في الغالب الاسبوع الاول فاضية الكلية ..

هذا والله الي اقدر افيدك به ..

وجعلك الله انت وبنتك في الجنة ...

[بسمة تفاؤل]

انا بقولك اللي اعرفه لما كنت ادرس فيها
صاحبتي كانت تجيب بنتها بداية السنه عادي كنت ادخل معاها ماكانوا يقولون شي بس بعدين صاروا يشددون وحتى الاطفال ممنوع يخلونهم في الكلية لازم على طول اذا خرجت من الحضانه تخرج من الكلية
والله افتكر صاحبتي طفشوها لما كانت تخلي بنتها معها واهتمامهم تقول كويس
ورسومهم الترم الثاني صارت ب 2000
وعادي تسجلينها بداية الترم
هذا اللي اعرفه وان شاء الله اكون افدتك بشي بسيط

[ندى الفل]

شكرا لكم يا غاليات وجزاكم الله كل خير وجعله الله في ميزان حسناتكم

[am hmody]

السلام عليكم

أنا أتذكر عندهم نظام حلو اللي هو يومي اليوم يكون ب ٣٥ على حسب ما تذكر
جربي اسبوع وشوفي وضعك
الإيجابيه انه جنبك
وشوفي حول الكليه ممكن تلاقي

[مجاهدة]

الله يسهلك يالغالية كل خير
انت وانا وجميع الامهات
ويسهل طريقهم لطلب العلم
ويرزقنا الإخلاص

[فيصل 7]

لو سمحتو ادري ان الموضوع قديم بس كم الاعمار اللي يقبلوها عادي 4 سنوات
والدفع يكون مقدم كامل ولا ؟