لا تنطبق علي شروط القبول لدراسة الماجستير هل فيه حل

[عزيز نفس ومقابر ضيقت صدري]

المشاركة الأصلية كتبت بواسطة (( طموحه )) اولا مشكور على ردك الوافي و الواسطه مامعاي بس عندي المادة بحكم وظيفتي يعني اقدر للماجستير الخاص وبصراحة مايفيدني الماجستير في وظيفتي الا في حالات نادرة وانا احس اكتفيت من ناحية الوظيفه لاني حاصله على جوائز على مستوى المنطقه وعندي طموح ان احصل على اعلى مستوى علمي ليس للاستعراض ولكن طموح وتعطش للنجاح اللي كنت محرومه منه سنين وكون عندي وقت فراغ و صار الموضوع زي حلم بالنسبه لي للاسف الكل يقولي نفس الكلام ..عندك وظيفه احمدي ربك وخلي عنك الدراسه على فكرة انا احب الدراسة جدا وماجبت مجموع في الجامعه لظروف الله اعلم فيها..

بالعكس انا اؤيدك, انا مثلك احب الدراسة وان شاء الله ببدأ دراسة ماجستير ثاني الترم القادم. سؤالي لان بعض الناس ماعنده قابلية للدراسة ويبي ياخذها لمجرد استعراض.
كلمي الجامعات الاهلية اللي تقدري تدرسي فيها انهم يعادلون لك مواد من البكالوريوس الاول وتدرسي بكالوريوس ثاني. وعندك الشهادات الاحترافية.
بالتوفيق

[gis.specialist]

الدراسة عن بعد فيها مشكلتين: المعادلة من وزارة التعليم (وبنفس المنطق هل الشركات تعتمد هذا النوع من الدراسة)، وطبيعة الدراسة حيث تعتمد على الالتزام الذاتي والتحكم بالوقت والتحفيز الذاتي

رأيي، شوفي الجامعات الخاصة، فيه جامعات خاصة قوية ، بس هذا يعتمد وين مكانك .. وكذلك البرامج الخاصة في الجامعات الحكومية

أيضا في نفس الوقت، جربي التقديم على الحكومي، لا تقولين الشروط لا تنطبق.. ما أقول لك اعتمدي على هذا التصرف، لكن ما دام الوقت معك، جربي ولا تمنعين نفسك من شي.. الابتعاث حرمت نفسي منه في أول حملتين، و في الثالثة وما بعدها جربت إلى ما دخت ولا قبلت، ولكني اكتشفت من مصادر مختلفة من تجارب الناس أن أول حملتين ما كان فيه تدقيق على الشروط لجدّة الموضوع وقلة المتقدمين في البدايات.. يعني حرمت نفسي بسبب الشروط اللي وضعوها بينما كان بإمكاني مجرد تعبئة النموذج على الإنترنت والانتظار
الآن أنا أدرس في جامعة الملك سعود في تخصص ما كنت متوقع أني بأقبل فيه، قلت برنامج عام صباحي بلوشي وبمكافأة وفي كلية منكبين عليها الناس واصلا في العادة العدد قليل (وهذي كانت خرافة اكتشفت بعدين أن المقبولين في بعض البرامج الصباحية عدد كبير) ، والتخصص نفسه كنت أشوفه من كذا سنة ولم أقدم عليه لأني كنت شبه مقتنع أني لن أقبل، ولكن كنت مقبول في جامعة قوية خارج المملكة ، وكنت متردد أروح لأسباب عائلية، وقلت خلني أجرب، وسبحان الله قبلت فيه
فأحيانا الإنسان يضع لنفسه قيود، أو يلتزم بزيادة أكثر من اللي وضعوا الشروط، بينما المفروض يكون مرن ويحاول

والله الموفق والهادي إلى سواء السبيل