لننتصر على الكيمياء

[SoOoMa1990]

بسم الله ..
عندي كدا كم سؤال على السريع ..
دحين في صفحة 380 ..
الرسمة الاولى عندنا حقت H-Be-H ... دحين البريليوم مدارو الاخير اللي هوا 2s2 ممتلئ .. طيب كيف تسوي رابطة تساهمية .. وهيا اصلا مدارها ممتلئ يعني ما تحتاج الكترونات ولا شيء .. اللي فيها كافيها ..

وفي نفس الصفحة .. آخر رسمة .. اللي هوا يقلك انه coordinate covalent bond .. هادي كيف .. يديها الالكترونين اللي عندوو ولا الكترون واحد .. على حسب الكلام انه الاتنين .. بس كيف اتنين وحاطين اشارة سالبة وحدة على الB ... ؟؟

طيب نرجع لصفحة 372 .. دحين اول شيء في الصفحة جالس يقولنا انه مركب الNH3 انه الN حتاخد شحنة -3 عشانها اكتسبت 3 الكترونات .. بس كيف يقول زي كدا والرابطة اللي بينهم مو ايونية .. يعني مفروض ما تنتقل الالكترونات .. مجرد مشاركة .. ؟؟؟

وبالنسبة للفرق بين السالبية الكهربائية لو طلع اكبر من 2 كدا نقول انه الرابطة ايونية ... طيب لو نبغى نعرف انها تساهمية .. لازم الفرق بينهم يكون صفرر ولا كيف .. ؟؟

وآخر شيء بسأل على صفحة 361 .. هادي دحين معانا ولا لا .. انا شايف فيها قانون مدري ايش يبغى في الحياة .. ؟؟
وشكرا مقدما ..