آخر أيام دراسة الإحصاء هنا

[بيو كيميائية ^_^]

سكشن 3 ،،

The standard Normal Distribution
التوزيع الطبيعي القيــــاســـي ،،
هوا توزيع طبيعي متوسطه الحسابي (صفر) وانحرافه المعياري (1)
،،

وهنا يقولك معلومة مهمه ،، وهيا انو كل المتغيرات اللي تتوزع توزيع طبيعي نقدر نحولها للتوزيع الطبيعي القياسي باستخدام الفورملا للستاندرد سكور ،، القيمة مطروحة من المتوسط \الانحراف المعياري
ودا الشي رح نستفيد منو فـ السكشن اللي بعدو

وتبعن احنا عارفين انو الـ z score or z value هيا : كم انحراف معياري تبعد القيمة عن المتوسط الحسابي

--

دحين نيجي للمهم ،، وهوا كيف نوجد مساحة تحت هادا المنحنى،،
اول شي ،، ارسمي محور الاكس والمنحنى ،، تبعن شكل كاريكتيري
تانين :) ظللي المنطقة المطلوبة يلي تبي توجدي مساحتها ،،
وبعدين رح نشوف المساحة يلي نبا نوجدها تتبع اي شكل فـ الجدول الموضح فـ p. 291
وحنتبع الطريقة يلي هوا كاتبها ،،

اول شكل وهوا رقم (1) تبعن دا اسهل شي ،،
اللي هوا المساحة بين نقطة (z value) والـصفر ،، هادي ع طول تاخدي قيمة الـ z وتروحي تطلعيها من الجدول تبع التوزيع الطبيعي القياسي،،
ازا مانك عارفة كيف تستخدمي الجدول قوليلي وانا اشرحو ،، بس يعني اتوقع الكل واضح عندو


2- تكون المنطقة يلي تبيها فـ الطرف ،، يعني من الـ z لآخر المنحنى
هنا رح نطلع قيمة المساحة الموجودة بين الـ z والصفر زي ما نعرف ،، وبعد كدا
نطرح هادي المساحة من (1\2 ،، 0.5) ،،
لأننا احنا عارفين انو المساحة كلها تحت المنحنى دا يساوي واحد ،، وانو المساحة حوالين المتوسط متساوية يعني نصف المساحة فـ اليمين ونصف المساحة فـ اليسار
ودا يعني انو كل جهه من المنحنى مساحتها بـ نص


3- المنطقة بين قيمتين للـ z وفي نفس الاتجاه ،، بمعنى كلهم عند المحور الموجب او كلهم عند المحور السالب
رح نجيب المساحة من عند النقطة الاولى للصفر ،، ونجيب المساحة برضو للنقطة التانية للصفر
ونطرح المساحة الصغيرة من الكبيرة
وبكدا تطلعلنا المساحة يلي بين النقطتين


4- ازا كانت بين نقطتين وحده عند المحور لموجب والتانية عند السالب،،
حنجيب المساحة للنقطتين نفس الخطوة الاولى لرقم 3 ،، وبعد كدا نجمع المساحتين

5&6 - المنطقة المطلوبة من الـ z لآخر المنحنى سواء لجهة اليمين او لجهة اليسار
احنا تبعن عارفين انو مساحة نصف المنحنى بـ 0.5 ،، يسير باقيلنا بس نوجد مساحة المنطقة من عند الـ z للصفر ونجمعها على النص

7- ازا كانت المنطقة المطلوبة مقسومة فـ الطرفين،،
نجيب مساحة كل طرف زي ماهوا موضح في فقرة رقم 2 ،، وبعدين نجمع المساحتين،،

---

والتمارين يلي بعدها موضحة كل الاشكال السبعة ،، ادربي عليها ،، انتي بس اتخيلي الشكل
وحتعرفي بنفسك ايش تسوي ،،

هذا برضوا شرح الأخت فنتون