جاوبوني ضروري

[υикиσωи]

المشاركة الأصلية كتبت بواسطة medo69 السلام عليكم ورحمة الله وبركاته والله انا عارف انو مو وقتو لأن انتم في فترة اختبارات بس حاب أسأل الدراسة والمواد عندكم سهلة ولا صعبة ؟؟؟؟؟؟؟؟؟؟ يعني انا من النوع اللي اذاكر فترة واوقف فترة فأرجوكم جاوبوني فتنصحوني في عبد العزيز ولا أسجل في ينبع الصناعية أصرف؟؟؟؟؟؟؟؟؟

وعليكم السلام ورحمة الله وبركاته ..

وي ايش مو وقتوو ..مرحبمبم في اي وقت ..
بعدينا ان شالله انتو خليفتنا في دا القسم السنة الجاية .. ..هع

اممم ..شووووف عزيزي ...الحكاية مهي حكاية قديش تقعد تزاكر ..
الحكاية وما فيها ...انو انتا تكون فاااااهم المادة ..حتى لو ما بتزاكر اول بأول ..
وقديش يمديك تربط المعلومات ببعضها ..

الدراااسة عندنا مراا حلوة ..والمناهج من أحلى ما يكون ..
نفسها حقت الثنوي ..اللهم انها بالانجلش..
ولا تنفجع ... انا كنت زيك متخوفة من حكاية الانجلش..
بسس واللهي اسهل من العربي ... عالاقل لما تدورلك مراجع تانية ... تفهم المصطلحات ..لانو اشك الواحد يرجع لمرجع عربي ويلاقي المعلومة بتووووووسع <<دا من وجهة نظري

الكتب لغتها سهلة وبسيطة ..<< دا و انا انجليزيتي مراااا عااايدية...


اممممم ... ازا تبا نصيحة من عندي ... عبداالعزيز او فهد ..
كلية ينبع الصناعية ..أعرف ناس فيها ...أحس دراستهم مدري كيف ...صح انو مناهجهم زي حقت الملك فهد ...بسس زي ما قلت يطلع مساعد مهندس ..
بسس حسب اللي فهمتو منهم ..انو يمديك تكمل بعد كدا دراستك برة ... وتسير مهندس << دا اللي فهمتو ..بسس موش أكيد ..



المهم ...في النهاية الخيار ليك ..
استخير أكتر من مرة ... وخلي مامتك وبابتك برضو يستخيرولك ..
وخلي في بالك نقطة ..ازا رحت في ينبع حتكون بدون أهلك ..