سعودية 23 سنة تكتب قمة المنطق (حملة كفى)

[شمس القوايل]

من جد من اروع ماقرئت وما اعتقد ان اي واحد يقرا الموضوع ماراح يتاثر لانو هذا الواقع ومحد يقدر ينكره
الله يثبتنا على دينه وعلى طاعته ويهدي بناتنا وشبابنا يارب
مشكوره على الموضوع يعطيكي الف عافيه

[أتعبني غروري]

المشاركة الأصلية كتبت بواسطة شمس القوايل من جد من اروع ماقرئت وما اعتقد ان اي واحد يقرا الموضوع ماراح يتاثر لانو هذا الواقع ومحد يقدر ينكره الله يثبتنا على دينه وعلى طاعته ويهدي بناتنا وشبابنا يارب مشكوره على الموضوع يعطيكي الف عافيه

نورتي الصفحة يا شمس ....وشكرا على المرور

[free as bird]

عندي كم تعليق على الي نقل وكتب الموضوع لان وصلني عن طريق الايميل واعتقد انه موضوع غبي واتعجب من عدم الرد علي صاحب الموضوع؟؟؟؟

تغيبت عن مجتمعنا السعودي 8 سنوات ورجعت له من شهرين
( اكثر من علامه استفهام العائله السعوديه الوحيده من كل العائلات العربيه التي لا يمكن ان تتغيب عن السعوديه اكثر من 7 شهور

امكن العزابي لو عنده مخطط خلال الكريسماس ان يسيح في اوروبا علشان يوفر كم قرش يجلس في البلد لكن العائلات تناقز للسعوديه قبل الجامعه ماتقفل علشان كدا مااصدق انها على حسب كلامها جلست بره السعوديه 8 سنين بدون ما تمر على البلد الام ولو لاسبوع ؟؟؟؟؟ مو مشكله كل عائله وهي حره في التخطيط لكن مامشيت علي

بصراحة تفاجأت وانصدمت من التغيرات اللي حاصلة
في المجتمع بكل فئاته وطبقاته .. في النوادي الرياضية..في الأسواق..والأهم في الجامعات والمدارس.. المنتديات والمدونات

ماادري اش الي شايفاه وماشافاه الناس احنا عايشين في البلد من 23 سنه مااني شايفه اي تغير ؟ بالعكس اصبحنا اكثر تشدد ننحشر في خصوصيات الناس على الكبير والصغير في وقت كنا نتمتع بمساحه من الحريات الشخصيه خصوصا في الحجاز (رغم اني لا احب ان احدد او اميز كلنا واحد

لكن مثلا في بعض المناطق احيانا يكون عامل القبيله له تاثير قوي من ناحيه الافراد انهم لا يحاولوا الخروج عن القبيله رغم اني اشوف ان الكلام هدا تغير وكثر من الشباب عنده وعي بحقه كفرد في المجتمع .

تمنيت أني ألقى المجتمع تطور للأمام..أو تقدم للأفضل

دبحتونا باهلكلمه ليت تطورنا ليت مادري اش طيب حضرتكي ماشاء الله 8 سنين بره البلد اش جبتي اول شي عملتيه هو نقد وتجريح المجتمع تمتعتي بحريه ووسع القانون لدوله اجنبه وانا متاكده انك كنت في راحه وسعه بال لا يصفا احد امكن حتى لو كنتي منقبه مافي احد قلك شيلي النقاب انت في بلد اجنبي وقانونه لا يسمح بالنقاب رغم كدا 8 سنين ماغيرت فكرك ابدا وفقط بعد شهرين بادتي في استجواب المجتمع وتجريه ورميه بالتخلف وووو مافهمت معصبه ليش؟حديي التطور مو ترمي الكلمه ككل احد اناشد بالتطور اناشد بالتقدم ماهو الشي الدي تريدينه

انا من وجهة نظري ارى ان التطور والتقدم يكون في القانون ان كل مواطن يتمتع بحقه في العيش الكريم والحياه السلميه يكون له الحق في التعليم الي الجامعه له الحق في الحصول على وظيفه جيده له الحق في دخل جيد يوفر له حياه اسريه كريمه يكون لي الحق كمواطن ان استجوب اي مسؤل في الدوله قصر في خدمتي يكون لي الحق ان امارس حياتي بحريه بدون تدخل هدا وداك بدون ان اصنف انت مع او ضد انت مطوع او صايع (كما تقومين به انت الان)؟ انا مسلم والمسلم فقط رب الخلق يحاسبه مو انت او هدا او داك البس كما اشاء اكل كما اشاء اعبد ربي كما اشاء هدا شي خص به رب العباد المسلم لكن ادا اردتي ارجاعنا كما ايام المسيحين ومحاكم التفتيش تحاكم هدا وداك على حسب مايفكر به او على حسب مايالكل هدا شي كبير واعتقد ان هدا سبب تراجعنا مو سبب البنطلون او التي شيرت؟

هل لما زادت رفاهية الحياة يزداد تخلفنا؟؟

هل لما تطورالعلم وتسهلت الطرق له يزداد جهلنا؟؟

تساؤلاتك في غير محلها مين قال اننا مجتمع مرفه او زادت رفاهيتنا

بنات خارج اسوار الجامعه اولاد عاطلين مجتمع نصفه امي حقوق الافراد غائبه ؟

البنيه التحتيه صفر ؟ جده ماشاء الله حمى الضنك متوطنه فيها جيزان والملاريا ؟؟ ها اكمل التنميه مغيبه رفاهيه مين مستشفيات بالدور ؟؟ فين الرفاهيه خط الساحل كله تحت خط الفقر ؟ مادري عندك فكره عن مدينه تدعي العيص قريبه من المدينه المنوره فيها بركان على وشك النفجار مادري عندك فكره عن المستوى المعيشي للسكان ام لا ها تعبتي نفسك بالقاء نظره على المنازال المتهالكه للسكان ام لا ماعتقد انك قرأتي جريده مؤخرا لان في مواضيع اهم من بنطلون نازال ونتف حواجب

وهذا واقع البنات اليوم مظهر ومنظر
ولو تقولين لها 1 ×1 كم؟
تنحت
لو تقولين لها وش آخر كتاب قريتيه؟
قالت هااا

هدا تجريح في غير محله الفتاه السعوديه مش غبيه كما تدعين امكن انت غبيه او لا تفقهين العد لكن الفتاه السعوديه ذكيه ولم اصادف يوما ما فتاه بهده المواصفات حتى لو كان كلامك على سيبل المبالغه لكنه كلام سمج وقدف واستغرب ماحد رد على الاخت المتاذكيه؟ قولي لي اخر كتاب قرأتيه لاني اشك انك قرأتي كتاب ادا كان هدا اسلوبك في طرح مشكله ( دا كان في مشكله ) السخريه مش اسلوب جيد لطرح وجهه نظر؟

لو نص هوس المظاهر هذا كان على عقولنا لكنـّـا أنجح الشعوب
لأنه ببساطة شيء متوفر عندنا
لا ناقصنا مال ولا قدرات عقلية

الحين تقولين فوق اننا اغبياء ومانعرف نعد والحين تقولين مانقصنا شي ؟؟ مافهمت حددي احنا اغبياء ولا اذكياء

طول السفر طقاق أنا وزوجي وأنا أحرسه لا تناظر وهو يحرسني لا تناظرين ..قلت طيب خلوا سفركم لبلدان محافظة أو لا تسافرون حطوا فلوسكم في البيت تغيير ديكورات وأثاث

الحين تقولين اننا شعب حق مظاهر ومانقرا والكلام دا طيب ليش ماتجيبي فكره غير تغيير الديكور مو هدا مجرد مظاهر فارغه؟؟؟ لا تعاكسي نفسك ؟؟ وعلى فكره على حسب منظور السعودين مافي دول محافظه امكن القصيم او بريده تفي بالغرض امكن لكن اليمن فيها تبرج لبنان مايحتاج كلها سفور مصر ام التحرش مين فضل مافي دول خلاص على القصيم وبعدين ماقلتي كيف تمكنتي من العيش خارج السعوديه 8 سنوات وانهرتي في دوله اسلاميه دولتك الي الشريعه حكمها وهي مهبط الوحي وفيها الحرمين ؟؟؟ مافهمت ونفس اعرف الدوله الي عشتي فيها لان عندي كم سؤال لك ؟؟

والمضحك في الوضع إني ألاقي العميلة البسيطة ما شاء الله حسابها شي وشويات..وهذي أم البهرجة حسابها بالسالب(عليها قروض وسيارات تقسيط)..وعنوانها يا إما شقة وإلا أجار

طيب الان انت تمارسي نفس الخطا نقدك للسيده انها في بيت ايجار هدا شي خاص في ايجار في الشارع كل واحد له خصوصيه ؟ وبعدين اعتقد لو كانت السيده موظفه اعتقد تستطيع شراء اي حقيبه من شانيل او كريستان ديور براتب شهر ؟ صار هدا مايكلفها شي خصوصا لو اشترتها من اوروبا وايام التخفيض امكن يكلفها اقل شي 500 دولار

يعني ماهو داك المشكله العويصه الي تستلف حتى تشتري حقيبه ؟؟؟

من جد من كثر ما أنا منهارة من هالوضع والله مو عارفة وش أكتب

لا تعليق ؟؟؟؟

طبعا هذا غير الاسترتشات اللي لما تتمدد يطلع البنطلون شفاف..شيء يجيب الغثيان..المشكلة نتدرب في كلاسات كلها مرايا يعني ماتستائين من منظرك!!!!!

ادا كان النادي كله بنات في بنات اش المشكله اتدرب بالعبايه يعني ولا ايه ولا احسن بلاش رياضه اجلس في البيت ؟

أخذت اللغة على يد أمريكية..عاشت في أمريكا 10 سنوات من زواجها و3 سنوات في السعودية..
لأنها متزوجة سعودي
تقول أنا توقعت السعودية بتسهل علي تربية عيالي لكن اكتشفت العكس
برى لما يشوفون غلط أقول لهم هم كفار ينبسطون شوي وآخرتها النار
بس إحنا مسلمين ننحرم شوي وبنتمتع فورإيفر في الجنة
تقول وكانوا مقتنعين والأمور تمام
أما هنا لما يسألوني عن أشياء غلط يشوفوها في الفيصلية"والله كلامها نصا" أتلعثم وما ألاقي حجة مقنعة طبعا هم يعرفون كيف يحاورون عيالهم ما تقول له إلا كلام مقنع ومنطقي شوفي مخ عيالهم ومخ عيالنا
نرجع لها تقول صرت أقول لهم
"there are good muslims & bad muslims"

اتحداكي من هدا المنبر ان الكلام دا صح كله من تاليف راسك الامريكيه لا يمكن تنتقد مجتمع لانها مؤمنه ان كل شخص حر والاهل هم من يربي الابناء وليس المجتمع انا اعطي ابني كل المبادي والاخلاق ؟ وهي لاتنظر الي الناس ومايفعلون اخر هم الامريكي الناس وحياتهم اليوميه والكل يعرف ان المجتمع في ديناميكه ويتغير ويتطور ماكان قبل 10 سنوات لايمكن ان يكون الان هل تستطيعين ان تعيشي تمام كما عاشت جدتك تلبسي وتاكلي وتمارسي حياتك كما كانت جدتك او والدتك ؟؟؟ جاوبي انا انتظر؟

ليه أحط صورة فاتنة لو مر عليها ولد حركت غرايزة

مااعتقد احنا عايشين في الغابه واعتقد حتى الحيوانات تستيطع التحكم في غرائزها ؟ فما بالك بشخص عاقل مسلم بالاضافته لفطرته الدين الاسلامي علمه وحسن اخلاقه الكلام الطالع والنازل ان الشباب ماشي وهو مادري اش كلام خطا وفقط لاثاره الكلام لا غير انا مااشوف لا تحرش ولا شي شويه المعاكسات الي في الاسواق من الفضوه ولان ماعندنا اهتمامات اخرى لكن مو لان شبابنا قليل ادب؟

انا متاكده ان كاتب الموضوع شاب مش شابه اولا لم يتطرق ولا لاي خطا من قبل الشباب فقط ادرجت اخطا البنات وكلها اشياء شخصيه (ملابس موضه نظافه شخصيه ) لم تتطرق للشباب

قالت ان البنات السبب في جر الاولاد للمعاكسه ؟ جميل قالت البنات والموسيقى كان الاولاد مايسمعون قالت صديقاتها تغيرو ان اعرف ان البنات دائما مع النظافه الشخصيه والمنظر الجميل

البنطلون الي قاهركي مااعتقد في احد يلبسه لان موضته انتهت من سنه وبنات السعوديه دائما على الموضه لوويست انتهى من اكثر من سنه على حسب معلوماتي الفاشنيه ؟؟؟

الحين الدنيا مقفله على البنات لا نوادي ولا تجمعات ولا ترفيه ولما كم بنت حابه تناقش امور خاصه بالبنات صار لا وحرام في المنتدي كل واحده حره في طرح الموضوع وسؤال اهل الخبره انت وش حارق رزك وشبابنا هم حرين الملقوف يخش منتدي البنات والعاقل مايضيع وقته مع شله بنات

لو انت صح شايفه ان مجتمعنا مضيع خميسه ولا شي عاجبك كان انتقدي الكل الجنسين طرحتي حلول صح كل حلولك وانا في الابتدائي اسمعها ؟ الموسيقى حرام النتف حرام الزفه حرام السوق حرام الرياضه حرام؟؟؟ ولا كلمه في مقالك الطويل العريض قدمتي بشي تنموي ؟ اتمنى ان اكون في حوار صريح وجاد معك لانك مثلك مثل الف واحده موضوعك سمج تافه فقط تجريح لمجتمع بأكلمه فقط لانه لا يتماشا مع رؤيتك المتدينه جدا والتي تريدن فيها البنات قابعات في المنزل يخدمون الرجال ؟؟؟ صح لو كان لك رؤيه غير ارجو منك طرحها اقصد ارجو منك طرحها ؟ وسلامتك