نداء عاجل للعضوه روح زايد

[كلمات من القمر]

اختي روح زايد عرفت من مشاركتك ان اللي رقمهم الاكاديمي يبداء بـ 07 كتابهم الاخضر للقرمر
والازرق للريدنق وعرفت الفصول اللي معانا
واتوقع من كلامك انك مثلي كتابك الاخضر
اتمنى تكملي جميلك وتساعديني وتقولي لي الصفحات والتمارين اللي معانا واللي حلتها الاستاذه في كل فصل في الكتابين
انا كنت اذاكر في ملزمة المذكره الوافيه شرح وترجمه للسنه التحضيريه
والحين بس عرفت اني كنت اذاكر غلط
والمشكله انا مو من سكان جده يعني ماقدر اروح اشتري ملزمة الكتاب الاخضر
بس الحمد الله الكتاب عندي وهذا المهم
فياليت ماترديني وتعلميني ايش معانا
استناكِ على احر من الجمرر

وياليت اللي عندهم علم في هذا الموضوع يساعدني

[خالد بن عبدالعزيز]

الله يوفق الجميع

[كلمات من القمر]

آميييييييييييين يارب

شكرآ اخوي خالد على الرفع

[كلمات من القمر]

ماراح افقد الأمل
الين القى ردددددددددددددددددددددددددددددددددددددددددددد

[روحـ زايـد]

هلا ياقلبي


اسفه توني اشوف موضوعك

عالعموم يالغلا انا زيك رقمي الجامعي يبدا ب 07
و كتابنا الاخضر نفس الكتاب الي اخذنا منه الانقلش 101

المهم مافي شئ معين الا الفصل الثامن عندك محذوف من صفحه 118 الى اخر الفصل الثامن
و باقي الفصول كلها معانا


اما التمارين مافي شئ معين و انا بكون صريحه معاكي تراني ماحضرت محاضرات الانقلش لانو الشعبه الي انا فيها مايمدحون استاذتها و كل الي كاتنو بشعبتي يروحو يحضرون للاستاذه اضن اسمها دينا العيسى
و انا كانت شعبى الاستاذه دينا تتعارض مع ماده تانيه معايا
فرحت مرتين للمحاضره قبل تجي الاستاذه و اخذت الكلام كلو من بنت هناك


المهم اعطتهم اشياء قالتلهم تقريبا انو هوا الي ممكن يجي في القرامر من الفصل الخامس و السادس


لانك زي منتي عارفه معيودين هذول الفصلين
اخذناهم بالانقلش 101
بس انا باذن الله راح احاول اعدي عالفصلين هذول احتياطيا يعني ماراح اكتفي باللي قالته

المهم بكتب الي نقلته و تعرفي من دفتر لدفتر ممكن الاسبلنق يكون خطا بس اهم شئ توصلك المعلومه

هيا عباره عن زي الاسئله و اختيارات و حلتها معهم

1_how much
a_ water
b_cars
الاجابه a

2_ how many
a_ water
b_ cars


3_ this is sara book
a_ sara
b_ sara،s
الاجابه b


كدا خلصت الاختياري
و دحين اعطتنا زي النقاط
انو
few >>>>can،t
a few >>>>> can
يعني الاولى للمعدود و معناها انو قليل و مايكفي
بس التانيه قليل و يكفي

الشئ التاني يقول انو
liteer >>>>> can،t
a liteer >>>>can
و هذي الاولى معناها قليل و مايكفي لغير المعدود
و التانيه قليل بس يكفي



يعني الفرق بين القاعده الاولى و التانيه انو فيو للمعدود و ليتر لغير المعدود


و آخر حاجه بتتكلم عن الحاجات او الكلمات الي تتدل على الفعل الماضي

زي عندك
yasterday
lastweek
last year

هذول كلهم الفعل الي بعدهم يجي فيه ed

صح ترى كمان كلمة ago تتدل على الفعل الماضي


وكمان ياعسل فيه اسئله اعطتهم يا باخر محاضره بكتبها لك وقت تاني باذن الله

[عمر الغامدي]

إذا تسمحوا لي اصحح معلومه بسيطه

الكلمات هي Few , Little

و ليس liteer


اللفظ بالعربي ( لتل ) و ليس ( لتر )

و تعني قليل

few للمعدود ... مثال ... few days

little >> لغير المعدود .. مثال .. little suger

[روحـ زايـد]

ايوة بالضبط يعطيك العافيه اخوي