مجموعة من الخبرات في مجال التخصصات - متجدد

[يلدرم]

عضوة تخصصها انجليزي

وانا المستوى السابع داخلة على المستى الثامن ان شاء الله بعد دعواتك لي بالنتائج الحلوة ...
بالنسبة لتخصص الانجليزي بشكل عام ...
بصراحة تخصص مررررررة حلو وممتع اي نعم فيه نوع من الصعوبة والتعقيد لكن فيه بتتعلم لغة العصر وكل مافي هذي اللغة من الحضارة والثقافة ...يعني في النهاية بيعطي للشخص كثير في شخصيته ...لانه بيحتوي على كل شيء ترجمة لغويات ادب ...
بالنسبة لتخصص الانجليزي بتدرس فيه ...
ولغويات وتحتوي على نحو وصرف صوتيات وعلم الاصوات وعلم الدلالة ....
وبرضه فيه اللغويات التطبيقية وتقريبا زي علم النفس بتأخذ فيه نظريات ودرسات وتجارب العلماء عن اللغة ...
كيف بتتعلم اللغة وانت طفل وانت كبير كلغة ثانية لك ....
وبرضه بتاخذ فيها انواع الشخصية الانسانية ....
وكيف على الاساس الشخصية الواحد بيتعلم اللغة ...بصراحة هي مادة معقدة ودسمة نوعا ما بحكم كلامتها والمفاهيم الي فيها ...
في كمان اللغويات الاجتماعية تعتبر اخف من اللغويات التطبيقية ولكن هذي بتدرس فيها عن اللغة والمجتمع ايش انواع accents ....
وبرضه فيها دراسات ونظريات وعلماء ....
بالنسبة للأدب ...
الأدب في البداية بيعطوك مقدة في الادب ...
بعدين تاخذ ادب القصة ، والمسرحية ، والشعر ، والنقد والادب الحديث ...
بالنسبة للنقد بيختلف عن النقد العربي بحيث هنا بتدرس النقد على اساس مادة فلسفة فيها فلاسفة وكيف كل فيلسوف بيدافع عن فلسفته في الادب ... مادة نظرية شوية معقدة ولكن فيها حلاوة <<< شايلة همها لسه ما طلعت نتيجتها دعواتكم ....
بقية مواد الادب كل واحدة واضحة من عنوانها ....
غير كده بتأخذ في الانجليزي كتابة المقالات وهذي المادة لها مستويين
وبرضه فيه مادة oral للتحدث والاستماع وبرضه مستويين ، واخيرا مادة القراءة وبرضه فيها مستويين ....
نجي الان لمسألة استاذات الانجليزي ...
بصراحة استاذات الانجليزي للأسف ما بيساعدوا الطالبة يعني الطالبة لازم تعتمد على نفسها مرة كتير وفوق ده كله فيه استاذات ممكن ما يقتنعوا باسلوب الطالبة ....
غير كده حجم الرسوب الي في قسم مرة كتير يعني بمعنى اصح سهل الرسوب في الانجليزي ...
وهذا الي مخلي قسم الانجليزي سمعته شوية مو حلوة ...
فمشكلة الانجليزي في الستاذات الله يهديهم ...
هذا بشكل عام عن تخصص الانجليزي ...
واذا تبغيني اضيف شيء انا مستعدة ...
اشكرك على هذا المجهود الجبار ...
جعله الله في ميزان حسناتك ...