اسال عن دورات اللغة الانجليزية في بريطانيا اتمنى مساعدتكم

[x y z]

بسم الله الرحمن الرحيم
بعد التحية.............................
كلنا نعرف ان هناك طلاب يتجهون لبريطانيا او اي دوله اخرى لتعلم اللغة الانجليزية ومحاولة التمكن من اللغة
وفي بعضهم يقول حتى ان شهر كافي لاتقانها والتحدث بطلاقة وبصراحه كذا نويت اني اجرب واشوف ايش ممكن استفيد لاني ناوي اتخصص انجليزي طبعاً انا عندي قاعده بسيطه ممكن استند عليها ودرجاتي في الانجليزي خلال السنة التحضيرية كان 101--- 81 و 102 ---- 83 يعني مش ولابد لكن تمشي الحال والآن انا في حيره من امري
اولاً : متردد
ثانياً : اسالفه محتاجة مادة ( لكن تدبر ان شاء الله )
ثالثا: متزوج وعندي بنتين زي القمر وفراقهم وامهم شهركامل صعب شوي

انا محتاجكم في التالي:
اولاً: نصحيتكم خصوصاً ممن سبق وان خاض الجربة او يعرف احد خاضها
ثانياً: من يعرف روابط مكاتب تنسيق الرحلات بشرط تكون ذات مصداقية واجور محفضة

ولكم جزيل الشكر اخوكم - علي

[*ورده*]

فعلا ياريت احد يفيدني في ماليزيا برضو بعد اذنك اخوي صاحب الموضوع

انا اعرف 2 من قرايبي راحو الهند لمده 3 شهور ودرسو الانقليش فيها وجوو ماشاء الله متقنينه تمام وعلى فكره لمن سافرو ماكان عندهم اي خلفيه فيه

[أحـمـد الـحـربـي]

السلام عليكم ورحمة الله وبركاته
اخوي لوسمحت بما انك فتحت هالموضوع وانا صراحة لي مدة افكر فية وناوي اسافر بس فية ناس قالو لي شهر ماراح تكفيك اذا ماعندك خلفية من اول
وانا حالياً محتار احياناً اقول اأجل الترم الجاي وادرس معهد هنا يعني يمديني درسة خمس مستويات ارجع واكمل ولاني عارف صراحة

بس اذا لك نية تراي خويك << ناشب

[لندنية]

بريطانيا وبس اللغة عندهم تمام التمام اذا تبغى شوري الصراحة اذا كنت تبغى اللغة كلغة ثانية شهر مايكفي 6 شهور تجي كان امك لندنية (مو قصدي انا قصدي انها من سكان لندن) اخوي راح كندا 3 شهور ورجع وهو يمشي حاله بكل شي بس مو كلغة بس الفرق واضح صار اي مكان يروح يقدر يدبر عمره ...اصلا لندن اول مرة رحت لها كنت عارفة انجليزي مدارسنا والله والله بعد اسبوع بس من روحتي الا انا اتكلم لغة خيال واقول كلمات ولا عمري عرفتها او حتى مرت علي وانا كنت رايحة سياحة بس انت راح تروح دراسة يعني الفرق راح يكون واضح وحاول تحتك بالسكان الاصليين وهذه حطها بين قوسين حاول تستمع للكنتهم لان لكنتهم مو مثل امريكا او غيرها لكنتهم شوي صعبة بس خياااال وحاول قدر الامكان اذا تبغى تروح مكان انك ماتعتمد على شخص عربي حاول تمشي بحالك او تصاحب شخص لغته الانجليزية عشان تحاول تتكلمها اما اذا صاحبت مننا فراح تجي مثل مارحت ولو تاخذ عايلتك معك يكون احسن لان اذا كنت بحالك يمكن تحس بوحدة وماراح تقدر تكمل اسفة على التطويلة بس ان شاء الله افدتك ...بالتوفيق

[سطام الشتوي]

اذا تبي في نيوزلندا ان شاء الله اقدر اخدمك اما في بريطانيا والله ما عندي معلومات

اخوك

[مهدي الساهر]

[size="5"]والله شوف .. أخوي ..

أولا حط في بالك .. المصاريف .. في لندن .. تعتبر نار ..

ثانيا ... حاول .. تبعد كل البعد .. عن أنه أحد يروح معاك ..

أو تخاوي شباب عرب .. والسبب .. أنه أنت رايح لدراسة لغه ... تتعلمها كعلم .. وتطبقها كإسلوب حياه ..

ثالثا ... أنا أشوف اهلك .. يجلسون عند أهلها .. لمدة شهرين ..

وخلال الشهرين .. تأخذ لك 8 مستويات ..

صدقني .. تطلع بلبل ..

((( بس نصيحه ... لا تأخذ معاك أحد .. ولا يخاويك .. أحد أبدا .. )))

ومن ناحية ترتيب الأمور .. أنا أشوف أنه تبحث في النت ...

وإذا تبي شوري ... شوف لك أحد راح قبل كذا .. علشان يدلك بشكل صحيح ..

الله يوفقك يارب ..
ملاحظه .. (( لا تروح بلد لا يتحدث اللغه الإنجليزيه )) (( لأنه ماراح تستفيد أبدا ))[/size]

[شهلاء12]

هذا مكتب شذونة للخدمات السياحية فالرياض ممكن يفيدك وبأسعار جداً رائعه

http://www.shadona.com/

موفق

[الغثيان]

والله انا اقولك بريطانيا غالية جدا قريبي الان هناك ويقول الاسعار والسكن والاكل سلخ

لاكن كندا او امريكا او استراليا

واذا تبي الرخص الفلبين

[رايق البال]

والله اعرف شباب كثير راحوا نيوزلندا

ونصيحتي اذا تبي الفايده صح لا ترجع قبل ثلاث شهور ع الاقل

[ابوميان999]

اخوي
xyz
انا قريت ردود الاخوان ماشالله كلها وافيه لكن أنا بنصحك نصيحه وأرجوا انك تتمسك فيها
شهر 7 و 8 و 9 اخذلك دوره بالسعوديه مكثفه لغة انجليزيه ومع بداية شهر اكتوبر ضبط حجز الطيران على نيوزيلند ولا تتعامل مع اي مكتب رح سيده لذيك الديره وخذ فيها فقط شهرين وإن شاء الله بتكون بلبل بالإنجليزيه واذا طبقت الخطه وماصرت بلبل يشهدون اللي في المنتدى كلهم (ترا مصاريفك كلها علي ) خاصة وان درجاتك ماشاءلله كويسه في الامتحانات, واي خدمه من نيوزيلندا ابشر من عيوني الثنتين، المسأله مو انك تسافر وبس ، اللغه يبيلها دراسه وتعب مع شوية وناسه وتوسيعة صدر، طبعا بتقول ماراح تستفيد شي هنا لكن انا اقولك ونا متأكد اذا درست كل يوم ساعتين وذاكرت فقط نصف ساعه كافيه جدا وفي نيوزيلند بعد المعهد فقط حل واجبات واقر كتب قصص قد ماتقدر طبعا الكتب عندهم روعه وتنفهم بسهوله, تمنياتي لك بالتوفيق وهذا ايميلي اي خدمه انا جاهز بالتنسيق مع معاهد في نيوزيلند، ومابي اي سعي منك ابي الدعاء لي ولوالديني
som1som@hotmail.com