مين يأيد ومين لأ ؟؟؟؟؟؟ موضوع مهم جدًا

[Igouana]

مساء الخير للجميع... امممممم الصراحة انا مني مفتية ولا عندي من العلم الزايد بس دا مجرد رأي حبية اطرحو وفي ناس ممكن يختلفو معايا في الرأي وفي ناس ممكن يأيدوني.. والصراحة ما اقصد بكلامي أشخاص معينين لأني انا عملت نفس الحركة ... و الموضوع من أول نفسي اكتبو بس انسى ... والان افتكرت

المهم... في أشياء نحنا نسويها وغرضنا ندافع عن ديننا و نبغى نسوي شي يشفع لنا يوم القيامة بس المشكلة لمن نحنا بنسوي دا الشي بنكون زي الوسيلة لمقصد الكافرين

وبصورة أوضح ... بتجينا رسايل على ايميلاتنا فيها صور استهزائية سواء بالرسول او القرءان او الاسلام ككل ونحنا ننشرها من باب الغيرة والحمية على ديننا .. بس المشكلة انو مقصد الكفار هو انتشار هادي الصور ونحنا بنشرنا ليها بنساعدهم على دا الشي من غير مقصد مننا .... إن شاء الله وضحة الفكرة

والي مافهمو قصدي دا مثال توضيحي....

انا قصدي الدنيمارك وغيرهم لمن رسموها كان قصدهم انهم ينشروها على اكبر قدر ممكن ... ونحنا بنساعدهم لمن نرجع نرسلها يعني الصور الصراحة بعضها مخزي زي الي حاطين صور حيوانات فوق المصحف ... المنظر اصلاً الواحد يخجل منه .. فليش نرسلها؟؟؟؟؟؟ نحنا كدا بنساعدهم صح ولا غلطانه ؟؟؟

يعني مثلاً .. بعيد الشر عنك بس مثال ..لو وحده من قريباتك وصلتك صورتها على الايميل ..هل راح ترسل الصورة لأصحابك او تحاول قد ما تقدر انك تمنع نشرها...
أرجو انو اكون وصلة مقصدي مع احترامي الشديد لك ولعائلتك

اذا ايدتني الرأي انشرها تأيدًا ,,, واذا لم تؤيد فانشرها فربما يؤيدها غيرك


تحياتي لكم ...

[سكرة]

صادقة بكلامك ورايك عجبني
اكيد غرضهم هالشي الله يحمي المسلمين ويعز الاسلام

[Igouana]

مشكورة >>> عالتأيد (:

,,, و آمين >>> عالدعاء (: