المواد الاختيارية لطالبات الكيمياء الحيويه(عنوان مخالف معدل)

[sparkling]

المشاركة الأصلية كتبت بواسطة rose way ما اتوقع انها ترضى الترم اللي راح في بنت طلعت من اختبار ايض 2 تقول انها راح تاخد a بلس بالراحة اتفاجات ان الدرجة مررة نازلة ولما راجعتها ما رضيت توريها الورق او حتى الدرجات

الله المستعان..
بس اذا كانت تعرف انك مجتهدة ممكن تساعدك انا سمعت كدا..
انتي حاولي واذا مارضيت يصير انتي سويتي اللي عليكي..

[batbot]

المشاركة الأصلية كتبت بواسطة m!ss bioc.r حبيبتي ليش تزعلين واحنا رادين عليك في هذا الموضوع مواد حره والاختيارية :)

عشان البنات اللي ردوا عالموضوع اغلبهم ردوا عن المواد الحره وما اتكلموا عن الاختياريه

[batbot]

مشكوررره بنات تعبتكم معايا
بس ولا بنت تكلمت سرطانية وصحيح انو الدكتوره ماراح تعطي هذي المادة الترم ؟؟؟
و مصطلحات مع مين اخذها؟؟؟؟
وتطبيقات حاسوبية مين يعطي الدرجات الدكتورره ولا استاذات المعمل اللي يدرسوا الماده؟؟؟؟؟؟وكيف الدرجات فيها؟
و موضوعات خاصة ولابنت اخذتها؟
وامن وسلامة مختبرات تعتبر اختيارية ولا لا؟؟؟؟
وامراض وسموم هي مع نجوى دايما صح كيف هذي المادتين و هل فيها معامل؟؟؟؟
ايض عقاقير مين يعطيها وكيف المادة؟؟؟
وشكرررررررررررررررررررررا

[sparkling]

مشكوررره بنات تعبتكم معايا بس ولا بنت تكلمت سرطانية وصحيح انو الدكتوره ماراح تعطي هذي المادة الترم ؟؟؟

انا مااخدت دي المادة ..وسمعت انه دكتورة سهيرة مح تعطيها بعد كدا

و مصطلحات مع مين اخذها؟؟؟؟

كثير بنات يمدحوها مع امينة ..

لكن انا اخدتها مع كريمة ..

المادة سهلة جدا ومفيدة

وتطبيقات حاسوبية مين يعطي الدرجات الدكتورره ولا استاذات المعمل اللي يدرسوا الماده؟؟؟؟؟؟وكيف الدرجات فيها؟

شوفي هي المادة فيها 5 واجبات في البيت تعمليها

3 من دي الواجبات تقيمها الاستاذة و2 تقيمها الدكتورة وديعة وهي الفاينل والبوربوينت


وفي تطبيقات كمان تعمليها في نفس وقت المعمل..

واختبار نصفي عالبوربوينت..

المادة مرررة تعبتني وطلعت لي عيوني من كثر الواجبات ..

اذا كنتي شاطرة وعندك مهارة في استخدام برامج التصاميم اتوكلي على الله وحطي المادة ..

على الاقل صح حتحسي انها متعبة لكن ممكن تنبسطي بيها ..

لكن اذا ماعندك نصيحة لاتحطيها كثير بنات انخسفوا في الدرجات ..

لأنه المادة يبغى لها صبر وجهد كبير..

ماابغى اخوفك لكن دي الحقيقة وماابغى اضحك عليكي..

و موضوعات خاصة ولابنت اخذتها؟

مااخذتها..بس يقولوا يعتمد على الاستاذة اللي تعطيها..

وامن وسلامة مختبرات تعتبر اختيارية ولا لا؟؟؟؟

تعتبر اختيارية

وامراض وسموم هي مع نجوى دايما صح كيف هذي المادتين و هل فيها معامل؟؟؟؟

امراض مااعرف صراحة..

لكن سموم اسمع انها صعبة ومعقدة ..

المادتين مافيها معمل

ايض عقاقير مين يعطيها وكيف المادة؟؟؟

اعتقد د.كريمة السيد ..ماادري ماسمعت عنها شي

وشكرررررررررررررررررررررا

عفوووووا