نوروني بمعلوماتكم ^_^

[camelia]

السلام عليكم ورحمه الله وبركاته

كيفكم ان شالله بخير يآآرب
ربي يسعدكم ان شالله ابغاكم تفهموني بشغله لاني مضيعه وخآيفه
امس طلعتلي نتائج الفرز ولمن طلعتلي كان مكتوب كلام عن الانتساب زي كذا

يعني خلاص انا انتساب ؟؟



وبعدين ضغطت على الرابط وطلعلي زي كذا


المهم لمن اضغط على تعديل طلب سابق واكتب السجل والرقم السري يقولي غلط تآكدي ؟؟ كيف يعني اش سالفتهم


وفي الاخير ضغطت على المسندات الطلوبه



انا السنه دي مخلصه ثانوي علمي
طيب دحين يعني مااروح اراجعهم ولا كيف ؟؟

يعني مافي امل على الاقل يخلوني اروح مسار طبيعي انتقالي ؟؟ او ينقلوني لمسار اداري ؟؟

واذا كنت انتساب السنه التحضيريه سهله انتساب ولا صعبه ؟؟

وربي اني مو عارفه شئ بجد حآسه بلخبطه

اتمنى تنورني بكل شئ عندكم

والله يعطيكم العافيه

آختكم camelia

[jef619]

والله مااقدر افتيلك انت روحي ملتقى الانتساب للسنة التحضرية و اسأليهم

[camelia]

شكرآ لك

اتمنى الي عندو اي معلومه يفيدني اليوووم بلييييييز
ابغى اعرف كيف ؟؟

[عندي امل]

ياقمر هادا يعني انك ما انقبلتي وفيكي تقدمي على الانتساب

يعني همى ماسجلوكي انتساب كيف تروحي وتضغطي تعديل طلب سابق

ومدري اصلا عندهم موقع الانتساب مقفل

بس انتي اصبري لنو العام في بنات زي كدة ما نقبلو ورجعو دقولهم انو راجعونا وكدة وهمى علمي خيروهم ازا يبغة اداري وانساني >>> مدري ازا اسمو صح يعني المهم ادبي

لأنو في بنات حيسحبو وفي بنات مارح يقدرو يراجعو وانتي ربي يقدملك اللي فيه الخير بس لا تطولي وانتي تستني روحي اقري للي مسجلين بالنتساب واللي صرلهم زيك

بس الين دحين يعني انتي ماانقبلتي انتظام وتقدري تسجلي انتساب طبعا ب 3000 للترم ودراستهم سهلة التحضيرية صحباتي جابو الاربعة بسهولة وعربي

يعني لا تخافي بس انتي اسألي وادعي ربك كثير واتمنى اكون أفدتك

[عندي امل]

وصح ازا معدلك تمام فيكي تقدمي دراسة تأهيليه بالجامعة والسنة ب 16000 وتدرسي تحضيري يعني الترم ب 8000

ولا تخافي لسة موعد الانتساب انو يوقف مو دحين نهاية شهر 8 يكون سألتي وشفتي ايش أحسن لك

[ضيعتك بيدي]

ياقلبي روحي سجلي دحين
دحين كتبو طلب جديد

بالتوفيييييق..