أستفسار>>بخصوص الطلاب الاجانب أرجو الرد

[الجوووري111]

السلام عليكم ورحمة الله وبركاته

أستفسار بسيط يأخواني ويأخواتي

هو ان جارتي سودانيه وحصلت على شهادة الثانويه العامه علمي بنسبة 92%

هل تستطيع الالتحاق بجامعة عبدالعزيز انتظام؟

أو انتساب؟

وفي حال عدم قبولها ,بماذا تنصحونها ؟علمآ انها تريد أكمال دراستها الجامعيه فهي تريد شهادة معترف فيها بسعوديه..

وشكرآ

تحياتي لكم ,,

[يلدرم]

انتظام لازم تكون منحه من بلدها

انتساب ممكن تقدم عن طربق النت ولهم موعد عشان المستندات ويراجعو الجامعة

[سعيد الغآمدي]

اعتقد يحق لها الالحتاق اذا كانت امها سعوديه الجنسيه

تحياتي

[Violet Heart]

شوفي هو الانتساب ع ما اعتقد يقبلوا بس اهم شيء تكون اختبرت القدرات والتحصيلي .. لكن اذا تبا انتظام خليها تستفسر ازا في قبول اجانب انتظام للسنة الجاية زي العام..

لانو العام كان في قبول اجانب انتظام بس جاهم القبول متاخر بعد شهر تقريبا من بداية الدراسة.. بالرغم من انو صحبتي قدمت بدري زي دي الايام.. هيه زيهم اجنبية وامها غير سعودية.. قالتلي انها قدمت في الاول بالتسجيل الالكتروني وما قبلوها.. فراح ابوها لعمادة القبول والتسجيل << يعني تقديم زي حق ايام زمان ..

قبول الاجانب كان فقط للي جايبين90% وفوق<< دي النسبة الموزونة للقبول اللي هيه ( نسبة الثانوية العامة50% +تحصيلي25%+قدرات25%).. وما اتوقع ينزلوها للسنة الجاية.. وترا المقاعد مررة قلييييلة بحدود الـ 100 او اقل..

وحطوها سنة تحضيرية انتظام ع حسب نوع شهادتها الثانوية لانو ماكان فيه تحديد الخيار ليها بين (المسار العلمي) و (المسار الاداري الانساني)..

طبعا بعد ما تخلص السنة التحضيرية بنجاح يحطوها في احدى الكليات الغير صحية زي (حاسبات- علوم_اقتصاد منزلي) لانه ما في قبول بالصحي للاجانب مطلقا -الا اذا كانت الام سعودية- حتى لو جابت نسبة مرررة عالية في التحضيري << صحبتي اكبر دليل الله يعوضلها بالخير ويوفقها..

سوري طولت.. بس هادا اللي اعرفه من صحبتي..
بالتوفيق :)

[sosooo2]

نفس المعلومات السابقه

وانا صاحبتي نفس لحالة
اما انتساب ما اعتقد
بس لازم تكون النسبه الموزونه مره شاطحة

وبالتوفيق لها واللي زيها ترى ما شاء الله لو انهم يقبلوهم والله الجامعة رح تكون فوق لانهم من جد حق تعليم

ااذا تبغى جامعة اخرى في جامعة الملك سعود اعرف كثير اجانب سجل فيها بس انتساب وتعليم عن بعد وكل المحاضرات مسجلة لهم ومفرغه وبعدين لهم فرع هنا في جدة يروحوا يختبروا فيها وما شاء الله معدلاتهم مره عاليه وماشين ادخلي على موقعهم من النت - التعليم عن بعد وتفهمي كل شيء


وبالتوفيق للجميع

[nσυяα .. "]

قبول الاجانب كان فقط للي جايبين90% وفوق<< دي النسبة الموزونة للقبول اللي هيه ( نسبة الثانوية العامة50% +تحصيلي25%+قدرات25%).. وما اتوقع ينزلوها للسنة الجاية.. وترا المقاعد مررة قلييييلة بحدود الـ 100 او اقل..

يآ أختي إنتي متأكده إنهم يآخدوا من الثآنويه العامة50% +تحصيلي25%+قدرات25% ..!
لأن بعضهم قالوا لي .. من الثانويه العامّه 40% و التحصيلي 30% و القدرات 30% ..!!

أتمنى الرَد :)

[Violet Heart]

والله هادي النسب اللي كتبتها كانت تبع القبول للسنة الماضية..

الظاهر انها تغيرت وصارت 50% ثانوي+ 30% قدرات+ 20% تحصيلي ..

شوفي انتي جربي وحطي نسبك ع دا الرابط وباذن الله يطلع فوق الـ90% وتنقبلي :)
http://www.kau.edu.sa/admission/main...et/mauzoon.htm

[يلدرم]

الانتساب ممكن بدون قدرات او تحصيلي

[ro7i Leek]

ياقلبي الاجانب ماالهم قبووول حتى لو كانت نسبتهم الموزووووووووووووووونه 91%

واكبر دليييييل صااااااااااحبتي .. قدمت وماااقبلوووووووووووووووها الله يعوضهااااااا خيييييييييييييييير ،،


لا فضل لعربي على أعجمي إلا بالتقوى .. سبحان الله تغيرت المفاهيم