شباب الصيفي..تعالو للأهم ..نسيتوا ان الامتحانات في رمضان وراح نتوهق في الطيران!!!!!!!

[انتسابي]

السلام عليكم ورحمة الله وبركاته

شباب ... احنا جالسين نسأل على المواد السهله والدكاتره والحذف والإضافة ، ونسينا اهم شي .....

نسيتوا ان السنه الصيفي راح يكون في رمضان ؟ وانتوا تعرفون رمضان وجده والطيران !!

والله ثم والله اننا راح نتوهق وهقة العالمين اذا ماحجزنا للطيران من الحين .. طيب كيف راح نحجز والجدول مابعد نزل !!!!!

وطبعا الجامعة معودتنا ان الجدول ماراح ينزل الا في الرمق الأخير !

انتوا مستوعبين ان الامتحانات باقي عليها شهر بس !!! - غير هالاسبوع - !!!

طبعا الاترام العادية وضعها غير وهالفصل الصيفي وضعه غير وغير بقوه

فعلشان كذا ماراح نوقف مكتوفين الأيدي - بعد اذنكم - ، راح اوضع صيغة مراسلات لعميد القبول والتسجيل د. عبدالفتاح مشاط و وكيله نطالبهم فيه بالإسراع بنزل جدول الإمتحانات بالكثير نهاية هالإسبوع وكل ماكثرت الإيميلات عليهم كل ماكان الضغط عليهم اسرع ونزل الجدول في اقرب وقت ، يعني ماعليكم الا انكم تنسخون الصيغه اللي راح اكتبها ( او الصيغة اللي تشوفونها بأنفسكم ) وترسلونها للعميد على العناوين التالية

في خانه ( الى ) او ( TO )
asmashat@kau.edu.sa

في خانه ( نسخه ) او ( BC )
anoaman@kau.edu.sa
admreg@kau.edu.sa

صيغة الرسالة :

سعادة عميد القبول والتسجيل حفظه الله ورعاه
السلام عليكم ورحمة الله وبركاته

تحية طيبة وتمنيات بموفور الصحة والعافية لكم ولجميع الأساتذة الأفاضل العاملين معكم

كما يعلم سعادتكم ان امتحانات الفصل الصيفي الحالي سيصادف وللمرة الأولى رمضان المبارك ( جعلنا واياكم من الفائزين المقبولين فيه ان شاء الله ) ، ومثلكم اعلم ان مدينة جدة ستكون في تلك الأيام مقصد لجميع المسلمين من اقطار العالم كافة وماينتج عنها من ضغط على حجوزات الطيران والسكن وماشابه ، وتأخر جدول الإمتحانات النهائية سيجعلنا ندخل في دوامة صعوبه الحصول على حجز سواء للطيران او السكن ، والظروف الآن مختلفة عن الفصل الدراسي العادي فيما لو تأخر الجدول خصوصا ان امتحانات الفصل الصيفي عادة تكون اسبوع واحد وان عملية اعداد الجدول ستكون اسهل بمراحل عن وضعها ايام الفصل الدراسي العادي .
لذا نتطلع من سعادتكم نحن طلاب الانتساب التوجيه بالإسراع بوضع جدول الامتحانات النهائيه ( لو تسمحون ان يكون بنهاية هذا الإسبوع ) للظروف المذكورة اعلاه ، ونحن على ثقه تامه بتفهمكم للوضع ويقين ان هذا الطلب سيجد منكم كل اهتمام .

حفظكم الله ورعاكم

طالب انتساب

يالله ياشباب كل واحد يفتح ايميله الحين ويرسل هالرساله ... ترا المووضوع بجد مايستهان به .

وفقني الله واياكم لما يحب ويرضاه .

[أمير القلوب]

الله يكون بعونكم وييسر أموركم
وتعدون على خير يارب
أمر لا يستهان به