ايهما أختار ؟

[سُكر محروق]

المشاركة الأصلية كتبت بواسطة jef619 لا نفسها بس الاخت قاعدة تفتي من عندها

خلاص أبشر بس نتأكد من مصدر الفتوى لإنو الفتاوي بصراحة كتيرة..
أنا قلت كلامي على حسب كلام الأعضاء والمواضيع الي قريتها في المنتدى بخصوص السنة التحضيرية والله أعلم مين الصح : )

[عصر الحاسب]

المقعد الأضمن لاتفوتوه على نفسكم ، أما مين أقوى كلاهما من جامعات المملكة وكلاهما تتخرج وتحت اسم
يا خريج جامعة أم القرى بمكة أو خريج جامعة الملك عبدالعزيز بجدة

في الوظائف الحكومية ما تفرق اسم الجامعات لو كانت تابعة للقطاع الحكومي أما لو كانت من الجامعات الأهلية

يكون وقتها فيه فرق ...

فيه اعتبارات أخرى لمن تدرسوا إن شاء الله في الجامعة حتعرفوها ، وعلى أساسها يتحدد مين له الاولوية في

الوظيفة...

[سُكر محروق]

عصر الحاسب.

جامعة أم القرى ممكن تكون كويسة للأولاد بس البنات ؟
والله أنا بس شفتها من برا وجاني إكتئاب أجل كيف لودخلتها

[نيوتن 111]

ليش شكل جامعة ام القرى مو كويس . انا ما شفتها. وكيف الدراسه فيها مطورة او قديمه

[سُكر محروق]

المشاركة الأصلية كتبت بواسطة نيوتن 111 ليش شكل جامعة ام القرى مو كويس . انا ما شفتها. وكيف الدراسه فيها مطورة او قديمه

.. ماادري كيف الدراسة ولاشي فيها بس أنا مرة رحتها وكان ممنوع الدخول إلا لطالبات الجامعة .. جامعة عااااادية وشكلها كدا يجيب الإكتئاب ..حتى كلية الطب دخلتها وجابتلي الإكتئاب

بس الأولاد جامعتهم مرة كويسة حتى أقسامهم أكثر من البنات وحتى تصميم الجامعة مرة حلو ويفتح النفس بس مدري كيف من الداخل.. أما أقسام البنات قليلة على عكس جامعة الملك عبد العزيز وإن كان فيها عيوب قليلة زي السنة التحضيرية

[عصر الحاسب]

لمن تمشوا شويه في الدراسة الديكور مررة مح يفرق معاكم...

وانا شفت ام القرى مررررة تشبه اللي عندنا !

توكلوا على الله واللي فيه خير ربي حيكتبه

[سُكر محروق]

عصر الحاسب..

المشكلة مو في الديكور..

أقسام البنات قليلة وخاصة الي عندي رغبة فيها مو موجودة..

[سُكر محروق]

8

وكمان أشك إنو دراستهم تمشي الحال ..صح مااعرف كيف الدراسة في جامعة الملك عبد العزيز
بس مرتاحة لها أكثر

[عصر الحاسب]

^
^
ايش فيه تخصصات صحية في ام القرى لأنه بصراحة مااعرف الكليات الصحية عندهم؟

[سُكر محروق]

في الأوراق الي وزعوها علينا بإختبار القدرات قريت صيدلة وطب أسنان بس وماادري لو يندرجو تحت الكليات الصحية ولا لا