مستقبلي ضاع وابيكم تساعدوني

[ناصر الناصر]

وعليكم السلام ورحمة الله وبركاته
اخوي ذكرتني بوضعي قبل ... سبحان الله كنت مفهي بمعنى الكلمه
وكنت بالأدب الإنجليزي وش رايك ؟؟
بس أقولك ومن تجربه عشتها الإستماع ثم الإستماع ثم الإستماع
أستمع كثير حتى لو ماتفهم استمع للأفلام واقراء الروايات لو تقدر
كان عندي مجله اهداني اياها زميل لي وكان فيها خاطره رومانسيه
كنت بين فتره وفتره اقراها احاول افهمها ونفس الوقت أختبر الفوكابلري اللي عندي ومع الوقت
صرت افهمها حتى أعطتني دافع أقرا كتب ثانيه
اللي تقدر تسويه اللحين يالغالي
ادخل معاهد وخذ لك كورسات أبدا من الفاونديشن لاتطلب اختبار مستويات
خذلك من التأسيسي .. فيه معاهد انصحك فيها
دايركت انجلش وأكاديمية الفيصل <<< لو كنت بالرياض انصحك بهالأثنين
ومع المخالطه و مع الممارسه صدقني رح تصير بإذن الله طلق باللغه
والحياة يالغالي يبغالها مجهود وتعب يعني كلنا نبغى ونحتاج بس تجينا عثرات
نقدر نتخطاها لمن نجتهد ونبذل كل اللي نقدر عليه
انت بإذن الله تقدر بس شد حيلك شوي أهم شئ أساسيات اللغه تعرفها
بعدها رح تمشي وارجع اقولك الإستماع والقراءه أهم العناصر في تعلم اللغه
ملاحظه يالغالي عشان ماتيأس : أعطيك ثلاث شهور ورح تصير تمام بـ أساسيات اللغه بإذن الله لو أستمريت على اللي قلت ودخلت معهد .. وبـ ثلاث شهور يمدي دخلت كلية الطب إن شاء الله وصرت فاهم بس عاد لاتنسانا من الدعاوي
والله يوفق الجميع بما فيه الخير والصلاح ,,,