أبغى الإفادة الإنتظام والانتقالي قفل التأهيلي كمان إحتمال يقفل- اليوم موعدي الأثنين

[أسعى لبلوغ هدفي]

صباح الخير للجميع
..................
اللي عندو أمال تحطمت
انتظام وقفل وانتقالي قفل
مابقي إلاتأهيلي للبنات
علمي طبعاً
ياناس
اليوم موعدي من 11-12
الكلية موجود فيها انتظام اللي هوا فرع الفيصلية
طيب هل أقدر أدرس فيها تحضيري وبعدين أحول للجامعة طب
أبغى كلام أكيد
قرأت أكثر من رد في المنتدى
كل من يكتب من عنده سواء عن تجربة أو عن كلام الأخرين
أبغى كلام أكيد
جزاكم الله خير
اليوم يتحدد مصيري
والله يستر

[MNMO0ONA]

اهلا ياعسل
ماحد عندو كلام اكيد واللهي حتى قرات ناس بتقول تقدري تحولي وناس تقول لاء
المصدر الاكيد انو مدير الجامعه يصرح بنفسو ازا نقدر نحول ولاء غيرو مافيه

[جزا]

يابنت انتبهي تتخيشـي وبالاخير يسحبو عليك, عصفور باليد خير من عشرة على شسمو

ماتعرفي لهم بعدين يقولو خليكي في التربية والاولوية لبنات الجامعة

من رايي ازا تبغي طب. توافقي عالتاهيلي.. وهيا كلها ستة شهور ( تلاتة الفصل الاول وتلاتة في اللي بعدو)

وتضمني تحاجيهم بعدين . استخيري ربك

[shahoda]

معليش ياعسل .. بس مين قال إنه الإنتقالي والتأهيلي قفلوا !!!

أتمنى من كل اللي بيشاركوا في المنتدى إنهم يذكروا مصدر معلوماتهمـ والله حرام تحرقوا
في أعصاب الناس ..

والله أنا ماعندي أي خبر أقدر أفيدك فيه .. ؟؟

لكن نصيحتي لكـ .. إنك تروحي الجامعة وتسألي هناك عشان تأخذي الخبر الأكيد
وأفضل شئ إنك تسألي عميدهـ القبول والتسجيل

.. والله يوفقكـ ياارب ويفرح قلبكــ .. :)

[اوريانتيشن]

والله وتالله ميه الف مره يا بنت ان الي يقلك الانتقالي والتأهيلي قفل هذا انسان كذاااااااااااااب

مين حضرته هذا الكذاب الي يقلك انها قفلت؟


انا اقلك الحق وخذيها مني انا واذا مو مصدقه ادخلي موقع الجامعه الان وشوفيها بنفسك


الانتظام قفل ايوه على نسبه 84.65

لاكن الانتقالي والتأهيلي باقي ما قفلت الى الان مااااااااا قفلللللتتتتتتت


ادخلي الجامعه وتأكدي وخلي منك كلام الناس يجيك واحد توه في اول ثنوي يألف لك شويه كلام


ههههههههههههههههههههه


الله يوفقني ويوفقكم ...وشكرآآآ

[MNMO0ONA]

مرحباا ..

دي اول مشاركه ليا في المنتدى ان شااء الله تستفيدوا منهآآ (=

أنا كاان موعدي في الجامعه اليوم الساعه 12 .. و احنا ننتظر هنااكـ قالوا لنا ان الانتقالي علمي
قفل الساعه 10 /= .. وماافي للعلمي خيارات غير "* انتظام فرع البنات * تأهيلي "
أنا فكرت أدخل تأهيلي الصرااحه لان مااكنت ابغى الكليه .. بس بعدين غيرت رأيي الحمد لله
هو التأهيلي دواام مسائي من 12 لـ 7 المغرب وبدون مكافأه وبدون رسووم .. بس قالولي البنات ان
يكون عندهمـ ضغط في المحاضرات مررهـ لان وقتهم اقل من الانتظام وبعدين كمان في الأقسام
لو كنتي انتي ووحده انتظام نفس المعدل يااخذوا الانتظاام ويدخلووها ليها الاولويه يعني ... ومو أكييد يحوولوكـ انتظام السنه اللي بعد التحضيري .. ولو جبتي معدل منخفض راح تتحولي انتساب )=

اما فرع البنات ((الكليه سابقًا)) :: اول شي المبنى حيكون جديد السنه الجاايه واحنا اول دفعه تدرس فيه .. وبعدين حيكون لكـ مكاافئه .. وجدوولكـ مزبووط وزي العاالمـ والنااس ان شااء الله
والمواد والجداول نفس الجامعه اصلا ..
وبعدين لو كنتي تبغي طب" او اي قسم في مبنى الجامعه" مثلاا :: لازم تجيبي معدل عاالي وتطلبي انكـ تبغي طب وخلااص عاادي حتسيري تدرسي طب في مبنى الجامعه لان كلها جاامعه حبيبااتي بس فرووع ..

وفي وحدهـ جاات تنصحنا من المسؤلين في الجامعه انا وصحباتي ندخل فرع البنات ... ولا تقولوا
هما بس كدا بيقولوا عشان ندخل كليه .. اللي يشتغلوا في الجاامعه ماالهم شغل اذا دخلتي فرع البنات
ولا دخلتي تأهيلي بس حبوا ينصحوناا يعني ..
يااليتـ تفكرووا في الموضوع حبيبااتي موو بس ماانبغى كليه وخلااص .. وبالتووفيق

اييوا والادبي :: مفتووح الانتظام في الجامعه والكليه ..

أتمنى أكوون أفدتكمـ بردي .. اي استفساار اناا حااضرهـ (=
مع التحيه ::بوونهـ ...
دا رد وحده من الاعضاء في المواضيع المثبته
دا الكلااام ايش معناتو؟؟؟؟
وببعدين هما مايحدثو الرابط في نفس اللحظه يحدثوه اليووم التاني زي المسار العلمي قفل السبت ونزلوه في الموقع صباح الاحد

[أسعى لبلوغ هدفي]

جزاكم الله خير جميعاً
وبخصوص الروابط صح يحدثوها في اليوم الثاني في الصباح
انا بس خايفة أتفاجأ إنو التأهيلي كمان يتقفل وأورط

[MNMO0ONA]

ان شاء الله لا التتاهييلي ماييقفل
لانو اظن اخر دفعة او اخر دفعتين هما الليي اتقببلو تتااهيلليي فما اعتقد ااكتفو

[أسعى لبلوغ هدفي]

أحد يفيدني با الله
أنا اليوم موعدي يعني كلها ساعات
ادخل كلية إنتظام ويعدين أقدر أحول ولا لا

[shahoda]

وهـ ياقلبي =)

شوفي ياعسل إختيار المسار هذا يعتمد على إنتي إيش تبغي تتخصصي ؟؟!!!

لو في بالك كليه صحيهـ .. أكيد أفضل وأضمن إنك تختار المسار العلمي التأهيلي أو الإنتقالي لو كان موجود
..و انا الصراحه عمري ماسمعت أحد في كلية التربية دخل صحي في الجامعة ؟؟!!

فالله أعلمـ أنا ماعندي أي خبر عن التحويل من كلية التربية إلى الجامعة وماأعتقد إنه في أحد عندهـ خبر
في المنتدى إذا تبغي الخبر الأكيد أفضل شئ إنك تأخذي من عمادهـ القبول والتسجيل .. :)


وصدقيني ربي ماكتب شئ للمؤمن إلا وفيه خير لكـ .. مارااح تعرفي هذا الشئ إلا بعد مدهــ
من دراستكـ .. لو ربي أطلعك على علمـ الغيب لكنتي عرفتي إنه ربي أختار لك أفضل شئ وأحسن شئ

إنتي لاتشغلي بالك كثير .. =)

قبل لاتروحي الجامعة أتوكلي على الله عزوجل وأستخيري وأدعي إنه ربي يكتب لك الخير

لو رحتي هناك وكان قدامك فرصة للإنتقالي أو التأهيلي أكيد ادخلي لو رغبتك صحي أو رغبتك إنك
تدرسي في الجامعة ..

ولو كان بس قدامك فرع الكليهـ .. إما إنك تدخلي وتتوكلي على الله عزوجل أو إنك ترفضي
وترجعي السنة اللي تجي تقدمي للجامعهــ =)

بالتوفيق لكـ ياعسل .. =)