بليييييييييز ساعدوني ... يلدرم - نيران - أي أحد أدخلوا ...

[M!sS chocolate]

السلام عليكم ورحمة الله وبركاتـــــــــــه

أبغى أسأل عن الدراسه في السنه التحضيريه لكل اللي مروا بالسنه هادي كيف بالنسبه للطلاب
اللي إنجليزيتهم متوسطه ...

أنا كنت أتمنى إني أدخل معهد لكن خلاص مافي وقت وفي شهر رمضان حيكون صعب أكون
صايمه وأروح وأدرس ...

بس أنا قلت لو إني مسكت أي قاموس وجلست أحفظ كلمات وجلست على الشاتات اللي بالإنجليزي
تتوقعون يكفيني...

أنا خايفه من السنه التحضيريه اني أتنح فيها من الإنجليزي خصوصا اني أبغى أجيب نسبه عشان
أبغى أدخل تنقيه طبيه ....

[AnwaRoozo]

لا مايكفي طبعا لازم تقري وتعرفي كلمات اكثر ..اقري قصص بالانجليزي ... وشوفي الجرامر ..وحلي نماذج اختبارات التوفل .. وان شاء الله تفيدك ^_^

[M!sS chocolate]

أنا حاليا جالسه ادور على معهد بس دخت بس مع دوختي عرفت انو معهد els مرره تمام بس حاليا مالقيت رقم التلفون حقهم اذا أحد يعرف ياليت يقولي ..

[مجموع انسان]

انا من زمااااااااااااااااااااااان اتفرج افلام اجنبي بدون ترجمه وماااحب افلام المترجمه المهم الانجليزي حقتي قويه واذا واحد قدامي بيتفلسف ع الاقل اطلع بـ 70% ^_^ ان شاء الله قريب معهد واقوي الانجليزي حقتي

<<<دخل يكتب قصه حياته وخارج

امممممممم بصراحه ما عندي اي فكره انا الي في بالي قلته

بس لاتتهور وتروح تتفرج افلام وتسوي زيي بعدين تدخل السنه التحضيريه وانت متننننح

[AnwaRoozo]

شوفي لو تبغي معهد عندك معهد اسمو وول استريت معروف في جدة وجيد والله
ولو تبغي معهدك دقي على 905 وهم حيقولولك كم رقهم

[طـمـوح]

أنا أنصحك تاخذي توفل ولا إليتس
وتححذفي الإنقليزي لأن دوامه كرف وأنا من طلاب السنه إاللي طاافت
وفقج ربي

[lonia]

انا اخذ دوره في البرتش كاونسل

مرا ممتاز

كمانا دحين راح يبدأ التسجيل لرمضان عندهم من يوم 21 الين يوم 28

في كلاسات تبدا الساعه 10 ليل وتخلص 12 ليل

وفي في الظهر والعصر والصبح

مرا حلو كل ماجيتي بدري للتسجيل كل مااخترتي الوقت اللي يناسبك

ولو تبي معلومات اكثر عادي راسليني

واتمنى لك التوفيق

[.,.نيــــــــــــــــــــران.,.]

تحسبين كل طلاب ولا طالبات التحضيري فل في الانجليزي؟

هم أصلا يحددون مستواك بالاختبار حق الانجليزي ويحطونك على اساسها عند استاذة حتفهمينها بإذن الله

أنصحك تدخلين عادي دورة في الانجليزي في رمضان عادي أنا كنت السنة اللي فاتت في وول ستريت في رمضان
وكنت اداوم في الليل عادي وممتع مع إن أخذت صيفي ،
ع الاقل تفهمين الاساسيات وتتقوى لغتك ولو بالشيء القليل ،
بس أنا ماانصحك تدخلين وول ستريت شوفيلك أي معهد ثاني ، المعهد اللي قالته لونيا سمعت فيه انه مرة تمام ،

موفقة ان شاء الله

[جلنـــار]

المشاركة الأصلية كتبت بواسطة lonia انا اخذ دوره في البرتش كاونسل مرا ممتاز كمانا دحين راح يبدأ التسجيل لرمضان عندهم من يوم 21 الين يوم 28 في كلاسات تبدا الساعه 10 ليل وتخلص 12 ليل وفي في الظهر والعصر والصبح مرا حلو كل ماجيتي بدري للتسجيل كل مااخترتي الوقت اللي يناسبك ولو تبي معلومات اكثر عادي راسليني واتمنى لك التوفيق

الله يسعدك

اذا كان هالمعهد بجدة

وين موقعة وكيف رسووومه

بليــــز مره ضروري

[طيش على جديه]

انا برضوووووو نفس مشكلتك بس ان شا الله ادخل معهد واتقوى وكمااااان فيه معهد مررررررره روعه بجده
معهد نيهورايزن انا سمعت فيه وكمان بابا درس فيه وماشا الله الانقليزي حقق بابا تمااااااااام