إيش رايكم ما كأنهم زودهــــــــــــــــــــــــــا ؟؟

[sun of vice president]

اوبااااااااا

راحت فلوس المكافاة :(

يسلمو عالموضوع

[مشمشانا]

مش بس المكافاة اللي راحت فلوسها حتى اهلك حيسيروا على الحديدة

يسلمو على المرور

[BATI]

زودوها وقعدو على تلها
فعلا شي اهبل اللي صار بينعمل<< اللي اشوفها اتطورت اكتر شي الخطوبة
زمان <<<زمان دي من سبعة سنين
كانت خطوبة اختي في بيتنا
اختي اللي بعدها تقريبا بعد سنتين او تلاتة صارت في استراحة
اختي اللي بعدها صارت في استراحة اكبر وبشكل اكبر والمعازيم اكتر <<<الحمدلله ما وصلت لقاعة

ولو ابغى احلف كان اقلك ان اللي عملتها في البيت كانت حفلتها احلى وحدة واللي لسا كل تفاصيلها في راسي

بس برضو الحمدلله احنا عندنا بس خطوبة وملكة وزواج وعشاء بسيط للعرايس بعد الزواج<<ايش بقي
الخرابيط الباقية دي كلها مانعملها

ودحين برضو فعلا انتشرت حكاية حفلة العزوبية وصارت بتنعمل تنكرية بس كلها في مجال الصحبات ما وصلت عيلتنا الكريمة لسا

[مشمشانا]

عزيزتي bati شكرا لمرورك يا سكر

بالفعل كل مالهم يتطوروا انا ما اشك بكرة الاقي نفسي معزومة على خطوبة مو ملكة في فندق
و كل الخرابيط دي على قولتك بتنعمل وما احد قادر يقول لأ وحتى حفلة العزوبية دي بصرحة
مالها داعي ولو نعزمت على حفلة زيها اعتذرو اصرف نفسي وما احضر وانا مصدقتك انو
الخطوبة اللي في البيت هي احلى شي وحتى الملكة تعطي معنى خاص لاني الملكة شي خاص

[مني يغار الورد]

انا معاك في كل حاجة قلتيها بس لو الواحد بطران عنده فلوس نقول مو مشكلة لكن المديون طول عمرهويجي يبغا يقلد العالم خاصة لو انه جماعته متعودين الملك في قاعات ولا استراحات منجد شي الله المستعان

[مشمشانا]

مني يغار الورد

عزيزتي هذه هي لمشكلة ليس الجميع متساوين في القدرة الماليه
فلماذا يريد الجميع ان يظهروا هذا البذخ انا معك انه لايضر ( البطران )
ان يدفع مثل هذه التكاليف ولكن مع هذا فانا افضل ان تكون اقل ليس
لشئ وانا لدفع العين والحسد و امتلاء لقلوب فاذا حضر انسان قدرته الماليه
ضعيفه او سمع فقط عن ما دفع سيشعر بالغيره و يحاول مجارتهم

[اوريانتيشن]

مشمشانا هههههههههه

بطلنا ما نبي عرضه دام انك بتجين ههههههههههههههههه

المهم موضوعك رائع وحبيت اتناقش فيه زياده :)


انا مستغرب ليه هذي الخساير كلها..!!

وهذا كله عشان زواج بنت...ولا اسمحولي يا بنات الي منكم يرضا بهذا الشي انا اشوفها ناقصه عقل ودين!!


يعني زي احد الشباب مستور ما بقول من هو

لاكن هذاك اليوم جاني مبسوط هو ووجهه انه متزوج


طبعا كان معاه سياره توها جديده مشتريها يعني سياره سياره من جد ..وكان توه موظف وراتبه جيد

المهم هذا الانسان :) راح سحب سلفه من البنك

122.000ريال سعودي :(

وباع السياره :( وللأسف الولد نفذ طلبات الحرمه الي كانت تبغاه وهو يبغاها لاكن في النهايه راحو اشترو سياره كل شوي تبنشر ههههههههههه

الولد نفسه يطلق الحرمه مع انهم توهم متزوجين ولو تشوفون وجهه الحين تقولون خريج سجون..انا سألته بعد هرجته هذي وقلتله ::ليه ياخي تبدأ حياتك العمليه بالديون؟....ألخ


البنت الي من جد تحب الانسان الي يبي يتزوجها ما تروح تكرفه وتنفض فلوسه من بدري وتخليه على الحديده


وانا بصراحه لو شفت البنت تبي هذا كله وتبي وتبي وتبي وربي ما اتزوجها واقلها برا وانا مبتسم..


لان البنت الي تسوي كذا من بدري اعرف انها راح تنكبك وتجيب لك مصيبه لمن تتزوجها

لانها بتسوي لك ازمه ماليه عالميه في بيتكم وراح تخليك >>>>طفران<<<<


ههههههههههههههه


ما اعتقد كل البنات كذا انا اقول بعض البنات وخاصه مشمشانا بصراحه موضوعك جدا رائع اهنيك

واهنيكي انتي بنفسك وعلى تفكيرك>>>>العالي<<<<


ربي يسعدك ويخليك ...شوكرن مره اخرى ع الموضوع

[مشمشانا]

اول شي حابة اقول يسلموو وهذي شهادة اعتز فيها واحطها وسام فخر

ثانيا حابة اعتذر عن اللهجه بس عشان اخذ راحتي في الكلام

بالنسبة لكلامك في البداية صح انا معاك انو مالل امو داعي وخساير على الفاضي
وبس حق فشخرة وهما على باب الله يادوبك على قد حالهم ولا ايش يلزمهم بدي المصاريف غير الفشخرة
في بنات يبغوا كذا عشان ما يحسوا نفسهم اقل وفي ناس زي معترضين وماهمهم احد
ولو عليا خطوبتي بس بابا واخويا اللي يحضروها حتى عمانا وبشكتهم مولازم مع انو اجباري في عيلتنا
على قولتهم البنت باسمك بس بنتنا كلنا والملكة بس خالاتي وعمتي واذا حاب خالاتو وعماتو يجو اهل وسهلا
بس لايقولي خالة امي وعمة جدتي مافي وفي البيت واذا امو ماعجبها يفتح الله غيرو الف والزواج بسوي في اصغر قاعة
ممكن القها ايوة ابغها فخمة ومرتبة ومحترمة بس صغيرة جدا واللي بعزمهم بس اللي مررررة يقربولي غيرهم مو لازم
واللي مو عاجبو ما يهمني مو وحدة تعزملي 1000شخص وتعملي بوفيه 100 متر

بالنسبة لصاحبك دا اخذ علقة عمروا عشان يبطل يتفشخر ويسوي نفسوا قد شي فوق طاقتو

والناس دحين سار عشقها الفشخرة والمبالغة في كل شي اجل ما تدري صحبتي كيف عندهم
عندهم ام العريس بعد ما تنزف العروسة تسحب شنطة مو( عربية ) ذهب تعطي للعروسة
بمناسبة الزواج هذي لو ما سوتها الناس يكلوها بكلامهم يعني كل دا بس عشان الناس

واخيرا انا مصرررررررررة مصرررة اسوي العرضة في زواجك خخخخخخخخخ ولا يهمك الثوب
ادبر نفسي بس قولي في اي قاعة بتسوي تدري خبرة قاعات

[اوريانتيشن]

هههههههههههههههههههههههههههههههههههههههه


اشكر ردك

خهههههههههههههههههههههههههههههه

بعدين توي صغير عالزواج خليني اتوظف واكون ثروه هخخخخخخخخخخخ اذا الله احيانا واعطانا طوله العمر

وبعدين نفكر نتزوج بدري بدري وبدري :) عالزواج

شاكر لك مرورك يا دكتوره مشمشانا

[Mora]

كل دي الاشياء لا يمكن انها تجسد الفرحة الحقيقية

بغض النظر عن الدافع

سواء البذخ و الفشخرة

او انهم بالغصيبة بيعملوا نفسهم فرحانين

بس ترى الفرحة الحقيقية هيا التوفيق بين اتنين متناسبين و يحبوا بعضهم

في الغالب فرحتهم ببعضهم حتطغى على كل شي

حتى لو اخدها من بيت اهلها بدون اي حفلة