بناات راح احول من طبيعي ان شاء الله لاداري الي تبغا طبيعي تجيني ونشوف ناخد مقعد بمق

[مَـزٍآج ..}..]

انتِ إألحيـن كيـف حكمتي على السنـه انها صعـبه !!؟

وانتِ اصلا مآ جربتيهااا ..

ليـش تحددي مصيركـ بتجآرب غيـركـ !!

إأنآ بصرإأحه مع رإأي إأبووكـ .. إأدرسسي هالسسنـهـ وشوفـي ..
ولا تقولي اضيع سنـه من عمررررري .. ترى العمرر يضيع في كل شئ إلا الدرإأسسـه ..

عموٍماً ..

هذا مستقبلكـ ومصيركـ .. إأنتِ الي تحدديـه ..

بالتوفـيق !!

[MNMO0ONA]

السنه اللي فاتت كان اول اسبوع مسموح بالتحويل من علمي لاداري
بس السنه دي ماعرف مو اكيد يفتحو التحويل لانو من وقت التقديم وهما بيقولو العلمي بالانجلش مو بعدين تقولو نبا نحول ومدري ايش من دحين قروو
اما السنه اللي فاتت محد كان عارف المناهج والنظام فسمحو بالتحويل
وبعدين انا السنه اللي فاتت لما درست اول ترم علمي الترم التاني حاولت بشتى الواسطات انو ادخل اداري قالولي مره مافي امل الا تسحبي وتقدمي من جديد
وادا حاسه نفسك نهائيا محا تقدري تمشي خلاص حاولي انك تحولي من دحين مو تجلسي سنه وتبكي وتتحطمي وتكرهي حتى الدراسه
اقولك هيا من دحين ومعليش لا حد يزعل من كلامي بس الحق لازم يتقال
السنه التحضيريه مسار علمي مو شي سهل زي الثنوي لا والله معليش يبغالو شدة حيل وضغط اكتر من الثنوي واسالي اللي اتخصصو من المسار العلمي ماحد جابها بالراحة
ادا من دحين ماعندك عزيمة وداخلك خوف وتردد فلا تغامري بنفسك ادخلي اداري وخلاص
وزي ماقالو رحم الله امرئ عرف قدر نفسه

[هيموجلوبين]

:) :)

[بنوتة نعومة]

هيموجلوبين
انا بقلك رأيي بصراحة
أنا كنت ادرس بجامعة الطايف سنة تحضيرية وكانت المواد علمية بس ماكان فيه التخصص اللي ابغاه وهوا طب اسنان او علوم طبية انا عارفة مافي مقارنة بين الجامعتين بس بصراحة كل المواد سهلة وممتعة لو انتي حابتها
درست سنة كاملة ولما خلصت سحبت ملفي وجيت قدمت في جامعة بابا عزوز
وانا مارا نفسي ادرس فيها
وكان متاح ليا انتظام اداري وكنت مقررة من البيت انو ادخلو
ولما وصلت هناك
اخترت علمي تاهيلي
رغم انو كنت اسمع كلام وضغط وليش ومدري ايش
بس ماسمعت لحدا
دا كان اختياري وبقناعة
انا طالبة علمي ودرستو سنتين وماراح اتخصص الا في مجالي
انا مااقلل من قيمة الادبي بالعكس بس كل انسان وقدراتو
وانتي مبين عليكي انسانة فاهمة وذكية

نصيحة مني
اتمسكي بالشي اللي تحبيه
ولازم تثبتي للي حوليكي انو انتي قدها
العلمي مو سهل بس زي ماراح تتعبي في الاداري وتجيبي معدل منشان تتخصصي اتعبي في العلمي كل شي يبغالو تعب
واحمدي ربك انو انتي انتظام
انا تاهيلي ومتغربة عن اهلي كلو في سبيل العلمي
وصدقيني مدام انتي حاطة هدف قدامك راح توصليلو
خلي هدفك انو تجيبي معدل عالي
وزي ماقالو اخواني واخواتي انتي جربي وادرسي لو مافلحتي اسحبي
انا درست سنة كاملة وانا عارفة من البداية انو مافي التخصص اللي ابغاه بس قلت الدنيا تجارب
ورجعت اختبرت قدرات وتحصيلي من جديد وجبت اعلى كلو منشان الطب
اتمسكي بطموحك ولاتفرطي فيه وانتي قدها
والله يوفقك ويسهل امرك ويريح بالك
ولو محتاجة اي شي انا موجودة
اختكم بنوتة نعومة

[بنوتة نعومة]

في حاجة نسيت احكيها ليكي
لو انتي خايفة من الانجلش فانا اقلك
اعرف وحدة شخصيا مالها في الانجلش مارا بس اضطرت تفهمو وتمشي فيه وهيا دحين تخصص طب وجراحة
دا روتين وراح تتعودي عليه
تيب انا شو احكي
مادرست في المتوسط انجلش
ولما دخلت الثنوي كنت في مدرسة اهلية وكان تلاتة ارباع المنهج ينحذف
<<<<<<كما خلقتني ربي
كنت تناحة
بس فوق دا كلو ماراح اخللي الانجلش يعيقني
وانا مارا احب الانجلش
والدليل انو راح احكيلك
Thanks<<<<<<يجي مني شوفتي كيف خليكي زيي وقولي<<<<you are welcome

[.,.نيــــــــــــــــــــران.,.]

يااخوان هدو المنقا الشغلة كلها استشارة كل واحد يحط رأيه وهي تشوف بأسولبكم هذا تزيدونها حيرة

موفقة لوجينا ،،

[ميعاد]

والله ياقلبي نصيحتي استخيري مره واثنين وثلاثه ..

انا كنت مرااا ابغا ادبي , بس كل اهلي قامو علي , واللي يخاصم واللي يقول متعبه نفسك سنتين علمي وفي الاخير ترووحي ادبي <<< دا كلامهم.. واللي يقول بكيفك , وكل واحد شي..

انا مررا كنت محتاره والله كنت امشي واتكلم علمي ادبي علمي ادبي من كثر ماهلوست , بس جلست اصلي واستخييير..

الييين الحمدلله اخترت علمي تأهيلي..

وانا مرتاااحه الحمدلله , صدقيييني استخييري..

وبعديين احنا كووولنا معاكي وبنساااعد بعض ان شاءالله ..

وان شاءالله ربي يسرلك..

[غلا قلبه]

استخيري ياقلبي وفكري ولاتخلين الخوف يبعدك عن حلم انتظرتيه وسهرتي له لو ماتحبين العلمي مادخلتي علمي بالثانوي انتي تحبيه بس خايفه اوكي انا بعد خايفه وطبيعي اننا نخاف من المجهول بس لاتخليه عقبه بحياتك تبعدك عن حلمك
اللي دخلوا العلمي وعدوه بمعدل عالي ماهم زايدين عنك بشي
ماابي اضغط عليكي بس اذا كان كلامك بدافع الخوف لاتترددي انتي قدها وقدود اذا كانت رغبتك اداري توكلي على الله وربي يوفقك

[algdadi]

لاشك ان التخصصات العلمية طيبة لكن الطب او الهندسه يبفى لهامعدل كبير ..طيب لو ماجابت معدل كبير اخر شي بتروح كيمياء او فيزياء او احياء وتقعد بها بالبيت ولكنك غزيت ....الادارة والاقتصاد فيها تخصصات تؤهل للعمل دعوهاتجرب زاغلب طلاب العلمي فيه

[هيموجلوبين]

ياقلبي الله يسعدكم بس الحمد لله رحت بكامل قناعتي ماشاء الله وحولت اداري مايهمني هوا حق مين بس الي اعرفو انو انا تعبت في الثنوي بس الي انا ابغاه بالاداري شي اعرفو ولا شي اتعرف علي الناس كلها تقلك صعب مايعدي بقوه الا الي عندو لغه وانا اكزب على حالي لو قلت انا والانجليزي اصحاب

المهم الحمد لله حولت اليوم الصباح