اسال عن دورات اللغة الانجليزية في بريطانيا اتمنى مساعدتكم

[ابوميان999]

اضافه للمعلومات السابقه التكلفه كلها بتكلفك من يوم تطلع منا المطار الين ترجع حوالي 25 الى 30 الف ريال
وشي ثاني شهر 10 يبدا الجو يضبط يعني باختصار احلى جو
والمعاهد كلها على شارع واحد تقريبا في اوكلند تقدر تشطفهم واحد واحد ويعطونك الفرصه مجانا انك تدرس يوم او يومين وتتعرف اكثر على المعهد , باختصار انبسط ياعم في النيويير بتكون بلبل وماحد قدك

[متفائل رغم الاسى]

المشاركة الأصلية كتبت بواسطة x y z بسم الله الرحمن الرحيم بعد التحية............................. كلنا نعرف ان هناك طلاب يتجهون لبريطانيا او اي دوله اخرى لتعلم اللغة الانجليزية ومحاولة التمكن من اللغة وفي بعضهم يقول حتى ان شهر كافي لاتقانها والتحدث بطلاقة وبصراحه كذا نويت اني اجرب واشوف ايش ممكن استفيد لاني ناوي اتخصص انجليزي طبعاً انا عندي قاعده بسيطه ممكن استند عليها ودرجاتي في الانجليزي خلال السنة التحضيرية كان 101--- 81 و 102 ---- 83 يعني مش ولابد لكن تمشي الحال والآن انا في حيره من امري اولاً : متردد ثانياً : اسالفه محتاجة مادة ( لكن تدبر ان شاء الله ) ثالثا: متزوج وعندي بنتين زي القمر وفراقهم وامهم شهركامل صعب شوي انا محتاجكم في التالي: اولاً: نصحيتكم خصوصاً ممن سبق وان خاض الجربة او يعرف احد خاضها ثانياً: من يعرف روابط مكاتب تنسيق الرحلات بشرط تكون ذات مصداقية واجور محفضة ولكم جزيل الشكر اخوكم - علي

انصحك نيوزلندا ارخص من بريطانيا جدا جدا

وحلووووووووووووه مره

[اوكيسترا]

بريطانيا غالية .. ولكن تعتبر الدوله رقم واحد في اللغه خصوصا القواعد والنطق الصحيح
وهي الخيار الافضل .. واذا انت عندك استعداد للتكلفه ارسلي على الخاص وانا اجيبلك سعر السكن والمعيشه والمعاهد
صديقي الخاص يدرس الماستر هناك
اما الخيار الثاني والي يفضله ناس كثير عشان الرخص هو كندا وبالتحديد تورينتو وانت عارف انه في كندا يتكلموا الفرنسية والانجليزية فبالتالي ماراح تكون حصيلتك مثل بريطانيا ولكن تمشي حالك
واللي يقولك شهر يكفي .. رد عليه وقوله غلطان ومن الان اقولك اذا انت ناوي تروح شهر بس .. وفر فلوسك لانك بتخسرها على الفاضي .. اقل شي 3 اشهر
وتقبل مروري

[thamir to.to]

وانا بعد ابي اروح اخذ لغه بالحره >> المهم اني سافرت

[أم فارس]

المشاركة الأصلية كتبت بواسطة ابوميان999 اخوي xyz انا قريت ردود الاخوان ماشالله كلها وافيه لكن أنا بنصحك نصيحه وأرجوا انك تتمسك فيها شهر 7 و 8 و 9 اخذلك دوره بالسعوديه مكثفه لغة انجليزيه ومع بداية شهر اكتوبر ضبط حجز الطيران على نيوزيلند ولا تتعامل مع اي مكتب رح سيده لذيك الديره وخذ فيها فقط شهرين وإن شاء الله بتكون بلبل بالإنجليزيه واذا طبقت الخطه وماصرت بلبل يشهدون اللي في المنتدى كلهم (ترا مصاريفك كلها علي ) خاصة وان درجاتك ماشاءلله كويسه في الامتحانات, واي خدمه من نيوزيلندا ابشر من عيوني الثنتين، المسأله مو انك تسافر وبس ، اللغه يبيلها دراسه وتعب مع شوية وناسه وتوسيعة صدر، طبعا بتقول ماراح تستفيد شي هنا لكن انا اقولك ونا متأكد اذا درست كل يوم ساعتين وذاكرت فقط نصف ساعه كافيه جدا وفي نيوزيلند بعد المعهد فقط حل واجبات واقر كتب قصص قد ماتقدر طبعا الكتب عندهم روعه وتنفهم بسهوله, تمنياتي لك بالتوفيق وهذا ايميلي اي خدمه انا جاهز بالتنسيق مع معاهد في نيوزيلند، ومابي اي سعي منك ابي الدعاء لي ولوالديني som1som@hotmail.com

ماشاءالله تبارك الله
ربي يوفقك على فعل الخير بجد انك اصيل ماقصرت
عسى الله يوفقكم اجمعين
والاخوان ماشاءالله ماقصروا

[محمد سلطان]

بسم الله الرحمن الرحيم
السلام عليكم ورحمة الله وبركاته

مساء صباح الخير على الجميع

اذا بغيتو مجرب فانا احد المجربين لسا طازج ما كملت الشهر في السعوديه

اولاً : متردد

انا اقولك لا تتردد اعقلها وتوكل على الله

ثانياً : اسالفه محتاجة مادة ( لكن تدبر ان شاء الله )

من ناحية الماده اولا اقول الله يرزقك هي فعلا محتاجه ماده

ثالثا: متزوج وعندي بنتين زي القمر وفراقهم وامهم شهركامل صعب شوي

شهر واحد ما يكفيك المسئله محتاجه اقل شي ثلاث شهور حتى تتمكن انا ما ابي احطمك بس هذه الحقيقه انا خلصت امور الفيزا قبل بداية اختبارات الترم الاول وسافرت بعد اخر امتحان وما رجعت الا للمتحانات الى درجه احس اني ما تأقلمت الى حد الان


انا محتاجكم في التالي:
اولاً: نصحيتكم خصوصاً ممن سبق وان خاض الجربة او يعرف احد خاضها

شوف يالحبيب لندن ابعد عنها لانك انت ما تبي تدرس غير اللغة يعني تقدر باي معهد او اكاديميه خارج لندن اما بالنسبه لتجربتي انا جلست في لندن ودرست في اكاديمة GEOS طبعا الاكاديمية عالمية في جميع انحاء العالم ومدرسينها ذو امكانيات وخبره عالية بالتدريس وتلم من طلاب من جميع الجنسيات
واسعارهم نوعا ما مناسبة يعني ما يقارب 150 باوند او 850 ريال في الاسبوع هذا بالنسبه لسعر الدراسه http://www.geos-london.com/ وهذا رابط الكاديميه
اما بالنسبة للسكن اذا كنت براسك يعني عزابي من المستحسن انك تسكن مع عائلة ولمعلوميه جميع الاكاديميات والمعاهد منسقين مع شركه خاصه في تسكين الطلاب الدارسين عندهم وافخم عائلة مع وجبتين في اليوم مع غرفه سبشل 145 باوند ما يقارب 830 ريال طبعا تقدر تطلب عائلة بدون وجبات وترخص عليك القيمة لانك في اغلب الاحوال بيكون الغداء خارج البيت يعني في فترة الاستراح بالاكاديميه وابشرك موجود الاكل الحلال بكثره والوجبه ما تتجاوز 10 باوند 60 ريال اذا انت انسان مقتصد

اما بالنسبة للمواصلات الاحسن انك تسكن قريب للاكاديمية او المعهد الي تدرس فيه على شان تقل علي المصروفات وتوفر وهناك راح تتعلم كيفية المواصلات بالقطار او الباص واحسن مواصلات الرجلين
طبعا التكسي انسى امره لان اهل لندن ما يركبو تكاسي وهناك بطاقة يوستر كارد لازم تشريها وتشحنها لجميع المواصلات وتقدر تستخدمها بشراء في بعض المحلات https://oyster.tfl.gov.uk/oyster/entry.do وهذا رابط موقعهم تقدر تطلع على كيفية الحصول عليها وبما انك طالب لك خصم على كل شي مواصلات ومشتريات تقارب 25 %

ثانياً: من يعرف روابط مكاتب تنسيق الرحلات بشرط تكون ذات مصداقية واجور محفضة

بالنسبة للمكاتب انا ما تعاملة في مكاتب بالسعوديه حتى الفيزا ما خرجتها من السعوديه خرجتها من عمان

وانا من هذا المنتلق اقولها بالبنط العريض والله ما غير وجع الراس يجيك من مكاتب السعوديه

الله يخلي لنا مكاتب عمان في الاردن من احسن التعاملات http://www.bridge.jo/Jordan.htm هذا موقع المكتب الي خلص لي امور الفيزا وقبول الاكاديمية في لندن

اما بالنسبة للطيران انا سافرت من عمان عبر الخطوط الملكية الاردنية بقيمة 400 دينار ما يقارب 2120 ريال ذهاب بدون عوده لاني رجعت عبر الخطوط السعوديه ولو اني حجزت رحلتين رايح جاي يمكن ترخص علي لان عندهم عروض في الخطوط الملكية الاردنية

للمعلومية كل سعر انا ذكرته اسبوعي

ان شاء الله ما اكون قصرت معكم وانا في خدمتكم في اي وقت اي استفسار او اي خدمه في عمان او في لندن انا حاضر اخوكم في الله

[ابوميان999]

شكرا أختي أم فارس