فقط لإبداء الرأي ... تغيير وقت المحاضرة مبادئ المحاسبه

[خوخه 2009]

اول شي ما في وقت ضايع ولا شي بالعكس احنا لبعض نفيد ونستفيد ونواسي ونتواسى ...الخ

ثاني شي بالعكس تصرفك كان طبيعي ما احس انك غلطت ودام انك حاس ان انته صح خلاص طنش

وعليك بالصبر مع هذي الجامعه والله يعينك

آسفه على الإطاله .. واي خدمه انا جاهزه .. سلاااااااااام

[alkhobar-star]

النوعيات هذي دااااايم نشوفهم في قاعات الإختبار...


الله يعينا عليهم.

صبرا جميل والله المستعان ..

[دافور منتسب]

المشاركة الأصلية كتبت بواسطة خوخه 2009 اول شي ما في وقت ضايع ولا شي بالعكس احنا لبعض نفيد ونستفيد ونواسي ونتواسى ...الخ ثاني شي بالعكس تصرفك كان طبيعي ما احس انك غلطت ودام انك حاس ان انته صح خلاص طنش وعليك بالصبر مع هذي الجامعه والله يعينك آسفه على الإطاله .. واي خدمه انا جاهزه .. سلاااااااااام

يسلمو أختي بس أحب أبشرك ما أدري وش صار له اليوم تصدقون ياااااااعاااااااالم رجع أوقاته زي ماهيه يعني بس سوى دوشه ع الفاضي و بس لا وسألني إنت قيت قلت آه قال ليه ما رحت محاضرة ثانية؟؟

قلت له و الله شفتك جيت و أنا مسجل عندك يعني أحضر على جدولي .... سكت و قال طيب ... طيب نكمل الدرس ههههههههههه و الله حـــــــــــاله

و بالنسبه للخدمه أقول ممكن طلب .... أكيد إنك كفو بتقولي آمر .... ما دام إنك مستوى سابع أكيد عندك خلفية في مبادئ المحاسبه صح .... طيب تدرسيني خصوصي

أمزح ..... تسلمي و الله و ماتقصري كلك ذوق..

[دافور منتسب]

المشاركة الأصلية كتبت بواسطة alkhobar-star النوعيات هذي دااااايم نشوفهم في قاعات الإختبار... الله يعينا عليهم. صبرا جميل والله المستعان ..

أشكرك ع المرور و زي ماقلت مالنا إلا الصبر....

[الشوق الجارح]

المشاركة الأصلية كتبت بواسطة شانزليزيه دافور منتسب اذا دخلت القاعه اليوم راح اكح انا واذا كحيت انا انت تنحنح ابي اشوفك هههههههههههههههههههههههههههههههههههههههههههههه الله يعطيك الف عافيه

ههههههههههههههههههههههههههههههههههههههههههههههه


اما انتم ياشباب عليكم تعارف بس طريقه حلووووووووووووووووووووووه


والمصري هذا ودي افقعه اكرهم من الأسلوب الخايس ....

الله يوفقنا بس ....

[منتسب جديد 99]

اتوقع اني عرفتك يادافور منتسب انت الي لابس ثوب بني صح اذا انت قول لي لاني اتوقع انه انه مع المصري الي في قاعة 101 اتوقع انه انت الي معنا على العمووووووم حبيت اشاركم واتمنى لكم التوفيق

[خوخه 2009]

ولووو افااا عليك احنا لبعض >>> هههههههههه

الله يوفقك ويسهل لك

سلااااااااام

[sugar-lips]

طلعتك هذي احرقت قلبه

زين سويت فيه ،،،،

وبالنسبه للرسوم مااقول الا حسبي الله ونعم الوكيل 3000 رسوم ترم و كتب مو اقل من 300 ومدرسه هالترم جايبتها بـ 6000 لمادتين سوت لي خصم 500 يقالها الحين منزله لي شي كثير هذا غير تذكرة السفر حقتي وحقت المحرم المصون وعلى حسابي بعد :( :( وسكن وبرضو مدري بكم راح يطلع علي يعني الراتب صراحه مابقى منه شي والمشكله اننا ماخسرناهم بشي وش يضرهم لو نزلو الرسوم وخلوها باسعار معقوله ،،،،،

[الأسمراني]

المشاركة الأصلية كتبت بواسطة bandarman اخوي ما عليك منه والله انا احضر عند واحد مصري في مبنى 40 قاعه 211 كل يوم سبت واثنين واربعاء من الساعه 5 الى 7 والله اول يوم حضرت مع سعودي لخبط الدنيا علينا وحسيت ان الماده اصعب مادة في الحياة لكن واحد من الشباب نصحني احضر معاه مع هذا الدكتور والله اكثر من رائع ويعطيك المعلومه بشكل واضح ، الاربعاء هذا بس راح تكون المحاضرة من 4 الى 6 وباقي الايام زي ما هي اذا تحب تعال معانا :)

ك

السلام عليكم ورحمته الله وبركاته

شكرا اخي على حضورك الدوره لماده المحاسبه لاكن الان الدور عليك علشان تقولنا وش اسم الكتاب والمواظيع المهمه واللي نذاكره بحكم انا من اهل الرياض وموظفينا وصعبه طلعتنا لذلك سوف نعتمد على الله ثم عليكم انتم من حضرتم الدورات وجزاكم عنا كل خير

[طالب منحاش]

زين ما سويت


بس ما قلت لنا وش المطلوب في المادة نبي تفاصيل عن الدورة