||تجاربنا مع أستاذات قسم اللغات الأوروبية - طالبـــــات || ~ متجدد

[ام حمدان]

تجارب الطالبات مع أ/ حنان الطرازي


انتظام

المشاركة الأصلية كتبت بواسطة نسيم الحجاز رايتنق مع أستاذة حنان الطرازي بصراحة الي تحب تفهم الرايتنق وتاخذ زبدة الحديث فيه فهو هنا مع استاذة حنان لانو ماشاء الله شرحها حلو ومرتب والحلو في شرحها إنها تعطي توضيحات وتلميحات للأخطاء الشائعة الي يغلطوا فيها البنات وتعطيك تصور للاختبار تحسي انك تدخلي ونتي متوقعة الوضع وكلامي دا للي زيي أول مرة يختبروا ويكتبوا مقال ومع إنوا درجتي مو أرضتني << إش يرضيكي بس إنتي ! إلا إنو أتوقع راعتني كتير لأني من الناس الي كتبت كلو بالرصاص ومامداني أحبر إلا برقراف واحد بس وحتى كتابتي بالرصاص لأنها مسودة ماراعيت فيها الاملاء وعلامات الترقيم لكن أقول الحمدلله عديت .

انتساب

المشاركة الأصلية كتبت بواسطة ام حمدان حنان الطرازي ريدنق215 اخذت معاها ريدنق 2 الترم الماضي كان الكورس معاها جدا ممتع وتحاول تتطرق لكل شي في المنهج والتمارين تقريبا اكثر من ثلاث ارباعها حليناه معاها كانت تشرح بذمه وتعاملها معنا في قمة الذوق الله يحفظها ورغم اني نجحت بدرجه اقل من توقعي معاها لكن ماعندي شك في ذمتها ابداً اكيد الغلط كان مني انا لانها بنفسها قالت لي بعد ماكلمتها اول ماخرجت من الامتحان وقلتها انه تراعينا في الدرجات قالت انا اصحح اوراقكم مرتين في المره الثانيه اقعد اشوف فأيش اقدر اراعيكم واحاول اراعيكم فيه الله يسعدها بإختصار الاستاذه هذي رائعه ماشالله وماتتفوت

[ام حمدان]

تجارب الطالبات مع د/خولة زهران

انتساب

المشاركة الأصلية كتبت بواسطة white rose د.خولة زهران الدكتورة تدرس بدار الحكمة وتجي كانت فترة الانتساب لذلك تتكلم اغلب وقتها عنها .. وبالنسبة للشرح ما تحضر سلايدات زي ما هو متوقع منها وهالنقطة شوية تعبتنا لمن درسنا معها لاننا تعودنا الاستاذة تحط لنا سلايدات نمشي عليها وتكون مفتاح للكتاب وتلخص اهم النقاط المطلوبة .. وكمان بالكلاسات ما تشرح كل الشابتر لا تعطيك المفاهيم اللي هيا تحسها مهمة وتبغاك تركزين عليها وتعطيك لمحة عن اش يتكلم الشابتر بشكل عام بس تطالبك بالنقاط اللي هيا تبغاها .. درست معها سوسيو وابلايد وسيمنار وسينتاكس وكانت تشرح من الكتاب مباشرة والاختبار معها يعتمد على تركيزك وقت الكلاس معها وربطك لكلامها بالكتاب والتعاريف ما تجي من بوكس انتي تكتبيها وتصحيحها مش ولا بد لكنها تنجح اغلب البنات ما عدا في السيمنار حسيتها اعطتنا الدرجات اللي نستحقها والحضور معها جدا مهم من اول كلاس للنهاية .. وقبل الاختبارات النهائية تعطينا ساعاتها المكتبية عشان نراجعها فيها وتكون بمكتب السكرتارية لو حبينا نسالها عن اي شي مستغلق علينا في المادة او نسلم بحثنا زي مادة السيمنار كان فيها بحث معها ..

المشاركة الأصلية كتبت بواسطة ام حمدان د/خولة زهران درست معها عدة كورسات هي نحو – ابلايد – سوشيو- سمنار الشرح : تمام شرحها ماشاء الله هي تمسك الكتاب وتشرح المفاهيم الاساسية وتنبه على كل شي يهمها تعرفيه في الاختبار ومهم تاشري كل شي شرحته وايضا مهم جدا جدا حضور محاضراتها وعدم تفويتها لانها كل شي بتجيبه لازم تكون ذكرته في المحاضرات وتكلمت عنه الاسئلة: غالباً تحب المقالي وقلما تجيب شي موضوعي في الامتحان واسئلتها عيبها قليله وعليها درجات كبيرة يعني عادي تجيب لك سؤال سهل طالب معلومه سطر او سطرين ويكون عليها 5 او 10 درجات بس للامانه الاسئلة تبعها واضحة ومفهمومة وكلها من اللي تركز عليه وهذا شي حلو فيها اللي مهم كمان تتنتبهوا له مع د/خوله هو لمن تذاكروا حاولوا قدر الامكان مع الفهم تحفظوا بالنص لان كل ماكانت اجابتك مطابقة للكتاب كل ماحصلتي معها ع درجة عالية هي تقولكم عادي تكتبوا بفهمكم اهم شي يكون نفس المطلوب ولغتكم تمام وفيه الكلمات المهمه اللي تبغاها تكون ضمن الجواب لكن في التصحيح حسب ماجربتها مو دائما يقنعها هالشي وممكن فهمك ماوصل للي هي تبغاه فتنقصي فالاضمن انكم تقطعوا الكتاب عند المذاكرة لو تبغوا درجة عالية معها j

[ام حمدان]

تجارب الطالبات مع د/ميرفت الببلاوي

انتساب

المشاركة الأصلية كتبت بواسطة ام حمدان فرنسي211 مع ميرفت الببلاوي اخذت معاها فرنسي 1 ومستحيل انسى الكورس هذا كان من امتع الكورسات حببتني في الفرنسي حسيت معاها اني طالبة انتظام كانت تعطينا واجبات وترجع المحاضره الجايه تحلها معانا عالسبوره وتشرح بذمه وافتكر الاسئله ماخرجت ابدا عن الي ركزت عليه كله الاسئله تقريبا كانت من التمارين الي حليناها في الكلاس وماشالله عليها للان تتذكر اسماينا ولمن تشوفنا تسلم علينا وتسئل عن احوالنا من جد انسانه رائعه الله يوفقها وين ماكانت تمنيت اخذ معاها فرنسي2 بس ماكنت تعطيه :(

---

تعليم عن بعد :

تجاربي مع بعض استاذات قسم اللغات الاوروبية ( تعليم عن بعد )

[ام حمدان]

تجارب الطالبات مع أ/عبير العامري


انتظام

المشاركة الأصلية كتبت بواسطة نسيم الحجاز الفرنسي مع عبير العامري أول شي بقول عنها انسانة واستاذة تعاملها حلو وتحس بالطالبات بشكل كبيير انو المادة جديده عليهم شرحها طيب تحاول توصل المعلومه بكل وسيلة وأسئلة الاختبار كانت سهلة قطعة من الكتاب نفسها والباقي كلو معروف أساسيات لازم تجي وتصحيحها أخدت فيه الي استحقه واتوقع راعتني لانو حتى هو درجتو مو الي كنت اتمنى والحمدلله على كل حال

[white rose]

تجارب الطالبات مع د. سوزان فكهاني



انتظام :

المشاركة الأصلية كتبت بواسطة مشاعر صماء د/سوزان فكهاني شرحها جميل واللي تقوله وتحدده معاكم تجيبه ، طبعاً تعطيكم 3 اسئلة للميد تيرم " من 20 درجة " وتجيب اثنين منها واحد اجباري تجاوبيه و الثاني تختاري بين اثنين ، البقية كويزات على القصص وتكون الاسئلة فيها اختيارات الكوتيشن منها هي اللي تحدده بالكلاس والبقية اختيارات واضحة ركزوا على الرموز والثيمز ايش تعني. تتعامل كثير بالايميلات ترسل لكم كل شوي ، تطلب عشرة تقارير عليها 10 درجات، وترسل لستة كلمات تطلب تعريف ومثال على كل كلمة وبنهاية السيمستر تعمل كويز عليها من 10 درجات.

المشاركة الأصلية كتبت بواسطة مني يغار الورد د سوزان فكهاني بصفة عامة متفهمة وتعطي دفعات معنوية في البداية بس فجاه تقلب خصوصا لو البنات ماقرأو المطلوب وممكن ع نهاية الترم تحاول تخوف البنات لكن في النهاية الاغلب ياخذ درجات طيبة ممكن ترسل ايميل بالليل تقول بكرة اختبار فلازم الوحدة تكون قارية اول بااول عشان لاتحوس في ليلة الاختبار الترم قبل الماضي كانت الاعمال الادبية بين روايات ومسرحيات وشورت ستوريز وموفيز وقصيدة وعلى حسب الوقت اذا كفى لتغطيتها والا اكتبو معاها كل شي مهم عشان تجمعو اكبر قدر من التحليل الترم اللي راح كان منهج البنات فقط 10 شورت ستوريز تقريبا مهم جدا البنت ماتغيب وتكون معاها ع الخط ترفعك في الدرجات لو ماغبتي كانت ترسل لنا بعد كل عمل مجموعة كلمات ونترجمها ونحطها بجملة واليوم اللي بعده نحلها سوا بالدور عادة وعليها 10 في 10 جورنلز عليها 10 درجات اسلوبها بالاختبارات: 4 اختبارات اختياري وتختار الثلاث الاحسن على كل اختبار 10< اغلبها من النت سبارك نوتس وهكذا < لكن على وقتنا خلتها 3: 2 اختياري وبعد الانتكاسة واحد شورت انسرز ودخلت فيه مجموعة اعمال< عشان تتوقعو منها اي شيً ميدتيرم عبارة عن 2 اسايز < عادة تدي مجموعةاسئلة قبل الاختبار وتقلكم الطريقة الصح لحلها وتجيب 2 من هذي الاسئلة بالاختبار طبعا تحب الهرج الكثييييييير عبو الورقة وتاخذو درجة كويسة لان منها تعرف ان البنت قارية العمل وفااهمة عليه 20 اختبار في الفوكابلري الليً كانت ترسلها لنا ونحلها وعليه 10 درجات الفاينال نفس حكاية الميدتيرم تو اسيز ونفسً الشي تعطي مجموعة اسئلة ويجي منها بس احنا قسمته 10 سوال اساي و 10 تيك هوم اكزام طبعا ممنوع البلاجريزم نهااااائياااا وقالت لنا اي سرقة طوالي اف عموما يبغالها صبر بس وتسوو المطلوب وتعتبر احسن من غيرها بكثيييييير هيه ترعب البنات ع اساس تبغاهم يشدو حيلهم ومايتكاسلو ..

المشاركة الأصلية كتبت بواسطة nour al3mr د. سوزآن ما درست معاها لكن صديقاتي أخذوا معاها المودرن يمدحوها لكن انتبهوا لا عصبت عليكم خليكم رآيقين و اشتغلوا معاها و اتعبوا على حالكم لكن نمط تدريسها للكورس كان عاجبني أفضل من د. رنده لأني أخذت المودرن معاها

المشاركة الأصلية كتبت بواسطة مملكة عمري modern literature د.سوزان فكهاني المنهج جدااا طوييل 4 روايات ومسرحية تتطلب قراااااااااءة كثيييييييييييييييرة على كل رواية او مسرحيه ترسل لكم مجموعه كلمات تحفظي معناها وتحطيها في جمل وترسلينها لها الاستاذة ممتازة في الشرح اهم شي انك تجتهدي تقسيم الدرجات كويزين كل واحد بـ10 درجات (واحد منهم كان مفاجيء والغايبين مايتعاد لهم) كويز 10 درجات خاص بالكلمات ومعناها تختار افضل كويزين الميدترم بـ 20 درجة (essay) هي ترسل على كل روايه مجموعة اسئلة ويجي منها كركتال بوك اظن عليه 10 برزينتيشن بـ 5 درجات 10 جورنال بـ 10 درجات الفاينل ايسي بـ 35 درجة

---

انتساب :

المشاركة الأصلية كتبت بواسطة #روووح# اسأل الله ان يكتب اجر كل من علمني حرف,,اشكر كل الاساتذة اللي درسوني ..جزاهم الله كل خير(: بس راح اتكلم عن الاشياء االبارزة اللي واجهتها ...ﻻني اقل من اني اقيم دكاترة واساتذة افاضل... 9/ د. سوزان فكهاني/درست معاها مقدمة في الأدب ...سمعت عن صعوبة الدراسة معاها...بس كانت جداً واضحة..و منهجها واضح و اختبارها حلو ...

المشاركة الأصلية كتبت بواسطة nuha السلام عليكم انا بقولك عن تجربتي مع دكتوره سوزان في المودرن اخذته معاها السنه اللي فاتت صراااحه كانت الاسئله جدا منطقيه وشاااامله للمنهج وهي وزعت علينا اسئله منوعه للاسي وجابت منها صراحه كنت ماخذه فكره عنها بس الحمدلله عديت الماده بدرجه كويسه انتي من الحين ابدي ذاكري او اقري القصص من الان بتمعن عشان تكون المذاكره سهله عليك ،،

عبوره

شرحها واضع وكانت متفاهمه معانا بصراحه عكس ما توقعت تعاونت معانا. واهم مافي الموضوع انك تقدري تتدربي باي مكان تستخدمي في الانجليش ، مدرسه ، مستشفى، معهد.. الخ ، التدريب عليه 40 وفي تقرير انتي تعمليه ،وفي تقرير تعبيه المشرفه عليكي في التدريب، وفي اختبار نهائي عباره عن توفل تقريبا اساله سهله كانت ،وتتوزع الدرجات على كل الي سبق وبس بالتوفيق يارب (:

هدى

بالعكس سوزان تجنن والله اخدت المودرن معاها كان روعه والله وشرحها واضح

---

---

تعليم عن بُعد

المشاركة الأصلية كتبت بواسطة yasmeen.. و عليكم السلام ورحمة الله وبركاته فكرة الموضوع ممتازه وساعدت طالبات كثير حكتب عن الي درسوني في التعليم عن بعد طبعا تنزل شعبه وحده وممكن تكون متطلب ما تقدري تاجلي الماده مقدمة في الادب مع دكتورة سوزان فكهاني الله يسعدها يارب شرحها ممتاز وملتزمه بالوقت وقد ما تقدر ما تطلع الا والبنات فاهمين اختبارها 50 فقره خيارات و سؤالين مقالي واحد في الشعر وواحد في القصص

[white rose]

تجارب الطالبات مع د. مائسة

انتظام :

المشاركة الأصلية كتبت بواسطة englishh student كل شي يتعمد على الاستاذه اللي انتي معاها وانا راح اقووولك تجاربي للمواد اللي اخذتها مع كل استاذه drama مع د.مآآئسه الكلاس ممتع وماتحسي نفسك انك بتاخذ كووورس ثقيييييييييل ابدا ابدااااااااااااا هذا غير التمثيل والمتعه اللي فيه باختصار مائسه في الاسلوب والمعامله مافيه منها الله يسعدها هذا غير المشاركه بالكلاس بالعربي وتشجعك تشاركي معاها وتعطي وتاخذي حتى لو غلط يعني تشاركي معاها بكل ثقه تقسيم درجاتهاا نسوي كريتكل عليه 20 مشاركه 20 دوري جدااا سهل وعليه 20 واسئلتها نفسها تتكرر كل سمستر مشكلتها بخيييييييييييييييله في الدرجااااااات بس لو كانت تعرفك من بداااااااية الترم وتعرف اسمك مراح تقصر معااكي البناات يتفااجااو بدرجاااتهم فين بتروح وهيا اصلا بيدهاا 40 درجه (مشاركه ووكريتكل) فخليها تعرف من اول يوم في الكلاس وشاركي معاها

المشاركة الأصلية كتبت بواسطة i will do الدراما مع مس مائسة مرررررررررة حلو وممتع اختبار دوري واحد-ومسرحيه- واجبات بسيطة لكن درجاتنا اقل من اللي توقعنااااااااااااااااا

[white rose]

تجارب الطالبات مع د. أمل شعيب

انتظام

المشاركة الأصلية كتبت بواسطة englishh student sociolinguistics د. امل شعيب يناسوو عليه ياليت فيه ممنها اثنييييييييييييييييييييييييييييين عسوووله وطيوووووووووووبه الكورس كان معاها يجنن واختبارتهاا حلووووووه وسهله لو ذاكرتي كووويس

المشاركة الأصلية كتبت بواسطة i will do رايتنق2اخذته مع د-امل تعاملها مررررررررة حلو وتاسست معاها صح تعلممت اشياء اكثر من اللي توقعته

[white rose]

تجارب الطالبات مع د. رابعة الخطيب

انتظام :

المشاركة الأصلية كتبت بواسطة مشاعر صماء د.رابعة الخطيب راقية بالتعامل ومنظمة تعطي بنهاية كل مسرحية كويز غالباً تكون مسرحيتين أو ثلاث بداية الكورس يكون عن حياة شكسبير وتعمل كويز عليه كمان عندها واجبات من حل اسئلة بنهاية كل مسرحية وبرزنتيشن على كل مسرحية لو تقرئي مقطع من المسرحية تعتبره برزنتيشن. أيضاً تعمل بلوق " مدونة " لازم تشاركي فيه .

المشاركة الأصلية كتبت بواسطة الإمبراطورة أهلآ.. ما شاء الله english student مآ قصرتْ>>> تقريبآ معظم الموآد أنآ عنْ نفسي بدي أتكَلم عن أحلى وأغلى وأجمل وأمتع وأرقى و,,ووووو... لن تنتهي الواوات,, كورس أخذته في الجامعة,, وهو shakespeare مع الدكتورة الرآئعة الرآقية رابعة الخطيب لآ أخفيكم يعجز لساني و تقف كلمآتي عآجزة عن وصف د.رابعة والدراسة معها.. صراحة شرف عظيم لي إني درست معها و خسارة كبيرة لي بأنها ما تدرس إلا شكسبير.. يعني ما حتدرسني بعد كذا ِِِِِِِِِِ يالله ندخل في الموضوع (لأني ماراح أخلص) ,, بالنسبة للكورس جدآ رائع في البداية درسنا نبذة عن حياة شكبير وإختبرنا عليه 10درجآت (وخلاص انتهينا منه نهائيآ) ومن ثم بدأنا دراسة مسرحية julius caesar ... مسرحية تاريخية بتجنن وإختبرنآ عليها 20 درجة..( أسئلة short answers سهلـــة مررررة) والفاينل كان برضو عليها لكن التركيز على الـ characters & الــ themes ( أسئلة essay عليها 30) ِِِِِِِِِِ وبالنسبة لبقية الدرجآت التي كآن لها {نصيب الأسد} وهي 15 درجة على الوآجبات وهي أسئلة تقولها لنآ وبعضهآ مكتبوبه في موقعهآ كل أسبوع نسلمهآ جوآب سؤال أو سؤآلين... إلى نهآية الترم و10 درجات على الـ journals و10 درجآت على المشآركة والبوب كويزز (من أول ما بدأنا المسرحية... كل يوم بوب كويز وهو سؤال short answer) و5 درجآت على الـ oral report وهو إنكـ تقرأي two critical articles وتقولي رأيكـ تقدمينه في الكلآس ويسلم نسخة مكتووبة منه.. وبس هيدآ اللي عندي, دمتـــــــــــــمـ

[white rose]

تجارب الطالبات مع د. نهى الشرفا

انتظام :

المشاركة الأصلية كتبت بواسطة مشاعر صماء د/نهى الشرفا أخذت معاها سيمنار طبعاً المنهج فصول من كذا كتاب وأسئلة الاختبار متنوعة وغالباً أو بمعنى أصح تجيب كثير من التمارين اللي بنهاية كل فصل. إذا أعطتكم أوراق ذاكروها مهما كان موضوعها أذكر مرة أعطتنا أوراق عن طريقة عمل عرض أو شيء توقعته تافه عشان بس تعلمنا كيف نعمله لكن طلع العكس وجابت منه بالاختبار.

المشاركة الأصلية كتبت بواسطة مملكة عمري seminar د. نهى الشرفا لأن العدد كان كبير جدا اخذنا منهج سنتاكس بدون مباااالغة من اول يوم اضفنا المادة إلى اخر يوم نزلت العلامات واحنا في قلللللق الاسئلة مو سهلة ولا تعجيزية ( بتركيز بالمذاكرة تنحل) كويز 1 << 20 كويز 2<<20 كويز 3<< 15 داتا انليسز << 5 الفاينل <<40

المشاركة الأصلية كتبت بواسطة e m a n ^ نُهى (قلُوب) مرّا أحبّها ذي الإنسآنه <3 .. أنا أخذت معاهآ التّرم اللي فآت ، ونزّلت المآده بعد لعب أعصاب و تردد مو طبيعي .. كلآم البنات خوّفني و حطّمني .. توكّلت على الله ونزّلتها د.نُهى ، إنسسانه رررآئعه ، أخلآق وتجنن ، مُحترمه .. صحّ مرّات تحسّين الكلآس مُمّل بسّ أقلهآ تكُونين نفسياً مرتآحه ، مو وحده تجلس تهزيء أو نظرآت ، صحّ مآ أفم معاهآ في الكلآس مآدري إيش مُشكلتي رغم إن بنآت كثير يفهمون بسّ أروحلهآ مكتبهآ وتفهّمني وتنبسط إني جيت ، جددداّ عسسسل و ممتآزه ، المنهج يختلف معآها مو زيّ مآثر ، وانا أشوف إن منهجهآ أسهل .. لأني شفت منهج صديقآتي مع مآثر نمرّ على مُحاظرآت سسهله مُويه ، ونمر على غيرهآ صصصعبه ، بسّ وربيّ الصّعبه ذي مآشفناهآ في الفآينل :) ... و تحّل معانا تمآرين في الكلآس ع البورد ثلآث أرباعهآ تجيبه في الإختبآر نفسس الجُمل ، فيه أسهل من كذا؟ بسّ إيش المُشكله ؟ أسئلتهآ في الإختبارات مرّا قليله وعليهآ درجآت كثيييييييره ، يعني أحياناً الفقره عليهآ 3 درجات يعني لو كُنتي مذآكره و فآهمه ، درجتك رح تكُون مُمتآآزه والحلو فيهآ مآتحب أسئلة المصطلحآت والتّعاريف ، أبداً ماعندهآ أسئله مقآليه بسس سؤآلين اللي هيّ النظريّات .. استخيري أول حآجه وبعدين قرّري ،

السنتآكس و السيمنـآر مع د. نُهى الشُرفـآ ..طآلبـآت الإنتسـآب ، حيآكن .

---

طالبات الانتساب :

المشاركة الأصلية كتبت بواسطة MeZaJya لغويات اجتماعيه مع دكتورة نهى الشرفا : ما ادري ايش اقوول صراحه بداية الترم كانت محدده 3 كتب وبعدين خلت كتاب واحد بس يمكن هييا من كتر ماتعمقت في العلم دا صارت تبغانا نتعمق زيها .. بس صراحة ما كنت افهم منها شي ابداا .. بداية الترم كانت تشرح من كتاب نسخه قديمه غير اللي معانا وماكنا عارفيين ايش تشرح .. وبعدين جابت كتاب نفس نسختنا وصارت تقرأ سطر سطر وبنفس مصطلحات الكتاب مافي مجال ابدأ انك تفهمي .. دا رأيي للأسف الاختبار معاها كان 5 شورت انسر -5صح وخطأ مع توضيح الصح وتصحيح الخطأ-5 اسئله خيارات-5اسئلة تعاريف ومقارنه بمعنى ان كل فقره عليها 5 درجات حتى الاختياري كان الاختبار صدمه ليا صراحة في لحظات اتمنيت اني اكون مع دكتورة منال التاودي بس الحمدلله عديت ع خير

المشاركة الأصلية كتبت بواسطة #روووح# اسأل الله ان يكتب اجر كل من علمني حرف,,اشكر كل الاساتذة اللي درسوني ..جزاهم الله كل خير(: بس راح اتكلم عن الاشياء االبارزة اللي واجهتها ...ﻻني اقل من اني اقيم دكاترة واساتذة افاضل... 6/6/ د.نهى الشرفا تنقص المنهج درست معاها النحو بس فصلين..جابت من التمارين و كنت مذاكرة كويس بس درجتي مرة ما كانت حلوة..و حتى صديقاتي ما اخذو درجات حلوة..جابت تعاريف مع ذكر امثلة عليها 20 درجة والباقي من التمارين والكتاب ..مستواها عالي جدا ما اشاء الله ما حبيت اكرر التجربة معاها

[white rose]

تجارب الطالبات مع ا/ الاء المحمدي

طالبات انتظام :

المشاركة الأصلية كتبت بواسطة مشاعر صماء آلاء المحمدي انسانة مزاجية كانت بداية دخولي للقسم كويسة بعدين بدأت تتغير وصارت صعبة بالتعامل ، شرحها عادي مو قد مايقولوا انه حلو وتشرح تجيب من السيلادز بالصوتيات.

المشاركة الأصلية كتبت بواسطة الــود طــبعي بالنسبة لي ياحلوين أخذت فونتكس (صوتيات ) مع أستاذة \ آلاء المحمدي بصراحة أنا تعجبني هالآدمية مرتبه وتشرح زييييين مافيه شي عندها اسمه مشي الحال وإذا سألتي تجاوبك أسئلتها على قد تعبك وماتحتاج مرة ذكاء.. وتوزيع درجاتها حلو كمان مو تطير درجاتك بسهوله.. توزيع الدرجات 15 دوري أول 20 دوري ثاني 15 دوري ثالث 40 فاينل 5 اسايمنت 1 5 اسايمنت 2 الاسايمنتس تضمني درجتها بإذن الله مافيها أي صعوبه إنسانه جدية ومنظمه وحقانيه في الدرجات.. ملاحظه : على فكرة أول ماأخذت الفونولوجي مع منال التاودي قالت اللي ماأخذت الفونتكس وعدته تروح تحذف المادة.. وأنا سكت سويت إني أخذتها..لأنه ماكان عندي مادة ثانيه ممكن أبدلها مكانها.. يعني أخذت الفونتكس مع الفونولوجي في نفس السميستر مع إنه كثير قالوا مايجوا مع بعض بس أنا حسيت العكس الفونتكس ساعدني في الفونولوجي والعكس صحيح.. بالتوفيق للجميع يااارب