•·.·°¯`·.·• أســنــانــيــات •·.·°¯`·.·•

[Kaira]

المشاركة الأصلية كتبت بواسطة dr~nanoook طيب عشان يصير الموضوع تفاعلي وتشاركوني بتجاربكم ومو انا لوحدي أقعد أهرج بالموضوع :p ياليت كل واحد منكم يحكينا عن تجربته.. مشاعره.. ردة فعله ! أو لما عرفتوا أنكم اتخصصتوا في .. طب الأسنان وشفتوا هذه العبارة مكتوبة في الـ odus ^_^ << على فكرة الاوديوس لونه أزرق (شكله زمان) .. عشان أول لما عرفت بالتحويل للأسنان عملت برينت سكرين للشاشة << مؤرخة اللحظة بالوقت والثانية

بالنسبة لقصتي أنا يوم أنقبلت كان يوم ما يتنسي بصراحة أبدا

أصلا أنا الصراحة الصراحة أي تخصص طبي أو صحي ما كنت أبغا مرة ولا كان في بالي
لا طب بشري ولا أسنان ولا صيدلة ولا شي
ما كنت عارفة هدفي من الحياة دي كل يوم أبغا تخصص ..
مع انو الكل متوقع ومتأمل فية اني أدخل طب بشري والكل يقولي أدخولي طب بشري هوة إلي لايق عليكي لأنك ماشاالله شاطرة وعقلك كبير ومن دا الكلام يعني
فوق كدا ماما تبغاني كمان أدخل طب بشري >> تبغاني زيها
حتى اختي الكبيرة هلكتني كل شوية تقولي أدخولي طب يعني طب وبشري
بصراحة عشت في رعب وضغط نفسي مررررررررة في السنة التحضيرية
لأني كمان دخلتها وحاسة نفسي بدرس وبأتعب نفسي وبأعيد كل شي اخدتو قبل وما أستفيد شي

المهم
شوية شوية كدا بدأت أتعود على أجواء الجامعة والتحضيري
الترم التاني كان حالي الحمدلله أفضل من الترم الأول حتى درجاتي أعلى الحمدلله بكتيييييييير
وأحاول أجيب الفل مارك في كل شي ونفسيتي الحمدلله تحسنت كتييير بس ضغوطات ماما وأختي كانت موجودة >__<"

المهم
قبل لا تنزل التخصصات بكم يوم جلست أفكر مع نفسي وسألت ماما وحدة مرة وهية مآخدتني من الجامعة وقولتلها: ماما خلااااااص قررت أدخل طب أسنان ^_____^
ماما استغربت لأني ما عمري في حياتي فكرت بيلو أو انهم فكروا اني أدخلو أو يجي يخبط على دماغي وكمان لأنو ولا أحد من عيلتنا من جهة ماما دخل طب أسنان كلهم ماشاالله بشري
بنات وأولاد خالاتي وخالي =)
>>> يعني أنا جاية كدا بالغلط مررررررة بالنسبة لهم أهاهاهاهاهاهاهاها
قالتلي الأسنان يبغالو معدل عالي مرة أكتر من البشري وزي كدا بس لو تبي تدخوليه عادي أهم شي انو طب مو خارج الطب بس تتحملي انك تدروسي 6 أو 7 سنين في فم البني أدم >_< ..
قولتلها جزء معين أهون من الجسم كلو
قالتلي خلاص زي ما تبغي بس أجتهدي ..

ولما جا التسكين حطيتو أول رغبة أسنان والتانية بشري
بس مرررررررررررررررة كنت خاااااااااااايفة ما أنقبل أسنان بسبب انو ماشاالله البنات في التحضيري كانو شطااااااااار مررررررة وساعات أرجع البيت أبكي
أقول لماما خلااااااص شكلو لا أسنان ولا بشري ولا حتى صيدلة كمان
مع انو الحمدلله علاماتي عالية بس كان يتهيألي انو الكل جايب 5 وكلهم راح يدخلو
وفوق كدا كمان أختي الله يهديها كل يوم محاضرة وضغوطات علية

وبعد ما خلصنا الاختبارات
عشت أسابيع رعب وما أنام كتير وقلقاااااااااانة وخالاتي وصحبات ماما يسألو ايش دخلت بنتك
ولسع ما نزل التسكين
وزواج بنت خالي رحتو وأنا مالي نفس كلو بسبب التسكين إلي جنني مرة

المهم
يوم التسكين كان مفاجأة بالنسبة لية كنت أتفرج أنيمي ياباني وكنت فاتحة المسن
والمنتدى ما سرت أدخولو ولا الأوديس لأنو جاتني حالة يأس
وكان يومتها المباراة إلي بين أسبانيا وهولندا ووحدة من صحباتي قاعدة تتفرجها ومتحمسة
وفجأة كدا
وحدة من صحباتي إلي أعرفها في التحضيري دخلت المسن وقالتلي: هآآآآآ إيش أتخصصتي
قولتها وي هوة نزلت التخصصات
ووقتها صحبتي التانية تقولي أسباااااانيااا فااااااااااااازت
أنا أتشتت معرف أكلم مين ولا مين
أسبانيا فازت + التخصصات نزلت
2× 1 حمااااااااااااااااااااااااس
أنا على طوووووووووول دخلت الأوديس وعالصفحة الرئيسية ومو قادرة أنزل خااااايفة إني أنقبل طب بشري وأنا خلقة خلاااااص كارهتو وما أحبو ومو داخل مزاجي وكمان لأني صليت الاستخارة كتيييييير في الطب البشري والأسنان وحسيت انو قلبي أرتاح للأسنان أكتر ..

المهم
نزلت الصفحة على تحت ومااااااااااصدقت عيوني لما شفت مكتوب طب أسنان
وفتحت عيوني بأقوى شي عندي بس المشكلة ما قدرت أصرخ عشان أختي كانت نايمة معية في الغرفة
أنا مو عارفة ايش أسوي مررررررررررة طرت من الفرحة ورحت لماما صحيتها كمان قلتلها ماما ماما أنا أنقبلت أسناااااااااااااان وبستها على راسها وهية عالسرير
بس وقتها بابا وأختي الكبيرة مسافرين برة بس ماما اتصلت عليه وبشرتو وباركلي ومررررة أنبسط بابا وماما قالتلي متأكدة انك أسنان ؟؟ طيب قفلي وأرجعي أفتحي تاني
وسويت الي قالتو وقلتلها أطمني يا ماما أنا طب أسنان خلاص الحمدلله وسجدت لله سجود شكر
روجعت لصحبتي إلي قالتلي عالتخصصات وبشرتها وكمان صحبتي التانية إلي بشرتني بفوز أسبانيا
قلتلها وفرحتلي مرررررررررررررة

من جد كانت ليلة مافي زيها وما تتنسي بصراحة حتى تاني يوم ماما كانت في الشغل واتصلت علية
قالتلي يا بنتي أتأكدي مرة تانية أفتحي الأوديس وشوفي أهاهاهاهاهاهاهاهاها
محد كان مصدق إني فزت الحمدلله بالتحدي إني أنقبلت في أفضل كلية في جامعة الملك عبدالعزيز كلها

اللهم لك الحمد والشكر كما ينبغي لجلالك وعظيم سلطانك ^^

وآآآآآسفة على روايتي الطويلة دي

[hadeel a]

يا ناس قصتك حلوه يا Kaira مرره أتحمست معاكي و أنا بقرأها..ماشاء الله عليكي ما صرختي عشان لا تصحي أختك .. أنا بعد ما طلعت نتايج التسكين و قلت لأهلي اللي كانو صاحيين كانت أختي الصغيره نايمه و ما هان عليه أسيبها رحت صحيتها وقلتلها.. على فكره اش معنى اسمك Kaira يعني لي معنى معين و لا دلع لاسم ؟

---

معلي عندي طلب و ياريت كلكم تردو عليه قد اي تاخدو عملي في سنه تانيه ومعلي تحكونا عن تجاربكم في سنه تانيه ؟؟

[Dr~NanoOok]

المشاركة الأصلية كتبت بواسطة hadeel a [quote=dr~nanoook;4539716]هدووولا ربي يسعدك ويفرحك أكتر وأكتر يااارب ^__^ والحمدلله اللي فرحك بدخولك التخصص اللي تبغيه.. بعد هذه المقدمات ليه أنا اللين دحين مو عارفه المقدمات دي لي .. أمكن هدي جاتني من الوسوسه .. وباذن الله تفرحي بتخرجك وقتها ما حتنامي شهر بكبره امكن :p هههه شكلي حأسوي كده .. أنا ابغى أفهم.. ليـــــــــــــــــش الطب البشري مدخل نفسه غصب في قرار ورأي أي أحد أسناني ؟! ما يسيب الساحة للأسنان وبس ويخلي العقل مرتاح ههههههههههه و الله مو مننا من اللي حولنا يجلسو يزنو علينا .. واتكلمي زي ما تحبي وابدا ما طولتي بالكلام بالعكس اسعدتوني الاتنين بمشاركتكم لحظتكم هذه ^____^ شكرا يا عسل انت اللي بتسعدينا بكلامك الحلو معانا . د.هديل .. حكينا عن سبب اختيارك للأسنان.. وبرغم رأي أهلك وصحباتك وكلامهم ؟

علاقتي بالأسنان حب من أول نظره
من يوم و أنا أولى ثانوي و أنا ابغا ادخل طب أسنان و كنت أفكر أن لمن يجي و قت دخولي للجامعه حأكون عرفت تخصصات أكتر و حأعرف اش ادخل و بالفعل كنت بأقرأ عن تخصصات كتيره و على مواقع لجامعات كتيير .. و في تخصصات عجبتني .. بس ما في شي دخل بالي زي طب الاسنان اللي في البدايه أخترتو بشكل عشوائي و لمن قرأت عنو حبيتو أكتر مع أن كنت أتجنب أن أقرأ عنو كتير لان أنا كان عجبني من غير ما أعرف عنو ولا شي و كنت أحس كل ما أقرأ عنو يعجبني و أحبو أكتر و كنت خايفه أن ربنا ما يكتبلي أدخلو .. بس الحمدلله كما ينبغي لجلال و جهه و عظيم سلطانه .[/quote]

جميـــل الحب من أول نظرة .. مافي أحلى منه
ههههههههههه أفرح لما ألاقي أحد حب الأسنان من زمان.. وخلاه في باله وهدفه
وسبحان الله.. ربي حببك فيه.. ويارب يكون هو الأفضل لك.. وتحققي من خلاله أعلى الانجازات يارب

ودحين أقري عنـــــــــــــــــــــــه قد ما تقدري.. ولا تخلي شي يوقفك عن حماسك وحبك لتخصصك
ربي يوفقك

__________________________________________

المشاركة الأصلية كتبت بواسطة abadi14 كالعادة يا د.نانووك يعجز اللسان عن شكرك على طرحك الراقي والجميل ودحين خليني اقلكم قصتي لما نزلت التخصصات انا اصلن نوومي مرره ثقيل بس من الخوف انا صحيت الساعة. 12 وكنا سهرانين الليلة الي قبلها وكانو العائله كلهم متجمعين عندنا ولما صحيت صليت الظهر وبعد الصلاه قعدت مسنتر قدام الاوودس 3 ساعات بس ادعي اني انقبل طب اسنان وكنت خايف اني ما انقبل لانو الاشاعات كانت شغاله انو طب الاسنان يبغون معدل عالي وكمان كانت درجتي في الكيمياء نازله شويه هدا الي كان مخوفني المهم والله جات الساعه ثلاثه واحدث الاودس ما طلع شئ المهم خرجت ودخلت على الاوديس والقا اني دخلت طب اسنان وكان معايا ولد عمي وانا من الفرحه مني مصدق اقوله شوف صح اني انقبلت مني مصدق واروح افرحهم اني انقبلت وطبعا الفرحه كانت دبل لانهم كلهم كانو موجودين وطبعا في الليل كان العشا على حسابهم ^_^ وتوته خلصت الحتوته حلوه<<<<<< ومعليش الخط مو منسق ولا ملون لاني داخل من الجوال

العفو والله .. ودعوة منكم في ظهر الغيب تكفييييني ^^

الحمدلله انه ربي حققلك مرادك.. وأعطاك هو بعد انتظارك وترقبك
الله يعين جميع طلبة التحضيري على الاشاعات والكلام اللي يتلف الأعصاب وبس وماله فايدة ابدا !

ومن جد.. أجمل السعادة لما نتشاركها مع غيرنا ومع الأكل.. تتضاااااعف وتصير أجمل


أحلى شعور لما تعيشوني معاكم لحظاتكم وتوصفوها بالتفصيل ماشالله "^^

[Dr~NanoOok]

المشاركة الأصلية كتبت بواسطة purple_boxer كلام مرررة حلو و جميل جدا يا دكتورة نانوك مشالله مواضيعك حتى المواضيع الصغيرة اللي جوت الموضوع الاساسي حلوة ربي يديكي العافية بالنسبالي يوم النتايج كنت ف المستشفى وما ادري عن شي وكنت ف مكان الانتضار ويدق عليا صاحبي يقلي هات رقمك حق الجامعة ورقم الهوية قلتلو خير يبويا ايش ساير قلي انت هات ومالك شغل و اعطيتو الارقام وقلي مبروك انقبلت اسنان قلتلو انت ايش تقول مني فاهم شي هههه من الصدمة يعني بس لمن كدا استوعب الهرجة قعدت ازعق ف المكان هههههههه وجا ابويا يقلي اشبك قلتلو انقبلت اسنان واخد الايباد وقعد يتفرج على الدرجات ويشوف مكتوب اسنان ومرة فرح اكتر شي ومن يومتها الين دحين ما يناديني الا بدكتور هتان هههههه حمدلله انو انقبلت اسنان مرررة مبسوووط وراضي بيلو

مشكور د.هتان على الكلام .. ويسعدني أن مواضيعي وحتى ردودي تعجبكم ^_^

أحلى شي المفاجأة.. ولما ما تكون معطي للموضوع بال .. وتجيك المفاجأة !
وأحلى شي فرحة الأهل والله .. وباذن الله تحقق اللي يبغاه والدك وترفع راسه


__________________________________________________ _____________________

المشاركة الأصلية كتبت بواسطة shosho0o ما شاء الله مواضيعك جداا جميله و تحمس الله يعطيكي العافيه يا د. نانوك

انتِ الجميلة ^_^

وشاركينا يا شوشو بلحظة استقبالك لخبر القبول بالأسنان =)

[Dr~NanoOok]

المشاركة الأصلية كتبت بواسطة Glamor Mada كالعاده ماشالله دايما مواضيعك حلوه وتخلي الواحد متفائل .. وقسمنا صاير احلى قسم في المنتدى كله لاننا مو بس بنسأل بعض ونجاوب وخلاص زي الباقيين..قاعدين نستفيد من بعض وناخد فكره عن السنين اللي قدام ونحكي تجاربنا

اهلين مادا .. مطول الغيبة وما شفناك بالقسم من فترة :p

الحمدلله .. والله أكثر شي يسعدني بالحياة إني أقدر أدخل الفرحة و التفاؤل بقلب أحد
وحرصت انها تكون صفة فيا.. وأي أحد محبط ولا مكتئب يجيني و ممكن أقلب مزاجه ع الآخر "^^
صفة أعتز بيها.. والحمدلله قدرت أشعركم بها هنا ع المنتدى ^__^

ويارب يبقى القسم دايما كده .. صحيح مو بس كلام واجابات .. هنا بنتعلم نكون قلب واحد وكيف ممكن نساعد بعضنا بكل اللي نقدر عليه =)

ويصير أمانة عليكم تنتبهوا على القسم وتبقوه "مولع" حماس وتعاون
اذا تركته أو شي

امممممم انا متأكد اني بعد كم سنه رح احن لبداياتي في الكلية وبالتحديد لشغل الدينتال اناتومي لانه بتخصصنا .. الحين ماني قادر احس بحلاوة التخصص زيكم .. صح اني احبه بس برضو ما وصلت لمرحلتكم لأني ما كنت حاط الاسنان في بالي فيوم من الايام الفيديو حق يوم في حياتي شوفتو قروبنا عالفيسبوك وحده حطته .. ما كنت متوقع انه بيعانو لهالدرجه بس عندي سؤال دكتوره نانوك .. ايش صار ع الاعتماد الاميريكي ؟ لانه الشغله طولت افتكر لما جانا دكتور معتز وكلمنا من قبل ما يجي الوفد الاميريكي .. بس للحين ما سمعت شي عنه ياااارب يجينا وتصير كليتنا احسن كليه بالمملكه

سنة ثانية ما تعتبر البداية الفعلية لطب الأسنان.. فعادي اذا ما حسيت بأنك تردس أسنان ولا تعرفت عليه
وحط ببالك.. أنك بتحب التخصص و حتستمتع بيه وتتعرف عليه اكتر وأكتر
وصدقني أي مصاعب حتواجهها حتسهل باذن الله


بالنسبة للاعتماد الأمريكي

كليتنا قدمت عليه من كم سنة.. والسنة اللي فاتت وافقوا على الحضور لكليتنا وتقييم وضعها.. ومن بعدها يقرروا هل تستحق الاعتماد ام لا

والنتيجة ممكن تكون شيئين..
يا انهم يرفضوا تماما الكلية وانها ما توافق معاييرهم ابدا
أو
انهم يعطونا فرصة ثانية عشان نطور أكثر ومن بعدها يقيموا من جديد وممكن نحصل على الاعتماد

علما بأن الاعتماد الأمريكي من أصعب الاعتمادات حصولا عليها بالعالم.. ونادرا ما تلاقي كلية تحصل عليها من أول مره !

وباذن الله احنا قدها ونقدر نطوّر بالكلية ونحصل على الاعتماد الامريكي
وبكده نكون أول كلية بالشرق الأسط تحصل عليها

وعلى فكرة كليتنا عندها الاعتماد الاوروبي واخدناه من كم سنة
وفايدته اننا لما نتخرج من الكلية.. شهادتنا تعتبر كأنها متخرجة من كلية أوروبية وبقوتها

ههههههههههههههههههه دكتوره نانوك صورك تحممممممممسني لدرجه اني نفسي الحين اروح لاب الدينتال واقعد اشتغل ههههههههههه ماشالله تصوريك روعه متحمس لمعمل الفانتووم .. واحد من سنه ثالثه قلي انه يبغالو دقه مررره ودكتور هشام هيخلينا نكتب حرف S ونكتب جمبه حرف s ثاني بفرق واحد مليميتر او نص ! مره صعب ودقيق.. الرسامين واللي يعرفو يرسمو هيستفيدو بالتخصص ونفعهم في رسم الاسنان والكراسات وحتا في الاختبارات .. بس للاسف انا ماعرف ارسم يمكن في حاجه انا متأمل انها تنفعني بالمستقبل مدري اذا ايوا ولا لا .. انه انا يدي واصابيعي خفيفه واقدر احركها بخفه لانه اللي يلعب عالجيتار والبيانو لازم يعملوه تمارين في البدايه عشان تكون يدو تكون خفيفه ويقدر يحرك اصباعين او 3 او حتى اربعه بنفس الوقت ونفس الاتجاه .. استفدت منها وانا بقلب البودره مع المويا عشان نركب المودل عالارتيكيوليتر كنت بحرك بسررعه واصحابي متفاجئين ههههههههههههههههه عاد إن شاء الله نطلع منها بفايده ثانيه في تخصصي هههههههه شكرا دكتوره عالكلام الحلو والصور .. حمستني

مو دكتور هشام.. د.فاضل أعتقد
هو اللي حيقعد يدقق في كل شي بالمعمل .. وأول تمرين خلالنا نعمله
هو رسم خطوط طولية البُعد بين كل واحدة والثانية 1 ملم \ نص ملم \ ربع ملم

طبعا بالبداية كان مررره صعب ولا نعرف نفرق لكن مع الوقت صار الـ سم بالنسالبنا شي جدااا كبير
واتعودنا على الملم

ومره كويس انك متمرس باستخدام أصابعك
مره حيساعدك في الشغل إن شاء الله
وخليك مستمر على ممارسة هوايتك ولا تتخلى عنها مهما كان

كثيرين للاسف لقلة الوقت وضيقه.. ما صاروا يمارسوا أي شي .. وخلوا الدنيا بس دراسة !
ويقهروني اللي يقولوا بأن "الطب" مقبرة المواهب !

معليش الواحد لما يوفق مابين الاتنين يقدر يعملهم على أكمل وجه

ومن ذوقك أن صوري عجبتك =)

المشاركة الأصلية كتبت بواسطة Glamor Mada اممممممممم وانا كمان هحكيلكم كيف انقبلت بالكلية .. قبل كل شي .. انا ما كان لي ميول لأي تخصص عن الثاني ابدا يعني ما كان في بالي هدف محدد .. بس كانت تجذبني كلمه " دوكتور " فا لما جا وقت ترتيب الرغبات ماعرف ايش احط وكنت جدا محتار .. فا دخلت عالمنتدى هنا وبديت اقرا عن كل تخصص وقضيت اياام وايام وانا اقرا .. ولما عملولنا اليوم الارشادي تخيلو اني اخدت بروشرات عن اغلب التخصصات ما عدا الاسنان ! ما رحت الركن حقهم ! رجعت البيت قعدت اقراهم كلهم وايش الخطه الدراسيه والمواد وتقريبا كونت في بالي الهدف والرغبات بالترتيب ( طب بشري - صيدله - علوم طبيه - هندسه - حاسبات - اسنان ) وانا قاعد ارتب الرغبات ابويا كان جمبي وقلي ها ايش تبي تتخصص ؟ قلتله والله مدري ومن ذا الكلام .. قام قلي ادخل اسنان تخصص حلو ومستقله حلو واريح من البشري .. من يوم قلي هالكلام دخل في بالي الاسنان وقعدت اقرا عنه هنا .. لكن مدري ليش ما فضلته على البشري .. فا رتبت الرغبات ( بشري - اسنان - صيدله - علوم طبيه ) بس الى الان ما حددت قرار نهائي وماني مقتنع .. صليت استخاره .. وفكرت في كلام ابويا مره ثانيه وقلت خلاص لما اصحى بكره احط الاسنان رغبه اولى لاني كنت وقتها عالسرير بنام صحيت اليوم اللي بعده وحطيتها رغبه اولى وخلاص معد فتحت الاودس بعد كذا ابدا .. اصلا انا ما كنت متوقع اني انقبل في الرغبتين الاولى ابدا ابدا ابدا .. لاني كنت رايح جاي عالمستشفى .. وقبل اختبار الكيميا الفاينل بيوم كنت في المستشفى دوبي مسوي عمليه .. بس اصريت اني اخرج عشان اختبر وما اعيد ترم كامل .. طبعا اختبرت وانا مني مذاكر ولا كلمه وكنت رح ارسب اصلا جبت درجه جدا سيئة بس الحمدلله نجحت فيها .. لكن كنت فاقد الامل اني انقبل في الاسنان او البشري .. ما علينا المهم .. ليله نتايج التسكين كانت ليله مرررره مميزه وحلوه وكنت مره فرحان يومتها صارتلي حاجات حلوه .. رحت اتفرج الفاينل حق كأس العالم بين اسبانيا وهولندا تقريبا الساعه 9 بالليل برا البيت عشان احس بحماس اكثر.. وطبعا انا كان قلبي مع اسبانيا وابغاهم يفوزو.. لانها بلدي الثاني عشت فيها 4 سنين وشويا فا المهم لما فازو مررررررررررررره انبسطت وقعدت اكلم اصحابي في اسبانيا ومبسوطين اكثثر شي ههههههه .. واصلا قبلها جاتني اخبار حلوه فا كنت مبسوط من اول وبفوز اسبانيا اكتملت الفرحه .. رجعت البيت تقريبا على 12 قعدت اححتفل مع اصحابي الاسبانيين عالفيسبوك مع انه نتايج التسكين صارلها تقريبا اكثر من 3 ساعات طالعه .. بعدها فتحت المنتدى لقيت الجماعه كلهم غيرو تخصصاتهم اللي في البيانات من تحضيري لتخصصهم الجديد .. وشوفت التواقيع والمواضيع واللي مبسوط واللي زعلان.. علطووول جري عالاودس فتحتو لقيت مكتوب طب اسنان (خطه جديده) .. ولما رحت ايقونه نتيجه فرز السنة التحضيريه .. اتفاجئت اني انقبلت رغبه ثانيه ! مع اني حطيت الاسنان رغبه اولى .. بس بعدين اكتشفت انه لما انا حطيت الاسنان رغبه اولى كان يومتها ترتيب الرغبات قفل وماكنت ادري فا اللي اتخزن رغبه اولى هوا الطب البشري .. فا شوف سبحان الله كيف ربي خلاني ادخل الاسنان مع انه البشري كانت محطوطه رغبه اولى واللي فصل بينها وبين الاسنان اقل من نص نسبه .. الشعور اللي جاني انه انبسطت اتقبلت اللي كنت ابغاه لكن كنت زعلان اني ما انقبلت رغبه اولى ههههههه مع اني ما كنت ناويها .. بس عشان حسيت اني خسرت التحدي وما انقبلت رغبه اولى ! هههههههه فا علطول رحت قلت لابويا انقبلت اسنان قام باركلي وحضني .. اول مره فحياتو يحضني وصار يناديني دكتور من ساعتها هوا واخواتي .. والحين الحمدلله بديت احب تخصصي واحمد ربي اني اخترته بعد ماكان اخر شي افكر فيه

مادا ممكن طلب ...
بلاش تكتب كتيييير .. لأني حقعد أكتب واتكلم معاك كتييير وما حنخلص للفجر :p
زي ما انت شايف :p
ههههههههه امزح
بالعكس ماشالله عليك بتذكر كل التفاصيييل و بتسردها لينا بطريقة مشوقة

وماشالله سارد قصة حياتك هنا ومليانة اكشنات كمان :p

الحمدلله على الخيره اللي اختارها لك ربنا .. وباذن الله تحقق أعلى الطموحات
و ترفع راس والدك يارب

[Dr~NanoOok]

المشاركة الأصلية كتبت بواسطة Kaira ياااانآآآآآآسو عليكي د.نانوكـ ماشاالله تبارك الله دااااااايما تسحرينا أكتر وتجذبينا أكتر وتحببينا أكتر لعالم طب الأسنان من مواضيعك وردودك ووحتى مناقاشاتك معانا =) حتى طريقة تصويرك وعرضك للصور خيااااال مرة حلوة ماشاالله وكمان إبداعك في منثوراتك الأدبية >>> والله لو أقعد أليييين 100 سنة ما أقدر أوفي حقك والله .. أنا والله أرشحك لجائزة نوبل على إلي تعمليه معانا بصراحة يا عسل ^__^ من جد ماشاالله عليكي الله يحميكي لأنك فخر كبيييييييير للكلية حقتنا أنا بصراحة أحترمك مرررة كتير وأشوفك قدوتي في عالم طب الأسنان كلو

:$ :$ :$

كاااااايرا بالله ايش أرد وايش أقول بعد كلامك دا ؟!
احرجتــيـــــــــــــــني والله :$

من ذوقك الحلو يا الذوق انتِ .. وتسلميلي والله على الكلام الرائع! يااااااااااااااااارب يقدرني إني أكون على قد الكلام دا وعلى قد الثقة

فعلا مادري ايش اقول.. ربي يسعدك دنيا وآخرة

عارفة بصراحة طفشت من الاجازة خلااااص أبا الجامعة تبدأ عشان أبغا أشتغل في المعمل حقنا >> والله وحشني مررررررررة ووحشتني أيامو والكراسي حقتو والأصوات إلي كإننا في معمل حق نجارة بس من جد والله شي حلو وكمان معمل الفانتوم دا مررررررة متشوقة أدخلو وأبدأ أول خطواتي على أول راس فيلو ههههه الكلية كلها وحشتني بصراحة

هههههههههههههه نفس الشعور والله
أبغى الاجازة تخلص وأرجع للجامعة.. من جد اشتقتلها
بالرغم من قولهم أن سنة خامس قمة الانشغال والبهدلة.. لكن على قلبي زي العسل
أمتع شي لما تمارسي شي تحبيه ..
وباذن الله حتستمعي أكثر شي بالعملي بسنة ثالث وحتحبي الأسنان أكتر وأكتر

الفيديو كان حلو بس خوفني شوية من مسألة الــ patients مو فاهمة يعني هل الكلية راح توفرلنا مرضى ولا لسع ما طبقوا دا النظام ؟؟ لأني مو عارفة من فين أجيب مرضى ودا الشي أكتر شي مخوفني مرررررررررررررة وفي عندي سؤال مثلا لو جاني مريض وعندو حالة بس حاجة لسع ما درسناها كيف أسوي ؟؟ لأني من جد مسألة المرضى مررررة مو فاهمة ولا شي فيها وأبغا أعرف كل شي يريحني نفسيا

النظام القديم كان يعتمد على الطلبة اعتماد كلي في توفير المرضى.. الكلية تحاول توفر أسماء مرضى من عندها وحالات
لكن متابعة المرضى ومواعيدهم والتأكد انهم حيجوا الموعد كانت مسؤلية الطلبة

لكن من السنة اللي فاتت طبقوا النظام الجديد وصاروا يعتمدوا على الكلية في تأكيد المواعيد وتوفير المرضى
لكن المشكلة من المرضى انهم بيأكدوا الحضور لكن ما يجوا !

أو بعض الأخطاء من السيستم وما تترسل الرسايل ولا يقدروا يوصلوا للمرضى
ويضيع علينا سيشن كامل بهذا السبب

لكن ربنا كريم.. وباذن الله تنحل المشكلة بأسرع وقت
وللاسف المرضى هي المشكلة الأزلية في جميع كليات طب الأسنان بكل العالم !
فلا تحبطوا من حال كلتيتنا وانها الوحيدة مثلا
<< عشان نواسي نفسنا شوية :p

~

وبالنسبة للحالات المتقدمة واللي ما نقدر احنا نعالجها
نحولها إلى طلبة سنة سادس أو الامتياز .. أو للعيادات التخصصية للدكاترة الكبار
فلا تاخدي هم من هذه المسألة.. والدكاترة المشرفين عليكم حيوجهوكم

المشاركة الأصلية كتبت بواسطة Kaira كلام جميل وقمة في الابداع والفن .. مررررررررررة عجبني كلامك واحساسك ومشاعرك وحبك لـ طب الأسنان ^^ من جد ما أمل من قراءة ردودك وكلماتك الحلوة لأنها تحمسني أكتر وأكتر وتحببني أكتر في التخصص وتقنعني أكتر اني ما غلطت لما دخلت دا القسم لأني من جد أفخر بإنسانة ودكتورة متألقة في كل شي =) الله يحمييكي ويحرسك من العين ياااارب ..

ربي يسعدك ويرزقك مع كل حرف أدخل بقلبي الفرحة

بأضعافها فرحة وسعادة.. وأجمل الأجر باذن الله ^________^

[محمد عماد]

ما شاء الله .. د. نانوك دائما موضيعك مفيدة ومحمسة وحتى المناقشات يكون فيها تعاون
ان اقترح على الإدارة انهم يغيرو اسم المنتدى ويسموه منتدى د. نانوك
بصراحة المنتدى بدونك ميت زي منتدى الطب ههههه

كنت اتمنى يكون هذا الموضوع عام مو بس للأسنانيين عشان الكل يشارك فيه

الله يوفقك ويسعدك يا دكتورة ويعطيك على قد نيتك ^ــ^

[Dr~NanoOok]

المشاركة الأصلية كتبت بواسطة Kaira بالنسبة لقصتي أنا يوم أنقبلت كان يوم ما يتنسي بصراحة أبدا أصلا أنا الصراحة الصراحة أي تخصص طبي أو صحي ما كنت أبغا مرة ولا كان في بالي لا طب بشري ولا أسنان ولا صيدلة ولا شي ما كنت عارفة هدفي من الحياة دي كل يوم أبغا تخصص .. مع انو الكل متوقع ومتأمل فية اني أدخل طب بشري والكل يقولي أدخولي طب بشري هوة إلي لايق عليكي لأنك ماشاالله شاطرة وعقلك كبير ومن دا الكلام يعني فوق كدا ماما تبغاني كمان أدخل طب بشري >> تبغاني زيها حتى اختي الكبيرة هلكتني كل شوية تقولي أدخولي طب يعني طب وبشري بصراحة عشت في رعب وضغط نفسي مررررررررة في السنة التحضيرية لأني كمان دخلتها وحاسة نفسي بدرس وبأتعب نفسي وبأعيد كل شي اخدتو قبل وما أستفيد شي المهم شوية شوية كدا بدأت أتعود على أجواء الجامعة والتحضيري الترم التاني كان حالي الحمدلله أفضل من الترم الأول حتى درجاتي أعلى الحمدلله بكتيييييييير وأحاول أجيب الفل مارك في كل شي ونفسيتي الحمدلله تحسنت كتييير بس ضغوطات ماما وأختي كانت موجودة >__<" المهم قبل لا تنزل التخصصات بكم يوم جلست أفكر مع نفسي وسألت ماما وحدة مرة وهية مآخدتني من الجامعة وقولتلها: ماما خلااااااص قررت أدخل طب أسنان ^_____^ ماما استغربت لأني ما عمري في حياتي فكرت بيلو أو انهم فكروا اني أدخلو أو يجي يخبط على دماغي وكمان لأنو ولا أحد من عيلتنا من جهة ماما دخل طب أسنان كلهم ماشاالله بشري بنات وأولاد خالاتي وخالي =) >>> يعني أنا جاية كدا بالغلط مررررررة بالنسبة لهم أهاهاهاهاهاهاهاها قالتلي الأسنان يبغالو معدل عالي مرة أكتر من البشري وزي كدا بس لو تبي تدخوليه عادي أهم شي انو طب مو خارج الطب بس تتحملي انك تدروسي 6 أو 7 سنين في فم البني أدم >_< .. قولتلها جزء معين أهون من الجسم كلو قالتلي خلاص زي ما تبغي بس أجتهدي .. ولما جا التسكين حطيتو أول رغبة أسنان والتانية بشري بس مرررررررررررررررة كنت خاااااااااااايفة ما أنقبل أسنان بسبب انو ماشاالله البنات في التحضيري كانو شطااااااااار مررررررة وساعات أرجع البيت أبكي أقول لماما خلااااااص شكلو لا أسنان ولا بشري ولا حتى صيدلة كمان مع انو الحمدلله علاماتي عالية بس كان يتهيألي انو الكل جايب 5 وكلهم راح يدخلو وفوق كدا كمان أختي الله يهديها كل يوم محاضرة وضغوطات علية وبعد ما خلصنا الاختبارات عشت أسابيع رعب وما أنام كتير وقلقاااااااااانة وخالاتي وصحبات ماما يسألو ايش دخلت بنتك ولسع ما نزل التسكين وزواج بنت خالي رحتو وأنا مالي نفس كلو بسبب التسكين إلي جنني مرة المهم يوم التسكين كان مفاجأة بالنسبة لية كنت أتفرج أنيمي ياباني وكنت فاتحة المسن والمنتدى ما سرت أدخولو ولا الأوديس لأنو جاتني حالة يأس وكان يومتها المباراة إلي بين أسبانيا وهولندا ووحدة من صحباتي قاعدة تتفرجها ومتحمسة وفجأة كدا وحدة من صحباتي إلي أعرفها في التحضيري دخلت المسن وقالتلي: هآآآآآ إيش أتخصصتي قولتها وي هوة نزلت التخصصات ووقتها صحبتي التانية تقولي أسباااااانيااا فااااااااااااازت أنا أتشتت معرف أكلم مين ولا مين أسبانيا فازت + التخصصات نزلت 2× 1 حمااااااااااااااااااااااااس أنا على طوووووووووول دخلت الأوديس وعالصفحة الرئيسية ومو قادرة أنزل خااااايفة إني أنقبل طب بشري وأنا خلقة خلاااااص كارهتو وما أحبو ومو داخل مزاجي وكمان لأني صليت الاستخارة كتيييييير في الطب البشري والأسنان وحسيت انو قلبي أرتاح للأسنان أكتر .. المهم نزلت الصفحة على تحت ومااااااااااصدقت عيوني لما شفت مكتوب طب أسنان وفتحت عيوني بأقوى شي عندي بس المشكلة ما قدرت أصرخ عشان أختي كانت نايمة معية في الغرفة أنا مو عارفة ايش أسوي مررررررررررة طرت من الفرحة ورحت لماما صحيتها كمان قلتلها ماما ماما أنا أنقبلت أسناااااااااااااان وبستها على راسها وهية عالسرير بس وقتها بابا وأختي الكبيرة مسافرين برة بس ماما اتصلت عليه وبشرتو وباركلي ومررررة أنبسط بابا وماما قالتلي متأكدة انك أسنان ؟؟ طيب قفلي وأرجعي أفتحي تاني وسويت الي قالتو وقلتلها أطمني يا ماما أنا طب أسنان خلاص الحمدلله وسجدت لله سجود شكر روجعت لصحبتي إلي قالتلي عالتخصصات وبشرتها وكمان صحبتي التانية إلي بشرتني بفوز أسبانيا قلتلها وفرحتلي مرررررررررررررة من جد كانت ليلة مافي زيها وما تتنسي بصراحة حتى تاني يوم ماما كانت في الشغل واتصلت علية قالتلي يا بنتي أتأكدي مرة تانية أفتحي الأوديس وشوفي أهاهاهاهاهاهاهاهاها محد كان مصدق إني فزت الحمدلله بالتحدي إني أنقبلت في أفضل كلية في جامعة الملك عبدالعزيز كلها اللهم لك الحمد والشكر كما ينبغي لجلالك وعظيم سلطانك ^^ وآآآآآسفة على روايتي الطويلة دي

ماشالله قصتك حلوة ومليانه بأشياء محمسة ^_^
وحبيت الاجتهاد اللي فيكِ وما اتأثرتي بآراء غيرك في اختيار التخصص.. أحييك ِ ^^

وباذن الله أشوفك من أفضل الدكاترة.. و تحققي أفضل الانجازات بالأسنان
و تشرفي مامتك وأهلك وكلنا يارب

<< كايرا من انمي death note ؟؟ مدري بس أول شي جا على بالي لما قريت اسمك من السنة اللي فاتت "^^

أنقبلت في أفضل كلية في جامعة الملك عبدالعزيز كلها

الجملة دي بالذات.. خلت أغلب الناس يطلوا فينا بطريقة مو حلوة .. واننا ناس شايفين نفسنا.. ومع نفسنا :p

وفكرة أن الدوافير بزيادة وما همهم غير الدراسة ومو عايشين حياتهم

<< وعلى النظام القديم قبل التحضيري.. والقبول بالجامعة على أساس مجموع الثانوي والقدرات
كنا نتنافس في القبول على مستوى درجات المملكة كلها وأغلب الدفعة من الأوائل على المملكة
لكن طلعوا من أحسن الناس ماشالله بكل شي

لأن الناس مو بمظاهرهم.. بجوهرهم واللي بداخلهم
وفعلا بنات الأسنان.. من أفضل الناس قلبا وقالبا.. وفعلا مافي زيهم !
واللي يعرفهم من داخلهم.. ما يقدر ما يشعر بروعتهم ^_^

ومقولة راااائعة للدكتور نجيب الزامل.. تعبّر عن المعنى بأفضل شكل

"بالقلبِ يستطيع أن يرى الإنسانُ الأشياءَ بجوهرِها.. وأن جوهرَ الأشياءِ غالباً ما تتوارى عن العين"

[Dr~NanoOok]

المشاركة الأصلية كتبت بواسطة hadeel a معلي عندي طلب و ياريت كلكم تردو عليه قد اي تاخدو عملي في سنه تانيه ومعلي تحكونا عن تجاربكم في سنه تانيه ؟؟

أنا حيكتكم عن تجربتي.. وإن شاء الله البقية يحكونا بالتفصيل عن تجربتهم
وحابة أسمعكم انا كمان =)


وحوضح بشكل عام كده..

العملي في سنة ثانية للأسنان قليل.. بما أنه مادة واحده بس
الترم الأول حتاخدوا wax carving
والترم الثاني waxing up


__________________________________________________ _________

المشاركة الأصلية كتبت بواسطة ريال سعودي ما شاء الله .. د. نانوك دائما موضيعك مفيدة ومحمسة وحتى المناقشات يكون فيها تعاون ان اقترح على الإدارة انهم يغيرو اسم المنتدى ويسموه منتدى د. نانوك بصراحة المنتدى بدونك ميت زي منتدى الطب ههههه كنت اتمنى يكون هذا الموضوع عام مو بس للأسنانيين عشان الكل يشارك فيه الله يوفقك ويسعدك يا دكتورة ويعطيك على قد نيتك ^ــ^

شكرا لك د.محمد وتسلم على الاطراء ^_^

بالعكس المنتدى بأعضاءه الرائعين.. وما أقدر أعمل اي شي بدونكم

خاصة قبل التسكين.. وكل واحد راح منتداه الخاص وانشغل بالدراسة
كان المنتدى كئيييب.. ومهما حاولت أعمل فيه ما كان فيه فايدة "^^
ههههه كانت حجتيني حالة من الموضوع دا :p


و بالعكس.. كان منتدى الطب كثيرين متفاعلين فيه ويردوا كتير
لكن بالاجازة هذه أظنهم ماخدين اجازة :p

لكن تقدر بنفسك تحاول تنشط القسم الفترة هذه وتحمسهم للمشاركة


وطبعا أهلا بالجميع بالموضوع.. وفعلا جابين نسمع تجاربكم و كيف استقبلتوا خبر التسكين وسبب اختياركم الطب البشري

هيا شاركنا وحكينا ^_^

[Dr~NanoOok]

سؤال كده ع الطاير


هل شاركتكم وقلتلكم قصة قبولي وشعوري وقتها ولا لسه ؟؟

<< من كتر الكلام نسيت اذا قلت أو لأ

وصراحة مافيا أعيد وأزيد كلام "وعشان أرحمهم شوية من الكلاااام الكتير حقي" .. وخاصة اليوم ماشالله كسرت الرقم القياسي في الرد على الردود في موضوع واحد !
تقريبا ساعتين قاعدة أقرأ واكتب هنا هههههههههههههههه