كلنا مستائين من الستيب ومركز القياس / اكتبوا كل شئ هنا ... بنرسل لصحيفة سبق ..

[الفيرومارتين]

مشكله مركز القياس واخذ مقلب بمستواء الانجليزي عند الطلاب

[كاكاوو]

اي والله حسبي الله عليهم ونعم الوكيل
نفسي اعرف إلي يكتب الاسئله ايش يحس فيه؟؟؟؟؟؟؟

[أحب المساعدة]

اختبار تعجيزي و هدفه تجاري ( جمع المال فقط )


حسبي الله و نعم الوكيل

[فلزNA]

انا احس ان الكفايات مو بعيد عن ساهر

[دعائي لله وحده]

المشاركة الأصلية كتبت بواسطة فلزna انا احس ان الكفايات مو بعيد عن ساهر

خخخخخخ زي ساهر واسوأ على الاقل ساهر تدفع على غلطه ارتكبتها لكن قياس تخليك تدفع بدون اي غلطه خخخخخخخخ

[روحي عراقيه]

المشاركة الأصلية كتبت بواسطة دعائي لله وحده خخخخخخ زي ساهر واسوأ على الاقل ساهر تدفع على غلطه ارتكبتها لكن قياس تخليك تدفع بدون اي غلطه خخخخخخخخ

ههههههههههه والله جبتوها صــــــــــح

[فلزNA]

اي والله صادقه اختي


/

المهم سبق ماردت ايش الحل ؟ بس قولت لو نكتب موضوع ونرسله على اكثر من صحيفة



فكرت يكون العنوان


( ياقيــــــــــاس نريد الانصاف )



ايش رأيكم

[طموح 2009]

والله انا معاكم انا اشوفه ظلم قهر والله يضيع مجهود السنين كذا
حسبي الله ونعم الوكيل الهدف تجاري فعلا جمع مال فقط ولكن مافية اي فائدة ولاهم يحزنون

[d.rose]

على الرغم من انه هذا الاختبار مو اول مره تقيمه قياس وبتسويه كم مره بالسنة لكنه كالعاده يفتقر للاحترافية.
الليسيننج لو كان الصوت واضح ومافي اي ازعاجات جانبية يعني لو كانت سماعات راس جيده انا متاكده انه الغالبية راح تحل هذا الجزء لانه كان اسهل جزء في الامتحان وحرام انه يضيع
والمشكلة المراقبة تقول مسموع الصوت. صح هو مسموع بس زي المكتوم كانه من تحت المويه بيتكلم قعدت احاول اركز بكل جهدي لدرجة قعدت مغمضة عيني عشان اعصر التركيز عصر. ولو واحده كحت والا عطست انا ايش ذنبي يروح عليا سؤال؟؟ والا قلبت الاوراق كوم تاني تخيلوا لما فوق مئة طالبة في مدرج يقلبوا الصفحة في نفس اللحظة والتسجيل شغال!! ايش تتوقعوا تسمعوا؟؟ طيب انا كيف اسيطر على الظروف المحيطة؟؟ عشان كدا مو عدل الليسيننج مو عدل مو عدل حتى لو كان سؤال واحد مو 35 سؤال!!

آما القدرات فورقة التوقيع كانت ازمة!! جاتني المراقبة في الجزء الكمي اللي انا حايسه فيه وتقول لي عبي الورقة. عبيتها وانا اطالع في الوقت شويه راحت ورجعت تراجع رقم الهويه قالتلي انتي كاتبته في حته غلط وقعدت تشوف الورقة حق الاجابة والهويه وورقة التوقيع واكتشفت اني نقلته لورقة التوقيع غلط نعم غلط بالرغم اني حافظته والبطاقة قدامي نقلت منها. المهم قالتلي عدليه عدلته وبرضه غلط وانا اطالع في الهويه مو مستوعبة ليش الرقم مختلف... من التوتر والله ما عرفت اكتبه وشوفوا كم دقيقة راحت في الجزء الكمي حسبي الله ونعم الوكيل مع العلم كان اول مره اختبر قدرات فالرهبه والخوف كان مسيطر عليا حتى هي بنفسها شافتني قبل الاختبار ارجف وقعدت تهدي فيني.
المهم طبعا لما انزنقت في الوقت قلبت الحل حازي بازي وفكيت نفسي!
اما في اختبار الستيب فجزاها الله خير المراقبة جات وجلست في الكرسي اللي بيني وبين زميلتي واخذت البطاقة وقعدت عبت اسمي والرقم وخلتني بس اوقع ما ضيعت عليا غير ثواني التوقيع وسوت كدا مع الكل. صراحة مره اروق وافضل وماكان في الليسيننج الحمد لله والا كان ضعنا
واللي سوولهم هو في الليسيننج ظلموهم ظلم شديد لا حول ولا قوة الا بالله
لازم قياس يتميزوا بالاحترافيه ويحددوا متى يكون التوقيع وكيفيته ولازم احد من قياس يجي يشوف انه التعليمات بتتنفذ بالحرف والا ما يصير عدل ابدا

معليش طولت عليكم بس طلعت اللي في نفسي

[فاديآ الجهني]

::


مدري يضايقهم ان طموحنا نكمل دراسات عليا ؟

طب رفعتنا من رفعة مجتمعنا ..
ليه كل هالعقبات الي يحطوها ؟

والغريب اني لو بكمل بره ماستر اجراءات البعثه انواع السهاله والتيسر..

مدري يبغونا نخرج برى ويفتكون مننا .. ! : (


::