كلنا مستائين من الستيب ومركز القياس / اكتبوا كل شئ هنا ... بنرسل لصحيفة سبق ..

[فلزNA]

السلام عليكم ورحمة الله وبركاته


أسعد الله صباحكم ومسائكم بالخـير


الكـل مستاااء من هذا الاختبار وطريقته ... ويظهـر لنا ان الهدف استنزاف للطالب وتعقيـــــد لهم



عموما اتمنى كل مين يدخل يكتب كل شئ في خاطره عن هذا الاختبار لأننا ان شاء الله راح نوصل صوتنا لصحيفة سبق





واتمنى من يجيد كتابه مقال باللغة العربية ان يجمع كل مانكتبه ويصيغة باللغة العربية وبالمفردات القوية ووضعه هنا وانا أرسله ان شااااء الله





*الهدف من الموضوع : ان الشكاوي كثرت ولازم نوصل صوتنا .... اما اذا قعدنا نكتب في المنتدى ونقهر نفسنا مارح نستفيد شئ



انا اكـثر شئ قاهرني : لما نكتب تعهد اننا مانقول الاسئلة ... طيب مو حـرام يحملونا اثم ؟! كفايه ان هذا الاختبار تعجيزي وسئ من كل ناحية





انتظركم ....

[كريستاله*]

ملاحظاتي
المفروض يكون الامتحان كمبيوتر ولكل طالبه سماعه خاصه مثل التوفل تماما عالاقل يساعدنا على استيعاب المسموع
المشرفات يهيئو تماما في التعامل مع الاختبار وتعليماته ويلتزمو الهدوء ويتركو التسلط والهمجيه
ورقة التوقيعات الي قاهريني فيها كل امتحان يجيبوها لي بنص الامتحان اوقع واكتب السجل المدني المفروض يحدد لها وقت غير وقت الامتحان لان الامتحان الي فات جابوها لي وقت الليسوننق وضيعو علي اكثر من3محادثات اقولها يابنت الحلال بعدين بعد الليسوننق قالت لا الحين وكأن الشغله عناد
الامتحان لابد ان يعرض على لجنه مختصه من اخصائيين اجتماعيين ونفسسيين لتقدير الوقت الملائم والمناسب ودوره في تشتيت تركيز الطالب وتوافقه مع عدد الاسئله ومراعاة ان اللغة الانجليزيه لاتعامل معاملة اللغه العربيه بالوقت فنحن بالقدرات العامه يادوب يكفينا الوقت واحنا نقرا بسرعه بسرعه لاكن الانجليزي كيف راح نقرا بسرعه ونفهم ونستوعب في لغه ماهي لغتنا اساسا والله اكبر دافور انجليزي لو يعطونه الامتحان بالعربي ماراح يجتازه
ان يعطونا قواعد واساسيات نذاكر ونعتمد عليها مثل اختبارات التوفل مو كذا عشوائي حتى النماذج مو منزلين الا نموذج واحد يفتقر الى الدقه والمصداقيه لانه بصراحه كل مااسأل ايش القواعد الي تجي بستيب يقولولي مايتجاوز الضمائر الازمنه الجمل الشرطيه المبني للمجهول ادوات الربط حروف الجر الكلام المنقول وادخل الامتحان اتفاجأ لابقواعد كثير مختلفه وفعلا اغلبها من الكتاب الاحمر لو نعرف كذا من البدايه كان ذاكرت الكتاب كامل ولاكن ذاكرت منه اشياء بسيطه حسب ماذكروه البنات انه عطوهم بالحكمه بصراحه الامتحان السابق رغم اني ماحليت فيه ززين بحكم انه اول امتحان لي وماعرفت اتصرف بالوقت وانا بطيئه الا اني احسه اسهل من هذا بكثير عالاقل فهمت وانا اقرأ

[I get it]

الليسننق تخيلو قاعه محاضرات كبيره حاطين لنا سماعات قد علبة المناديل ولما قلنا مانسمع قالوا لا بتسمعون ان شاء الله .. والله كلنا حليناه حظ ونصيب ..

غير القياس اللي احياناتجي فيه اسئلة ختيارات اجابتها مكرره والصحيحه مو موجوده خاصة بالجزء الخاص بمهارات التركيز والذكاء..

[توووbearooيتي]

هههههههههههـ ،،، أستغفر الله ،،، والله ومآ ح ـلفتوني إني أكتب آلكلآم

حق الإقرآر وأنـآ أبربر وأهذي عشآن مآ أوع ـى ع ـآلكلآمـ ،،،

سين سؤآل أبغآ جيم ج ـوآب يآهـوهـ يدخل الع ـقـل لو بس نص ملم ،،،

إش آلفآئدة من كتآبة الإقرآر ؟؟؟؟؟؟؟؟؟؟؟؟؟؟!!!!!!!!!!!

الله المستع ـآن .

ع ـلى قول أخ ـويآ أح ـكيه ع ــآلإقرآر يقولي آلذمهـ تنشرى بريآل في دآ آلزمن .

[آمال منتظرة]

والله انا مدري متى نتطور ونسير زي العالم صح يدخلوا الاختبارات ولا عندهم امكانيات يعني المفروض الشغلة مو على الورق على الكمبيوتر واللسنق مو بطريقة الهمجية حقتهم هذه والله الصوت حاد وقوي والله مزعج ومو صافي لو خلوه مسجل احسن من الاب توب الي حاطينه على مكبر الصوت الي يفقع الاذن الريدنق طويل وممل والوقت ما يكفي يعني ما ينفع لا للي لغته قويه انا اجزم انه اكثر الي مسؤولين عن الاختبار ما عندهم ما عند جدتي في اللغة الا من رحم ربي الاختبار بالنسبة للقرمر حلو اللسنق من خلال الخيارات كلماته حلوه بس الصوت مو واضح عشان تلقطي الكلمات .
بس ليت هم من يحط لهم استب والقدرات اتحدى ما يفحطون فيها الا القلة ويجيبوا الانظمة علينا لكن الله يعطيهم على قدر نياتهم.
النقطة الثانية الحين اختبار استب ليه ماله كتب زي التوفل ونماذج زي الناس لكن هذا دليل على فشل من اقترحه وسواه. وقال ايه اقرار ابو الاقرار مدري على ايه .

[fna]

الاختبار صعب جداً ومن اصعب الاختبارات اللي مرت

لدرجة ان فيه ناس يقولون انه اصعب من التوفل لانهم جربوا التوفل


بالنسبه لي اداوم مع امريكان وانقليزتي اوكي واختبرت اختبارات كثير والحمدلله درجاتي تمام واخرها اختبار عندنابالعمل

جبت جيدجدا

بس الاختبار هذا صعب وتعجيزي .



اختبااااااااااااااااااااااااااااااااااار للنسيان

كرهت شي اسمه انقلش مع اني احب اللغه ودراستها !



مالنا الا الله ثم سبق

[صقرربعه]

مساء الخير لجميع أعضاء المنتدى ..بخصوص الموضوع بكل صراحة الجزء الكمي في اختبار القدرات الوقت غير مناسب جدآ المفروض يقللون الأسئلة أو يضاعفون الوقت صراحة قمة القهر أن تكون خريج جامعي وتخصص علمي وفي المسائل الرياضية بسبب ضيق الوقت تحل جزءمن الأسئلة رياضيآوالباقي ضربة حظ أوتخمين كذلك الكفايات التسجيل الصوتي غير واضح وسريع كمية القطع في الريدنق مره كثيرة بكل صراحة كلا الإختبارين لا يقيسان مستواك العلمي ولا المعرفي وإنما قدرتك على التخمين السريع الله يوفق الجميع لما يحبه ويرضاه ويرزقه بالدرجات العالية .

[فلزNA]

بارك الله فيكم على التفاعل سأنتظر حتى المساء وبعد ذلك احاول صياغة الموضوع ان شاء الله - واخد رأيكم في الصياغة

[صديقة نص دافوره]

كل الناس تقول اختبار ستب السنه هذه كان اصعب شي ...شكل وجهي وجه نحس عليكم هههههههههه انا اول مره ادخل الاختبار لو دريت انه بصير صعب كذا ماكان دخلت الاختبار ههههههههههههههههههههههههه

[فلزNA]

لا والله مااشوف كذا انا لكن هيه القطع صعبة في كل اختبااااااااااااار



لا تشبلوا هم ان شاء الله النصر قريب ...