•·.·°¯`·.·• أســنــانــيــات •·.·°¯`·.·•

[Glamor Mada]

هههههههههههه سوري دوبي طليت طله على المشاركتين اللي كتبتهم هنا بهالموضوع واكتشفت اني قلت قصه حيااااتي مشالله عشروميه سطر هههههههههههه.. احس عيونك دوكتوره نانوك صارت كذا اليوم من جد حطمنا كل الارقام القياسيه ك أطول رد في منتدى..وين كتاب جينيس عننا بس هههههههههه
بس ايش اسوي والله ماعرف اختصر .. يالله على ايام المدرسه كنت اسوأ واحد في حصة التعبير بالذات في درس التلخيص >_< يعطينا الاستاذ 15 سطر يقولنا لخصولي هوا .. ارجعلو الدفتر 14 سطر ونص هههههههه

المشاركة الأصلية كتبت بواسطة hadeel a معلي عندي طلب و ياريت كلكم تردو عليه قد اي تاخدو عملي في سنه تانيه ومعلي تحكونا عن تجاربكم في سنه تانيه ؟؟

اممممممممم بحاول اقولك هيا باختصار .. عاد شوفي الاختصار حقي كيف هههههه
اول شي العملي حق الدينتال يوم واحد في الاسبوع و مدته ساعتين.. من 2 الى 4
بالنسبه ينقسم لترمين .. الترم الاول نعمل سنه كامله من الشمع زي موضوع دوكتوره نانوك اللي نزلتو ..
في البدايه اول 3 اسابيع ما قدرنا نشتغل لانه الادوات ما وصلتنا لسه بس كنا ننزل المعمل واتقسمنا 4 قروبات وكل قروب معاه دوكتور او دكتوره.. اول شي وروونا الصور كيف ننحت عالشمع وبعدها ورونا القياسات وعلطول بدات الدكتور تنحت وتشرحلنا واحنا نتفرج طبعا اللي يتفرج هيقول بسيطه وسهله.. واللاب الاول والثاني قعدنا بس نتفرج .. الين جات الادوات في الاسبوع الثالث علطول بدينا نشتغل .. اول ما مسكت الواكس نسيت كل الخطوات هههه وما كنت اعرف كيف امسك السكينه بيدي فا شغلي كان خبيصه.. لكن اول ما عرفت كيف امسكها بديت اتحكم وصارت يدي خفيفه اكثر .. بديت انحت بدون خطوات ههههه جالس اقشر اي كلام وبدون ما استعين بقياسات ولا صور ولا اي شي .. يعني من مخيلتي وطبعا خلص الوقت وانا ما كملتها .. رجعت البيت وكملتها وطلعت شكلها زي الصاروخ ذا

استمريت اتدرب في اللابات اللي بعدها واحيانا وقت البريك .. ولاحظت التحسن وفرق واضح وبديت استخدم النار .. لاني كنت انحت بدون النار عشان كنت اخاف اخربها فا قلت خليني العب عالمضمون ههههه الين جا وقت الاختبار المصيبه .. مصيبه لأنه دكتور هشام جابلنا واكس غير عن الازرق اللي عندنا طبعا لانه اختبار وعشان لحد مننا يجيب سنه قديمه ويسلمها .. فا جبلنا واكس لونو زي لون اللايم بس المشكله الواكس كان جدا جدا سيئ ويتكسر معانا واحنا بننحت ! كان يوم مأسااااوي ومحد قدر يزبط الشغل لانه كنا نوصل لمرحله ونوقف عشان خايفين ينكسر واغلب الاولاد انكسرت عليهم .. الواكس كان غريب ومليان هوا ويفتفت بسرعه .. المهم انا ما قدرت اكمل السنه عشان لا تنكسر.. فا قلت ااحسن شي اسلمها كذا وهيا كبيره ولسه مو مزبوطه عالاقل احسن من انها تنكسر عليا .. فا شوفي كيف طلعت >_<

في النهايه وقت الدرجات اخذت عليه 3 ونص من 5
طبعا العملي حق الترم الاول مقسم قسمين .. يعني نشتغل على سنتين ( السنترال و الكناين )
الكنااين مع انه عند اغلب الاولاد يعتبر اصعب .. بس انا كنت عكسهم وكان بالنسبالي اسهل مدري ليه في الاختبار جبت فيه 4 بس للاسف ما صورته وقتها
في الترم الثاني الشغل يختلف .. اشترينا ارتيكوليتر واعطونا مودل على شكل الفك وركبناه عالارتيكوليتر .. طبعا وقتها حسينا نفسنا سباكين .. وافتكر وانا بركبو وسخت نفسسسي وملابسي ههههههه ووجهي صار ابيض من البودره هههههههههه شكلي كان تحفه .. هتاخدو البودره وتحطو عليها مويا وتلخبطو الين يصير زي الجبس وتركبو المودل في الارتيكوليتر وتستنو الين ينشف ..
المودل اللي على شكل الفك هيكون مكسوره منو سنتين مختلفتين وحده فوق ووحده تحت .. واحنا نحاول نبني السنه بنفس شكلها الاصلي ( بدون الجذر حقها ) بس الكراون .. طبعا كان اصعب من الترم الاول ويبغالو دقه اكثر وبحلقة عيون وصورتها وقت الاختبار

في الاختبار مدري كم جبت لانه ما قالولنا النتيجه .. كانت الدرجات كلها مجموعه مع بعضها ومع اختبار التعريف حق الاسنان .. بالفاينل جابولنا سنتين (اسنان الكبار والصغار ) ويطلبو مننا اننا نكتب اسم كل سنه ( للكبار ولا للاطفال + فوق ولا تحت + اسم السنه نفسها ) بس طبعا لازم نكون عارفين الاسنان كلها مو بس اثنين .. ونكتب الارقام حقتها يعني في اي عمر يبدا تكوينها ؟ ومتى يكتمل الكراون ومتى يكتمل الجذر ومتى تبدا تبان في الفك .. لخخخخخبطه وارقام مرررررره كثيره وحفظها صعب .. ومني فاكرها الحين خلاص نسيتها هههههه

وتوته توته خلصت الحدوته .. الله يعينك وانتي بتقرأي هرررجي كثيييييير داري بس انتي اللي طلبتي انا مالي صلاح ههههههه

[hadeel a]

Glamor Mada:جزاك الله خير و يعطيك الله ألف عافيه ..
من جد أفدتني بردك و أستمعت و أنا بقرأ الموضوع و مرره عجبتني الصور ..
و إن شاء الله كل دفعتنا يشوفو ردك عشان أنا متأكده انهم حيسفيدو منه ..
بس ممكن تكبرالكلام شويه في الردود الجايه و مرره شكرا لك ..

[~RAN~]

Glamor Mada

شكرا يعطيك العافيه يارب
مرره استفدت من شرحك والصور
الله يوفقك
_______________________________________________

مره متحمممممممممممممممممممممسه لقصتك د.نانوك

طولي قد ماتبغي برضو حنقرأها كلها
لانه اسلوبك ماشاءالله مرره يحمس

[amiwa]

Médico Mada
(^^or dentista?)>>>



يعطيك العافية ، ماشاء الله الحكاية مرة حلوة والصور أحلى
الحمدلله فيه شغل في تاني جاه فـ بالي انو كلو نظري.. ><
طيب معليش سؤال صغير على سيرت سنة تانية؟ دحين انا اللي اعرفو انو تالت ضغــــط في المواد والوقت وكلو، بس تاني كيف كانت بالنسبة لمثلا التحضيري؟ ماني عارفة كيف أوضّح سؤالي يعني هل في إمكانية انو الواحد يدخل دورات ويشترك في نشاطات ويمارس هواياتو وكدة؟ ولا مافي وقت؟
شكرا مقدما
.........................................

د.ناااانووك
الله يسعدك كترررررررررررررررري من التفاصيل والله ما نمِل من كلامك ابدا فخوووووودي راحتك واكتبييييييييييي كتير بليييييييييييييز ^_~

[Kaira]

المشاركة الأصلية كتبت بواسطة hadeel a يا ناس قصتك حلوه يا kaira مرره أتحمست معاكي و أنا بقرأها..ماشاء الله عليكي ما صرختي عشان لا تصحي أختك .. أنا بعد ما طلعت نتايج التسكين و قلت لأهلي اللي كانو صاحيين كانت أختي الصغيره نايمه و ما هان عليه أسيبها رحت صحيتها وقلتلها.. على فكره اش معنى اسمك kaira يعني لي معنى معين و لا دلع لاسم ؟ معلي عندي طلب و ياريت كلكم تردو عليه قد اي تاخدو عملي في سنه تانيه ومعلي تحكونا عن تجاربكم في سنه تانيه ؟؟

عيونك الحلوة يا قلبو ..
لا هوة قلبي الي صرخ أنا الحمدلله طبعي شوية هادي وأقدر أمسك نفسي
بس دحين كل ما أفتكر اللحظات قلت في نفسي ليتني صرخت داكا اليوم وإلي يسير يسير

بالنسبة لاسم كايرا كتيييييييييييييييييييير ناس سألوني عنو وايش معناتو
هوة اسم أنا ألفتو بصراحة وهوة النك نيم حقي المشهور في أي منتدى في الحياة أشارك فيلو
تقريبا من أولى متوسط ودا يعتبر النك نيم حقي ^^
هوة غريب شوية حتى انو بعيييييد تماما عن اسمي الحقيقي بس انشاالله يكون حلو ^^"

____________________________

[Kaira]

المشاركة الأصلية كتبت بواسطة amiwa ماااااااااااااااااااا شاءالله تبارك الله !! الله يسعدكم كلكم يااارب وان شاءالله تفضل اللحظات دي مرسوخة فــ ذاكرتكم للأبد !!!!! انا عن نفسي.. ما حظيت بهذه اللحظة الله يسامحهم اهلي وصحباتي خرّبوها عليّا -.- من وقت ما نزلت النسب (عشان الحمدلله كانت نسبتي عآلية ) خلاص اهلي وصحباتي انو صرت دكتورة اسنااااااااااان ويبشّرو الناس ويعّبُّو اللِّستة حقت عيادتي ان شاءالله لا ويبغو يحتفلو بعد !!!! قلتلهم ياهوووو وبعدين معاكم صللو عالنبي أفرضو ما انقبلت؟! فالمهم خلاص عيّشوني الجَوْ ... ولمن نزلت التخصصات ما حسيت بِــ ولاااااااا شي! ما حسيت برعب ولا خوف ولا توتر ولا حماس... الخ , بس انو دخلت اسنان اوكي... طيب.. عادي.. قلت لأهلي.. أحضان ومبروك وكدة... بس .. مافي صرااااخ!! ولا أحد يقللي أرجعي اتأكدي!! , هههههههههههههههههههه والله حكايتي تحزن بالنسبة لحكاويكم هههههههههه وكمان كانو قبلها اعز صحباتي متصلين عليا زعلانين ويبكو ما دخلو التخصص اللي يبغوه.. فيعني النفسية سارت x ما كان عندي أكشن في داكا اليوم ....اااااااخ بس الحمدلله ع كل حال, بس بعدين اختي وصحباتها (my lovely pharma10) سوولي سربرايز بارتي بمناسبة دخولي الاسنان فرجعت اتحمسسسسسسسسسست مررررة وطبعا لمن دخلت المنتدى اتمحست اكتتتتتتتتتتتتتتتتتتتتتتتتتتتر بيكم وبالمواضيع وردودكم ومشاركاتكم وكل شي الله يسعدكم ماي بيج دينت فاميلي ..................................... ايوة صح انا ما كان ف بالي بشري ابداااا لا كنت محتارة ما بين الاسنان والصيدلة, من الاشياء اللي " ما " شجعتني ادخل اسنان, انو اختي السنة اللي فاتت دخلت صيدلة وانا لو ما دخلت معاها ححس شوية اني ضايعة :( لانها اختي! وفرق السن البسيط خلانا متشابهين في اشياء مررررة كتيرة.. كمان.. في ناس عقولهم لسة متخلفة, ع بالهم الطبيب خلاص هوة نمبر 1 , فلو دخلت اسنان راح تبدأ المقارنات.. وراح اكره قراري لو شفت اختي متضايقة.. والله ايام ما انساها كنت احس بشي غريب ماني عارفة كيف أوصفو لأني من جهة كنت أميل للاسنان اكتر بشوية من الصيدلة وكنت صراحة ابغا اجرب شي جديد يكون شي خاص بية اللي هوة الـــ career حقي ومن جهة تانية كنت أقول أختي ..... ياربي ايش اسوي.. ايش اختار.. ما ابغا اكون انانية واختار نفسي ومستقبلي بس سبحان الله هية اختي اكتتتتر وحدة كانت مشجعتني اني ادخل اسنان وكانت بتدفعني في داك الطريق, لانها اختارت تخصصها من حب ورغبة (رغم انو التخصصات كلها ولله الحمد كانت مفتوحة ليها) فكانت تبغاني ادخل التخصص اللي احبه فاستخرت الله , والحمدلله ارتاحت نفسي واستكنّت, وحطيتها الرغبة الاولى والحمدلله ربنا يسرها لية ^^ (استغفر الله ايش بي اتعمقت في الموضوع بدأت أفضفض ) المهم ايش كنت اقول من اول نسيت خلاص كفاية عليا بس من جد مرررررررة شكرا للي كتب حكايتو والله مرررررررررررررة انبسطت وانا بأقرأ الله يسعدكم دنيا واخرة وشكر خاص ليكي د.منار انك اعطيتينا الفرصة في اننا نعَبر, الله يجزاكي خير ويجمعنا كلنا بيكي في أعلى الجِنان ............................ د.كايرا تتفرجي أنمي؟ والله في أشياء أبدا ما نكبر عليها ومنها الأنمي nani anime anata suki the most? <<< خخخخخخخ ام الكلجة

أهاهاهاهاهاهاهاهاهاها يب أتفرج أنيمي ^^
بس دي الاجازة ما تفرجت مرة كتير عشان لا ينخبص مخي زي ما سار الاجازة الي راحت
بعد التحضيري هلكت نفسي أنيمي وحشيت عقلي بأنيميات كتيييير مرة وياباني وسارت لغتي أحسن من الانجلش >> من جد جنان مو بعقلي
بس أول ما رجعنا الجامعة وأستوعبت اني طب أسنان خلاص والكم الهائل من المحاضرات
والمعلومات إلي نآخدها يوميا واني مو قادرة أستوعب شي
تعبت كتييييييير في السمستر الأول عشان أستوعب الوضع إلي أنا فيه دحين واني مو زي في الثانوي
ومو تحضيري وانو كل دي الحاجات والمعلومات جديدة والوقت عندنا زحمة
محاضرة ورى محاضرة من 8 لـــ 4 أو 3

بس مع التعود خلاص بس ماأقولك انو في وقت اني أتفرج أنيمي
بصراحة مو مسألة الوقت بس انو لما تخوشي في دوامة الدراسة والمزاكرة والاختبارات تنسي شي اسمو أنيمي >> ممكن بس أشوفهم في أحلامي بس أهاهاهاهاهاهاهاها

[amiwa]

المشاركة الأصلية كتبت بواسطة hadeel a أمم .. قيد حكتينا كيف حولتي من كليه العلوم الطبيه لكلية طب الاسنان ..بس ما قلتينا التفاصيل و اش حسيتي وكده ..

واااااااااااااااه فين دا ما قريييييتو!! (أول مرة أسمع بيه)
د.نانوووووك معليش حنتعبك معانا بس بلييييييز ممكن تحكينا دا المقطع بالتفصيل؟؟
.................................................. ..........

د.كايرا أموووووووووووووووت في الضحكة دي >>> أهاهاهاهاهاهاهاهاها
واللـــــــــــه تجنننننننن أحللللللللللللللى ضحكة مرت عليا لين دحين

[hadeel a]

المشاركة الأصلية كتبت بواسطة amiwa واااااااااااااااه فين دا ما قريييييتو!! (أول مرة أسمع بيه)

اتفضلي يا حلوه ..
http://www.skaau.com/vb/showthread.php?t=225358
في هدا الموضوع في البدايه مكتوبه القصه بالازرق الفاتح ..

[Glamor Mada]

المشاركة الأصلية كتبت بواسطة amiwa Médico Mada (^^or dentista?)>>> يعطيك العافية ، ماشاء الله الحكاية مرة حلوة والصور أحلى الحمدلله فيه شغل في تاني جاه فـ بالي انو كلو نظري.. >< طيب معليش سؤال صغير على سيرت سنة تانية؟ دحين انا اللي اعرفو انو تالت ضغــــط في المواد والوقت وكلو، بس تاني كيف كانت بالنسبة لمثلا التحضيري؟ ماني عارفة كيف أوضّح سؤالي يعني هل في إمكانية انو الواحد يدخل دورات ويشترك في نشاطات ويمارس هواياتو وكدة؟ ولا مافي وقت؟ شكرا مقدما

Dentista
only the arab countries call the dentist a "doctor" and i dunno y
الله يعافيكي ..
امممممم ابدا مافي مقارنه بين التحضيري وسنه ثانيه اسنان .. التحضيري دوامهم اقل وموادهم اسهل ومافي ضغط .. بسنه ثانيه دوامنا كان يخلص 3 او 4 وعبال ما ارجع البيت تكون صارت 5 وعاد اذا كانت عندي مشاوير ماعندي وقت اقضيها غير بعد الدوام فا كثير مرات كنت ارجع البيت 6 و 7 .. هوا مقارنه بالتحضيري ايوا ضغط بس والله يعني تقدري تنسقي وقتك وتمارسي هواياتك وتحضري دورات عادي صحيح انه هالشي رح يقل بشكل ملحوظ بس .. يعني لو قلنا امممم اول ما ترجعي من الدوام لو تعبانه تنامي تصحي تصلي المغرب .. تذاكري شويا وبعدها في وقت للوناسه واللعب انا كنت ما اذاكر في الايام العاديه ما كنت اذاكر غير يوم الربوع اذاكر حق الاسبوع كله >_< اجلس 3 او 4 ساعات اراجعها مراجعه سريعه .. والخميس والجمعه فاضي
وفي ناس ما ينفع معاهم كذا .. لازم يذاكرو كل يوم بيومه .. كل واحد والنظام اللي يريحه بس الحمدلله كان في وقت اننا نمارس هواياتنا ونلعب وننبسط .. بس طبعا قبل الفاينالز بشهر او شهر ونص .. انسو انكم تلعبو رح تقضو الشهر ونص هذي مذاكره وبس
بالمختصر المفيد << خلصنا ههههههه .. اممممم الفتره اللي قبل الميدتيرم تقدرو تلعبو وتنبسطو .. بس من الميدتيرم وبعده حتبدؤو في دوامه الاختبارات >_<

[Razan Kharraz]

تسلمي د.نانوك عالموضوع والله حمستيييييييييني تبدأ السنة هههههه
بنت خالتي خريجة سعود وصراحة وترتني تقول ندمت انها دخلت الأسنان -______-
بس ماما د.أسنان ومرة تقول يحمس وأحلى من البشري
والله أنا أول كنت مرررررة محتارة أدرس بزنس ولا أسنان << فرق شااسع خخخ
ودحين محتااااااارة أدرس أسنان في عبدالعزيز ولا في الشارقة
فحكيني بليييز كيف الكلية ؟ وتعامل الدكاترة ؟
والله كرهت كم شي بعد التحضيري الله لا يعيدها هع