لننتصر على الكيمياء

[υикиσωи]

( 5-6 )


قبل كدا حسبنا ضغط الغاز لما يكون عندنا غاز واحد لحالوو ..
طيب لما يكون عندنا خليط من الغازات في العلبة او القنينة او ايش ما يكون ونبا نحسب ضغطهم ..ايش نعمل ...!!

دالتون الفلة دا جااا وفكالنا الأزمة ...
قال أكيد مجموع ضغط دولي الغازات = ضغط الغاز الاول + ضغط الغاز التاني + ضغط الغاز التالت + .....
P t = P 1 + P2 + P3 + ……etc

طيب عشان نجيب قيمة الضغط للكل غاز على حدة ... حيكون قانونووو ..
مثلا الغاز الاول ...P1= X1 Pt
<<< حيث Pt هوا الضغط الكلي ( يعني مجموع ضغط الغازات ) << Total pressure
أماا بالنسبة لــX1 ... حنجيبها كالتالي ..

X1=n1\nt
حيث n1 عدد مولات الغاز اللي حيدينا هوا ...
و nt حيكون عدد مولات خليط الغازات كلووو ...





طيب نرتب افكارنا ..
اول شي حيكون مدينا اكيد عدد مولات الخليط وعدد مولات كل غاز ع حدة ... والضغط العام لخليط الغازات

فاحنا حنجيب الــmole fraction للغاز اللي نبا نجيب ضغطوو x1 باننا نقسم عدد مولات الغاز اللي نبا نجيب ضغطو ع عدد مولات كل الخليط

كدا سار عندنا الX1 ... نقوم نجيب ضغط الغاز بكل سهولة ..
اننا نضرب الــx1 في ضغط الخليط ...


-----
ازا نبا نجيب ضغط الغاز التاني .. حنسوي نفس الشي ... نجيب الــx2 ...
X2= n2\nt
بعدها ..نطيق عادي ... P2=X2Pt
وكدااا ...الخ

------

طيب في ملاحظة .... ازا مسلا عندنا 4 غازات ... طبعا حيكون لكل واحد من دولي الغازات mole fraction
يعني حيكون عندنا X1 , X2 , X3 , X4 ...
الملاحطة اللي ابا اقولها .انو مجموع دولي الاكسات ... حيكون واحد << انتبهي مو مجموع الضغوط ... قلنا مجموع الــمول فراكشن
يعني بعبارة رياضية ..X1+X2 + X3 + X4 = 1









طيب آخر شي في دا الجزء ... عندنا جهاز يساعدنا في استنتاج ضغط الغاز المحصور فوق الموية ..بمعلومية معرفتنا للضغط الكلي وضغط بخار الموية

اشرحلك هوا ع الماشي .. شفتي انبوبة لاختبار اللي عند اللهب ... هنا حطينا KClO3 على MnO3 وعرضناهم للهب ( حرارة ) فانطلق عندنا غاز الأكسجين .. راح عند الموية وطلعت فقاقيع وطلع فوق ( عند العلبة مدري جزازة ) هناك فوق الموية ... حيكون ضغط الموية ( بخار الماء << يعني في حالتو الغازية ) + ضغط الأوكسجين ...
طيب كيف نطلع ضغط دا الغاز المحصور ... حيستخدمو هنا نفس المعادلة اللي قلنا سابقا ...
Pt = P(O2) + P ( unknown gas)
وبما اننا حنكون عارفين ضغط الغاز الكلي ... وعارفين ضغط الموية ... فخلاص حنطلعو ع طوووول


بكدا خلصنااااااااااااااااااااااا ...

[زهرة الثلج]

الله يوفقك على الشرح

[υикиσωи]

<< بسم الله الكلام اللي كاتتو اللي جوا الاطااار يخرج براا ....!!....s:...:s


أمين يا عسل ... وياكي ..:)

[SoOoMa1990]

بسم الله ..
عندي كدا كم سؤال على السريع ..
دحين في صفحة 380 ..
الرسمة الاولى عندنا حقت H-Be-H ... دحين البريليوم مدارو الاخير اللي هوا 2s2 ممتلئ .. طيب كيف تسوي رابطة تساهمية .. وهيا اصلا مدارها ممتلئ يعني ما تحتاج الكترونات ولا شيء .. اللي فيها كافيها ..

وفي نفس الصفحة .. آخر رسمة .. اللي هوا يقلك انه coordinate covalent bond .. هادي كيف .. يديها الالكترونين اللي عندوو ولا الكترون واحد .. على حسب الكلام انه الاتنين .. بس كيف اتنين وحاطين اشارة سالبة وحدة على الB ... ؟؟

طيب نرجع لصفحة 372 .. دحين اول شيء في الصفحة جالس يقولنا انه مركب الNH3 انه الN حتاخد شحنة -3 عشانها اكتسبت 3 الكترونات .. بس كيف يقول زي كدا والرابطة اللي بينهم مو ايونية .. يعني مفروض ما تنتقل الالكترونات .. مجرد مشاركة .. ؟؟؟

وبالنسبة للفرق بين السالبية الكهربائية لو طلع اكبر من 2 كدا نقول انه الرابطة ايونية ... طيب لو نبغى نعرف انها تساهمية .. لازم الفرق بينهم يكون صفرر ولا كيف .. ؟؟

وآخر شيء بسأل على صفحة 361 .. هادي دحين معانا ولا لا .. انا شايف فيها قانون مدري ايش يبغى في الحياة .. ؟؟
وشكرا مقدما ..

[υикиσωи]

المشاركة الأصلية كتبت بواسطة SoOoMa1990 بسم الله .. عندي كدا كم سؤال على السريع .. دحين في صفحة 380 .. الرسمة الاولى عندنا حقت H-Be-H ... دحين البريليوم مدارو الاخير اللي هوا 2s2 ممتلئ .. طيب كيف تسوي رابطة تساهمية .. وهيا اصلا مدارها ممتلئ يعني ما تحتاج الكترونات ولا شيء .. اللي فيها كافيها ..

خيوو مهووو ممتلأ
من قواعد شكل لويس انو يحقق القاعدة الثماينة ..
انو يحاط بــ8 الكترونات خارجية
ودا محاط بسس بالكترونين

بسس برضو هنا ما يحقق القاعدة الثمانية ..لانو من الحالات الشاذة ...


في عندنا تلاتة حاات شاذة ..
هادي اول حالة منها ... انو يحاط باقل من 8 الكترونات ...
وغالبا ما تكون في عدد من المكربات اللي تكونها عناصر المجموعيتين التانية والتالتة ..
زي داالمثال ...



وتقريبا المركات الشاذة في احالة الاولى عندنا هيا ..
BeH2
BeCl2

AlCl3
BF3

HgCl2

[υикиσωи]

المشاركة الأصلية كتبت بواسطة soooma1990 وفي نفس الصفحة .. آخر رسمة .. اللي هوا يقلك انه coordinate covalent bond .. هادي كيف .. يديها الالكترونين اللي عندوو ولا الكترون واحد .. على حسب الكلام انه الاتنين .. بس كيف اتنين وحاطين اشارة سالبة وحدة على الb ... ؟؟

هادي هيا الرابطة التساهمية التناسقية ..
انو وحدة ذرة تساهم بزوج الكتروني كامل للذرة الأخرى ..
هنا النيتروجين عندها زوج كامل حر .. فأدتوو كلووو للبرون

[υикиσωи]

المشاركة الأصلية كتبت بواسطة soooma1990 بسم الله .. طيب نرجع لصفحة 372 .. دحين اول شيء في الصفحة جالس يقولنا انه مركب الnh3 انه الn حتاخد شحنة -3 عشانها اكتسبت 3 الكترونات .. بس كيف يقول زي كدا والرابطة اللي بينهم مو ايونية .. يعني مفروض ما تنتقل الالكترونات .. مجرد مشاركة .. ؟؟؟

لا ابدااا ما تنقل الكترونااات ...
الشحنة شحنة جزيئية..

[υикиσωи]

المشاركة الأصلية كتبت بواسطة soooma1990 بسم الله .. وبالنسبة للفرق بين السالبية الكهربائية لو طلع اكبر من 2 كدا نقول انه الرابطة ايونية ... طيب لو نبغى نعرف انها تساهمية .. لازم الفرق بينهم يكون صفرر ولا كيف .. ؟؟

ذركرناها قبل كدا ...

ا زا كان الفرق في السالبية أكبر او يساوي الاتنين فانو الرابطة ايونية



وازا كان الفرق في السالبية محصور بين الاتنين والصفر
فالرابطة تساهمية قطبية

أخيرا ... ازا كان الفرق يساوي الصفر ... فان الرابطة تساهمية غير قطبية

[υикиσωи]

المشاركة الأصلية كتبت بواسطة soooma1990 بسم الله .. وآخر شيء بسأل على صفحة 361 .. هادي دحين معانا ولا لا .. انا شايف فيها قانون مدري ايش يبغى في الحياة .. ؟؟ وشكرا مقدما ..

لا مو معانا للأسف ...

[مَـزٍآج ..}..]

الله يوفـق الي يسعى لمسآعدهـ الطلاب ..

وإن شآء الله الكل فل ماركات ..

على فكـره فيـه كلام داخل الاطار فالها بقووهـ
وقاعد يتمشى في الصفحه ههههههههههههه ..


ألف شكـر ،،