احصائية لخطة أ فقط " ايش اصعب مادة في التحضيري "

[بيو كيميائية ^_^]

صدق المادة الصعبة بالنسبة لي بعد مهارات الإتصال
أي مادة حفظ أكرها
أنا عكس العالم المواد اللي الكل يحبها أنا أكرهها واللي الكل يكرهها انا أحبها

[ultraviolet]

و الله يا سوما انت حظك تعبان مع مدرسين الانجلش
ايش نسويلك
بس من ناحيتي
مدرسات الانجلش كانو 5 نجوم جنب باقي المدرسات " الهنود " التعبانين

الحمدللللللللللللللللللللله يا رب لك الحمد كما ينبغي لجلال وجهك و عظيم سلطانك

بس اكييييييد استفدت و لو ذرة
لانو مناهج الانجلش الصراحة مررررررررة مفيدة و جييييدة



و يا هلا بزوزو
وشحتيني يا بت

من زمان عنك... كيفك ؟ إن شاء الله كلو تمام


و اشكر كل من شارك
بالفعل و انا اقرا الردود و الملاحظات باشوف اشياء مرة كتيرة انا كنت اعاني منها

جزاكم الله خير في مشاركتكم البناءة و في انتظار الباقيين

نونة و فنتونة و فنانة و وووووو

فينكم وشحتوووووووووووووووووووووني بالمررررررررررة

تعالو بس صوتو لدا الموضوع و خلاص

خخخخخخخخخخخخخخخخخخخ





دمتم احبائي بكل ود

[بيو كيميائية ^_^]

الحمدلله والله جاتني حالة نفسية قمت أمسك كتاب الإحصاء بس الحمدلله أختي تداركت الموقف وطلعتني السوق
أنت أكثر
كيفك أنت؟
وشحتيني >>ذكرتيني ببنت تقولها كانت معي في السمستر الأول

[ultraviolet]

فين الباقيين

شوفو كيف خطة ب ما شالله متعاونين و بيصوتو و يعطو ارائهم

في انتظار الباقيين

[joojah]

تم التصويت بتردد للــ "فيزيآء"

لأنه كنتــ محتآره بينوه وبين الإحصاء بعدين قلت حرام نضلم الإحصاء بس عشان الفاينل كان صعب

ونجي نجآوبــ الأسئله ..~




1) المنهج : هل هو مناسب ؟ الكمية " المواضيع " مناسبة ؟
المنهج كان سيء جداً وغير مترابط أو منظم
كان ليس بطويل لكنه دسم نوعاً ما
مواضيعوع ممله جداً يعني الفيزياء كان ماده حلوه في الثانوي كان فيه اشياء شيقه
لكن اللي اعطونا اياه يالطيييف مافي اي شي يحمس انك تدرسيه

2) الأساتذه والمحاضرين " شيق - حماسي - تقليدي .." ؟

للأسف كانت اللي تدرسنا حاصله على شهادة الدكتوراه من عين شمس ~> كنت اقلها جامعة قمر الدين
فاهمه الحورمه بس ماتعرف تفهم مرررررره
جايه تقرأ وتأشر بس
والله يعدها استاذة السكاشن معيده لكن مررره طيبه صحيح سريعه في الشرح حقت المسائل
لكن مرره بتفهم اتمنين لو هياا درستنا
عموماً كل معيدات الفيزيا يعرفوا يشرحوا احسن من الدكاتره لو تلاحظوا

4) الاختبارات ( صعبة - سهلة - الاسئلة مناسبة -المدة الزمنية للاختبار - المراقبين - جدول الاختبارات )

اختباراته كانت صعبه جداً .. بصراحه اصعب اختبارات في التحضيري
كونت ادخل واحس الورقه انها طلآآآآآآسم ماأعرف احل ولا شي
أقفل ورقة الأسئله وأمسك ورقة الإجابه واختار على كيفي الحروف اللي تعجبني ~> ده في الكويز الأول
قلت يمكن لأني من بداية الترم ماحضرت غير 3 محاضارات كان ده السبب فبعد الكويز الأول قررت احضر قلت يمكن استفيد
حضرت وكان حضوري بلا جدوى
في الكويز التاني لما زاكرت أكتشفت انه الأسئله فيها نذاله كبيره
يعني يجيبوا رسمه من اكزامبل في الكتاب ويلا اختاري اية رسمه الصح
يعني انا على اي اساس حختار الرسمه بالله اذا ماعندي معلومات معينه عن المسئله !!
يبونا نحفظ فيزيا والا ايه !!
وكانت كلها ملعوب فيها يعني تحرقي مخك عشان تكتشفي الطريقه ونادر مايجي شي مباشر
جدول الإختبارات كان كويس انه كان عندنا يوم فاضي كوويس منهم

5) هل استفدت من هذه السنة ؟ ازا استفدتو " طب ايش استفدتو ؟

أكيــد استفدنـــآ دي سنه من عومرنا راحت مستحيل حتروح كده

انا بصراحه ال مادخلت الجامعه كونت معترضه على السنه التحضيريه

بس كونت مؤمنــه بشي واحــد " انهــآ حتكشف قدراتي "

لأنه كلكم عارفين دراسة الجامعه مو زي دراسة المدرسه وليس بشرط انك كنت متفوق في المدرسه تكون متفوق في الجامعه

فأنا مرره كونت حابه أعرف هل حمشي والا لاء

لأنه كتير كانوا ينتقدوني في المدرسه انوا ماعندي طموح واني بجيب درجات مو عشان طموح ابى احققه بس انه ابان انوا انا الأفضل ~> كنت انقهر مره من ده الكلام

مع انوا كان في افضل مني بس عشانوه قالوا نبى طب صار عندهم طموح ~> كلكم دارين عن حكاية الطب اللي كل البنات يبوا يدخلوه قولنا ليه !!

والله بابا يباني دكتوره والا عشان اخويه دكتور والا عشان اتحديت مدري مين اني اصير دكتوره ~> تخلف ده اسميه مو طموح
ياانت تلاقي نفسك في ده الشي والا مايسموه طموح
صار كل واحد يشوفني يخترلي التخصص اللي يعجبوه حت استاذاتي اللي تقولي اتخلي طب وماتناديني غير دكتوره ~> كل ماتناديني بيها اتمنى ربي ياخد روحها من كتر مااكره دي الكلمه .. استغفر الله هياا كان عن حب لياا مسكينه

بس التحضيري غيرت كل شي فياا من جد لما اقول كل شي يعن كل شي

من طبااع الى سلوكياات الى قدراات الى طموحاات

قالتلي انتي لازم تكوني كده وكده انتي ماتقدري على كده

انا كنت انسانه لعاابه في الدراسه مع اني كنت اجيب درجات ماشاء الل علياا بس التحضيري علمتني ازاكر بإستمتاع

يمكن ده الشي اللي خلاني أعدي الفيزيا على خير

علمتني الصبر قوت شخصيتي ~> شخصيتي كانت قويه بس بلساني الطوويل مو بشي تاني
لكن هياا علمتني القوه في التحمل في التعامل ماصرت اخلي شي ينرفزني ولو اتنرفزت اقدر امسك نفسي
عرفت مواطن قوتي وضعفي دراسياً
المواد اللي انا اكرهها انا شاطره فيها زي الأحياء هوا اعلى درجات عندي فيه مع اني مررررررررره اكرهوه
وهو الوحيد اللي حافظه المصطلحات فيه كويس مع اني مرره احب الكيميا كونت بس مامشيت فيه ~> بس لسه برضوا بحبه

واشياااااااااااااء كتيييييييييييييييير استفدت منها

انا تعبت من كتر مابحكي قصة حياتي

وثااانكس عسوله على الموضوع الحلووو ..~

[$$د.عباادي$$]

تم التصويت

كيمياء


شكرا جزيلا

[ultraviolet]

شكرا حبيبة البي جوجا
ماشالله حطيتي حرك و فرغتيه كلو هنا
شكرا خيو عبادي

ربي يوفقكم اجمعين

و في انتظار الباقيين

[υикиσωи]

انجلش بلا منازع ..

باقي الاسئلة ان شالله ليا رجعة أمخمخ عليها ..