احصائية لخطة أ فقط " ايش اصعب مادة في التحضيري "

[ultraviolet]

صباح الخيرات
و مساء الفلات

كيفكم يا حلوين و حلوات

إن شاء الله كلكم تمام

حبيت اعمل احصائية واضح من عنوانها عن ايش راح تكون
و ذلك لعدة اسباب

اولها عشان السنة اللي بعدنا يستفيدو و يشوفو نقطة الضعف و انتبهو

و تانيا معرفة اراءكم حول اصعب مادة درستوها و الاسباب اللي دعت الى ذلك

فازا اخترتو اصعب مادة

علقوا في الردود عن دي النقاط :

1) المنهج : هل هو مناسب ؟ الكمية " المواضيع " مناسبة ؟
2) المدة الزمنية للخطة الدراسية هل هي كافية ؟
3) الاساتذة و المحاضرين " شيق - حماسي - تقليدي ..."
4) الاختبارات ( صعبة - سهلة - الاسئلة مناسبة -المدة الزمنية للاختبار - المراقبين - جدول الاختبارات )
5) و اخييييييييييييرا
هل استفدت من هذه السنة ؟ ازا استفدتو " طب ايش استفدتو ؟ "


يا حلوين

الرجاء تحري الدقة في الاجابة لان الغرض منه افادة الاخرين لتوخي الحذر

و دمتم سالمين

و اجازة سعيدة

اختكم : ultraviolet

[حور الجـنان]

الاحصاء


) المنهج : هل هو مناسب ؟ لا مو مناسب ابدا الكمية " المواضيع " مناسبة ؟ الكمية: كبيرة جدا جدا والمواضيع متعمقين فيها
2) المدة الزمنية للخطة الدراسية هل هي كافية ؟ لا مو كافية والشاهد المحاضرات الاضافية
3) الاساتذة و المحاضرين " شيق - حماسي - تقليدي ..." لا تعليق
4) الاختبارات ( صعبة جدا - سهلة ابدا - الاسئلة مناسبة سوالين او ثلاثة بس والباقية مالها داعي -المدة الزمنية للاختبار غير كافية - المراقبين سجانين على غفلة - جدول الاختبارات احلى شيء )
5) و اخييييييييييييرا
هل استفدت من هذه السنة ؟ ولا حاجة من ناحية العلع بس اتعرفت عالجامعة واسلوبها الشيق في الدراسة ومدى اهتمامها بنفسية الطالب والطالبة قبل ان تخطو خطوة واحدة


دمتم

[نونـــــا]

تم التصويت

[BяȯỢ ™]

.
.

بـدايـة ؛ تـمّ التصويـت بـ عـُـنـف < مآ تقلـد أحـد ! :p

نـجـي نـجـآوب الأسـئـلـة =)

/

1) المنهج : هل هو مناسب ؟ الكمية " المواضيع " مناسبة ؟

مممم إنتي بتقصدي المآده اللي صوتت لهـآ ولآ الكـل ..؟
عمومـآ حجآوب بإختصـآر ؛

أنـآ صوتت إنـو أصـعـب مـآده الأحيـــآء , مـو القصـد فـ الأسئلـه !
لكـن في بتآع كلـو , نتكلم عن المنهج , المنهج مـريـع جدآ من كثر مآهـوآ محشي !
وأإللهي إلـي يـومـك هـذآ مـو مستوعبـه الكم الهـآئـل إللي دخـلـت معآنآ في إختبآر الفآينل !
شوفي لو إنـو بينكسلو بتآع كويز ون و تو , و يسير الفآينل الجزئية الأخيره ممكن يكون تمآم
غير كدآ دي مآده حفظ ! و أنآ أصعب مآ يوآجهني الحفظ !

2) المدة الزمنية للخطة الدراسية هل هي كافية ؟

نـوووب !
المنهـج أبدآ ملآ كآن يتمآشى مع عدد سآعتو , كآنـو بيدونآ إضآفي بالهبل !
يعني قمـة في التخلف , خلآص عندنآ سآعآت معينه ’ المفروض المنهج ينآسبهآ تمآمآ ..!!!

3) الاساتذة و المحاضرين " شيق - حماسي - تقليدي ..."

ممممم أنآ كل إللي درسـونـي ولله الحمد متميزين فنآنين جدآ ,! :)
بإستثنآء دكتورة الكيمـآء المصريـه تهآني ! أعجب أساسا من كونهآ ضمن الكآدر التعليمي و أفضل عدم التعليق !
بس بعدهـآ سرت أحضر عند المبــــــــــــدعـه إلهـآم بآعيسي ,, بس عمومآ كويسين مآبهم شئ !

4) الاختبارات ( صعبة - سهلة - الاسئلة مناسبة -المدة الزمنية للاختبار - المراقبين - جدول الاختبارات )

ممممم المنهج سهل جدآ " بإستثنآء مآده الأحيآء طبعـآ " .. فـ طبيعي أسألتـو تكـون مقبوله و مآبهآ شئ
بس هوآ أسآسآ من المعدل الطبيعي يكون كم سؤال يبغالو تفكير و ذكـــآء و الشئ دآ لآ بد منـو !
لكن إختبآر الإحصـآء أمس زعلني منو بصرآحه ع آخر الترم خربهـــــآآ
المراقبين قمـــــــــــــــــــــة في التخلف عذرآ يعني .. المفروض يعملو لهم دورآت في فن رقابة الاختبارات خخخخ
بس منجد نآس متخلف إللي متكيه مع الثانية و تفتح علبة الببسي و هرووووج و كل دقيقة تطالع
و تقول ترى انا عندي امكانية اشطب بالاحمر عالورقة ( لا قوية ماشاء الله )
غير كدآ إللي بتجلس مآسكـه الجوآل بإذنهـآ و تزعج أهلنـآ , ولآ إللي كل شويا تقول باقي نص ساعه باقي ربع ساعه إلخ
خلآص انكتمي المفروض قبل اخر عشر دقايق تنبهي مره وحــــــــده !
ولآ الفوضى اللي بتصير ساعة توزيع الاسئلة و الانسر شيت , شئ فضيع صراحه صراخ و معرف ايه
مافي اي تنظيم !

5) و اخييييييييييييرا
هل استفدت من هذه السنة ؟ ازا استفدتو " طب ايش استفدتو ؟

استفدنآ كثير والله , أول شئ لغتي الإنقليزية اتحسنت كتير الحمدلله
و التحضيري بصرآحـه كآنت تجربة رآئعه رغم مرآرتهـآ , لكن اتعلمنـآ الصبر فيهآ
اتعلمت انو اذا بدأت شئ لازم اكملو للنهآيه عرفت اساسيات النجاح مفاهيم كثيره اتغيرت عندي فيها
اتعرفت ع نآس يجننو أفخر بمعرفتي بيهم , اتعلمت كثير و إللهي
و أنآ دآيمآ أقول احس التحضيري كانت سنتين مو سنة ! من كثرة الاكشن و الاحداث اللي صارت فيها
و عرفت منهآ نقآط تميزني و أخرى نقآط ضعفي ! التحضيري تجربة فعلا استفدت منهـا
و منجد منهآ فهمت اكثر من مقوله , أهمهآ من زرع حصد و من سار على الدرب وصل
أيضآ كنت أطبق مقوله فيهآ إللي هيآ .. لآ تسب الظلام و لكن اشعل لك شمعه تنير دربك !

ولكـن , ودآعـــــــــــــــآ يـ التحضيري بكل مآ كنتي تحملينـه ~!

/

شكرآ خيتو ع طرح المـوضـوع إللي أتمنى مآ ينقلوه !
لأنـو خآص بالتحضيري ~ّ

إحـتـرآمــــــــي‘

..

[ultraviolet]

شكرا لكم " ترانيم القلب و نونا و برو "

و كل وحدة ماشالله عليها كلام خطير

و هادا في النهاية يمثل ارائكم

اشكركم عالمشاركة و التصويت

و في انتظار الباقيين

[روروريتا]

انا صوت للاحصاء .. صراحة المنهج على اساس كان سهل .. والاختبارات كان نفس الشي .. فجأة ايش صار في الفاينال ما احد يدري ...
اول شي كانوا معودينا على اسلوب اسئلة معين وفجأة ايش صار كمان ما احد يدري ...
المدة الزمنية كمان ما كانت تكفي لانه من يوم ما بدأنا دا السمستر ونحن عندنا محاضرات اضافية وكمان في الاختبار المدة ما كانت تكفي لانه مستوى الاسئلة كان فيله لف ودوران مو زي الاختبارات القديمة اللي كنا نخلص فيها بوقت ابكر مع انه كان ساعة ونص ...
الاستاذة كانت عادي اهم شي كانت تفهم الحمدلله ...
الاختبار كان ماله داعي ... وانا خبصت بس الحمدلله ...
وعلى انه السنة دي مفيده ول لا .. انا حسيتها عادي ... ممكن نقول انه بينتلنا كيف الشغل في الجامعة يصير عشان السنوات الجاية ما ادري .. اهم شي خلصنا وإن شاء الله كل واحد يدخل اللي يبغاه

[ايموني]

عشان تحسووووووووووووووون فينا الترم الاول

[wow.]

فيزياء الله يهدي اللي كان السبب
1) المنهج : هل هو مناسب ؟ الكمية " المواضيع " مناسبة ؟
الكميه غير مناسبه ابدا
2) المدة الزمنية للخطة الدراسية هل هي كافية ؟
لا غير كافيه
3) الاساتذة و المحاضرين " شيق - حماسي - تقليدي ..."
والله احسن شي المعيدات السعوديات كانوا روعه شرح وفهم ويدوا بضمير
اما الدكتورات الله يهديهم احضر فقط للحظور
واستاذات الانجليزي لاتعليق
4) الاختبارات ( صعبة - سهلة - الاسئلة مناسبة -المدة الزمنية للاختبار - المراقبين - جدول الاختبارات )
البعض سهل والبعض صعب موووووووووووووت والبعض معقول
المده غير كافيه اطلاقا احيانا الواحد يكون عارف يحل واحتمال يجيب الدرجه كامله لاكن للاسف
الوقت مايساعد والواحد يضطر يختار اي كلام
المراقبين لاحول ولاقوة الا بالله
الجدول عمره ماكان مناسب يعني حنا في جامعه المفروض الاسبوع كله مايتجاوز اختبارين
5) و اخييييييييييييرا
هل استفدت من هذه السنة ؟ ازا استفدتو " طب ايش استفدتو ؟ "
والله ولا شي ايش بالله باستفيد ضغط في ضغط
المفروض المناهج وطريقة الشرح و.................
تكون بطريقه افضل عشان نستفيد مو قص ولصق وهذا اللي حاصل من اول ابتدائي والى مالا نهايه
وهذا الشي اللي يزعل

[Rosha]

انا صوت للكيميا ولو اقدر اصوت مرتين كنت اخترت الفيزيا كمان مااحب دي المواد
مو زي الماث والاحصاء يناسو عليهم << حتنضرب
هوا صح الاحصاء خربوها ع الفاينل بس الحمدلله

بصراحه مني قادره احكم اش اصعب ماده لانو اي شي يتزاكر يسير سهل
بس احنا مو حقين مزاكره و جلسه مزبوطه عل الكتاب P:p;
هيا المشكله في دي السنه انها غير منظمة لانو اول مره يطبقوها

1) المنهج : هل هو مناسب ؟ الكمية " المواضيع " مناسبة ؟
المواضيع اغلبها مكرره من الثانوي بس التاشير اللي ضيعنا ,, بس الاحياء مررره دسم
2) المدة الزمنية للخطة الدراسية هل هي كافية ؟
بعضها كان كويس وبعضها لا زي الاحصاء مثلا كنا بناخد اضافي مره كتير
3) الاساتذة و المحاضرين " شيق - حماسي - تقليدي ..."
الحمدلله الاغلبيه كويسه
4) الاختبارات ( صعبة - سهلة - الاسئلة مناسبة -المدة الزمنية للاختبار - المراقبين - جدول الاختبارات )
ماشي حالها,, بس في استثنائات اكيد زي اول اختبار كيميا واخر اختبار احصاء
5) و اخييييييييييييرا
هل استفدت من هذه السنة ؟ ازا استفدتو " طب ايش استفدتو ؟ "
والله استفدت اشياء كتير زي ماقالت بروو الانجلش مره تحسن و عرفت من جد اش يعني اصرار وعزيمة
وكمان احس عقلي اشتغل من جد
مو زي التانوي الاسئلة كوبي وبيست من الكتاب

[بيو كيميائية ^_^]

الأموات
لا مايكفي
والدكتورة مملة وتجيب النوم وتفرق بين اللي مش من جدة ومن جدة أكرهها وماعندها .......
واللي تراقب ترفع الضغط