مسآعده > أفضل مدآرس أهليه بجده ( ثآنوي )

[Ghada ~]

هاي افري بدي
كيفكم ؟
يآرب كللو منيح خ1
الموهيم ،
ندخل في صلب الموضوع
آبغا مسآعده عن أفضل مدآرس أهليه بجده > ثآنوي < طبعاُ
بس بليز ما تكون في جنوب جده ولا عند المطار القديم وزي كذا في الشمآل تكون
وأهم شئ مآتكون مدرسه معقده ..
و يسآعدو كمان في الأختبارات .. وملزمة مراجعه < زودتها
وبلليز أسسألو وأستفسرو كمان
ويعطيكم ألف عآفيه علاا حسن القراءه والإنصآت خ1
ثآنكيو (f) ~
/

غدو ،

[AM00NA]

نوووور المنتدى ماي سيستر
ان شاءالله الاعضاء الحلوين يفيدونك زي مافاادوني كثييير ...

وانا اللي عندي قلته لكي بس انتي ماتسمعين كلامي

[Eng.SouL]

يا بنتي -----------> إخس يالكبير
إذا كنتِ تبين تنجحين بالدف أو مساعدات في الدرجات وهالأشياء فأنا أقولك من ألحين إنك ما راح تمشي أبداً في الجامعة..
خصوصاً إنك كاتبة في الكلية "الطب" يعني داخلة علمي
والسنة التحضيرية للعلمي هو نفسه تماماً اللي درستيه في الثانوي لكن اللي يختلف إنك في التحضيري بتدرسينه بالإنجليزي
وإذا كنتِ شادة حيلك في الثانوي بتكون السنة التحضيرية عندك جداً سهله بس إنك تراجعين اللي حفظتيه بالإنجليزي
بعكس اللي كانوا يجيبون درجات بالدف أو بالغش.. راح يتعبون في الحفظ والترجمة ..

ونصيحة مهمة جداً جداً.. قوّي نفسك بالإنجليزي قد ما تقدرين عشان ما تندمين مثلنا ألحين ^^"

والله يوفقك يارب،،،

[Ghada ~]

أهللن ، Eng =D
لآلا ابداُ مو هرجة دف أو مسآعده بالعكس ..
أنا في أولى كآنت نسسبتي حمدلله بس اللهم المدرسه ما أرتحتلهاا
وأعرف إنو ياخذون من نسبة المدرسه 50%
والقدرآت 30%
والتحصيلي 20%
بعدين لو دخلت أهلي .. مو سهل والله زي مآتفكرون يعني صح مذاكره بس مو زي الحكومي الكتآب كآمل =(
ولغتي الأنجلش فوق التمام
تسسلم ع الكومنت

[البتول 2010]

نصيحة ادخلي مدرسة حكومية عشان تستفدين
وماتتعبي بالتحضيري
واذا ع انو ذاكري الكتاب كامل ترى افضل من انك تذاكري حرفين
وتجي لتحضيري وتذاكري كتاب من 200 الى 300 صفحة وبالانقلش

[Ghada ~]

أهللن البتول =)
أول شئ تسسملي ع الرد ^^
ثآني شئ بالعكس مو حرفين وربي
مآ سآرات الأهلي زي زمآن
صح إنو فيه نسبة مسآعده .،
بس مو حرفين :)
/
طيب أرتآح في الثآنوي وأخلي التعب للجآمعه :(

^^
يعطيكي العآفيه

[Eng.SouL]

المشاركة الأصلية كتبت بواسطة ghada ~ أهللن البتول =) أول شئ تسسملي ع الرد ^^ ثآني شئ بالعكس مو حرفين وربي مآ سآرات الأهلي زي زمآن صح إنو فيه نسبة مسآعده .، بس مو حرفين :) / طيب أرتآح في الثآنوي وأخلي التعب للجآمعه :( ^^ يعطيكي العآفيه

يا بطلة.. اسمعي نصيحتي
اللي تجيب 100% ولا 80%
كلهم بيدخلون الجامعة سنة تحضيرية إنتظام
يعني مصيرهم واحد.. وكلهم عندهم نفس الفرصة في دخول كلية الطب
لكن التحضيري هو المصير .. المنهج اللي درستيه خلال 3 سنوات راح تاخذينه في ترم واحد
والتحضيري ما يرجعون بيوتهم إلا عالعصرية متى يمديهم يذاكرون ولا ياكلون ولا ينامون

وبعدين ترى مين قالك إن الحكومي الكتاب كله
أنا درست في حكومي كل المدرسين كانوا يلخصون لنا.. وبعضهم يلخصون لدرجة غريبه يعني بس باقي يقولون هذي أسئلة الإختبار !!
الله يجزاهم خير..
بس انتم اهم شي اعرفوا كل مدرّسة ووشلون تتتعاملون معها وراح تلخص لكم وتجيب لكم أسئلة سهله.........

وبالتوفيييق ~~~

[عموريAHLI]

اهلين

مثل ماقالو اللي فوقي لو تدخلي حكومي افضل لك

تفضلي هذه بعض المدارس الاهلية في الشمال :

- مدرسة الشعلة في حي النعيم

- جزيرة العلوم في حي السلامة

- النهي حي السلامة

- البتول في حي البساتين

- نفوذ الجزيرة في حي الزهراء

- دار التربية في المساعدية

بالتوفيق

[Daniaa.]

المشاركة الأصلية كتبت بواسطة eng.soul وبعدين ترى مين قالك إن الحكومي الكتاب كله

انا كنت في حكومي ,, كنا نحفظ الكتاب كللللللو
بس حلو يعني .. تحس نفسك عملت انجاز

طيب أرتآح في الثآنوي وأخلي التعب للجآمعه :(

لا بالعكس .. تتعبي من دحين عشان لمن تدخلي الجامعة ما تنصدمي
اصلا التعب دا اللي تتكلمي عنو,, بس تخصلي السنة و يبدأ الصيف تنسيه ..

[Eng.SouL]

المشاركة الأصلية كتبت بواسطة daniaa. انا كنت في حكومي ,, كنا نحفظ الكتاب كللللللو بس حلو يعني .. تحس نفسك عملت انجاز

المواد العلمية كنا نكتب في الدفتر من السبورة ..
والمواد الأدبية كنا نخطط في الكتاب نهاية كل حصة أو قبل الإختبار النهائي يحط حصة كاملة للتخطيط
وبعض المدرسين يعطوننا ملخص بالأوراق ..

يمكن تفرق مدرسة عن مدرسة.. لكن المدرسة اللي كنت أنا فيها كانت من أفضل المدارس
والطلاب اللي فيها أعتقد إنهم من أفضل طلاب جدة ما شاء الله عليهم - طبعاً أنا أتكلم عن نسبة كبيرة منهم وليس الكل - .. فكنا نضبط المدرسين صح


أنصحك أخت غادة تروحين لثانوية مطورة - بنظام الساعات - أنا درست فيها وكانت ممتازة جداً
تدرسين 6 - 7 مواد في الترم الواحد فقط .. وهي مثل نظام الجامعة تماماً
فإذا تخرجتي منها راح تكونين مؤهله تماااماً على نظام الجامعة وراح تتأقلمين عالجامعة في أول اسبوع بعكس الباقين اللي راح يكون شي جديد عليهم
ومن ميزات النظام هذا إنك انتِ تسوي جدولك بنفسك .. تختاري المدرسة ووقت الحصة والمواد اللي تبين تاخذينها وكل شي.. وبهذي الحالة تقدرين تختارين المدرسات الممتازات، وإذا نزلت مادة فيها مدرسة مو كويسة تقدرين تأجلين المادة للترم اللي بعده وراح تنزل المادة عند مدرسة ثانية
والمدرسة اللي ما ياخذ عندها طالبات كثير راح تنجبر إنها تصير طيبه وتلخص لكم كثير وتساعدكم .. وهالطريقة مجربة وهالنظام ناجح ولله الحمد وكل سنة تزيد المدارس اللي تمشي على هذا النظام وخلال السنوات القادمة مادري متى بالضبط راح يكون هذا النظام في السعودية كلها
وإذا عجبك نظام المدرسة قوليلي وبإذن الله راح أعطيك شرح كامل عنها ..