آلبنت لـآبن آلعـم .. وِ رغبــآت آلكبـآر تصيـــــر

[مربى فراولة]

على آلموعد بلهفة جيــــت لا مانع .. ولا تـأخيــــــر

لفيت من العصر هآيــــم مع إن الموعد المغـــــرب

وجتني بس آنـآ مدري شعرت الجيه هــــذي .. غير
وهي تقرب من عيوني شعرت إن الــمــمـآت أقرب

وقلت : الله يهونها عسى في جيـــــتك .. لي خيـــر
آنـا من شفتك آقبلتي وأنـآ خـآيـــــف ومستغــــــــرب

على كثر الحكي مدري كــــــأنه خـآنها التعبيـــــــــر
قالت لي جمل وأشيــــــاء لا تكــــتب ولا تعـــــــرب

هدت فجأة تطالعني وآنـا في حاجــــــة التفسيـــــــر
لأجل نحكي بهدوء أكثر سألت الحلوة : وش تشرب ؟
فصـــــــاحت بي ( آنـا أحبك ) ولك في هالحشا تقدير
وتــــدري إن المثـــــــل فينا وفـي إحساسنا يضرب

صحيح إنك وفـي .. وإنك برئ من تهمة التقصيــر
ولكن ذي عــوايدهم من آيــــام وزمــــن يثـــــــرب

تكون البنت لإبن العم .. ورغبــات الكبـار تصيـــــر
وتدري الأقربون أولى مع إنك للخفوق أقـــــــرب

وتدري للقـــدر كلمـة لعــــادات الأهـــــل تـأثــــــــــير
لذا أرجوك تتركنــي وأنــا من دنيـــــتك بــ أهــــــرب

شعرت بحكيها كنه قصـــــاص وأمـــــــر بالتعزير
شعرت الدنيا ضاقت بي من المشــرق إلى المغـرب

مشت خلت وراها طفل مـآ يــدرك وش التدبيــــــر
يحسب إن الغرام أشعار شاعـــر وأغنية مطــــرب

ضحكت وما قدرت إني آلاقي لضحكتـــــي تبرير
من اللي بوقتنا مرة ضحك من لدغة العقـــــرب

رفضت أستوعب اللي صار ولا إستسلمت للتغيير
ثمان سنين أجي نفس المكان بحزة المغــــــرب

برغم إن الثمان سنيـــن جرح .. وكلفتني كثيـــر
أنا لليوم أجي وادعــي .. تجي يا رب تجي يا رب

منقووول