استفسارات بخصوص دبلوم التربيه الخاصه

[AreEej Al-RoOo7]

السلام عليكم ورحمة الله وبركاته
صبآح / مسآء الخيـر للجميع

انا نآويه ان شاءالله اسجل في دبلوم التربيه الخآصه بس حبيت اسأل وأتـمنى الاقي اجـابه
هل الدبلوم معتمد من التعليم العالي لجامعة الملك عبد العزيز وهل هو معتمد من وزارة الخدمه المدنيه
وهل اذا قدمت ع الديوان بيقبلون شهادة التربيه الخاصه لأني أريد أن استفيد منها في التوظيف
اخاف اقدم وادرس وفي النهايه الشهادة مايتعرفون فيها
والختم ع شهادة الدبلوم هل هو ختم جامعة الملك عبد العزيز او المعهد المهني لأني سمعت انه تآبع للمعهد المهني
وهل تنصحوني اسجل فيه
أكون شآكره لكم

[الهنوف اللي سرت]

نفس السؤال
وهل في امكانيه التسجيل الترم الثاني للي فاتهم التسجيل؟؟؟
هل يقبلون اي تخصص بكالوريوس؟ لاان شفت في الموقع قسم رياضيات وللغه عربيه
والديوان طالب اقسام اخرى

[عذوب]

اي نعم معتمد بدليل ان في بنات تعينو مؤخرا بشهاده الدبلوم ..
لكن اولا واخير يرجع على حسب احتياج منطقتك ..
بصراحه هو دراسته ممتعه ويرجع اولا لميولك والحلو لو ربي ماكتب لك التوظيف تقدرين تكملين بعده الماستر ..
اما الختم اكيد يكون من الجامعه مو من المعهد المهني هذا الي اعرفه ..
ان شاء الله اكون افدتك واي سؤال انا حاضره

[عذوب]

المشاركة الأصلية كتبت بواسطة الهنوف اللي سرت نفس السؤال وهل في امكانيه التسجيل الترم الثاني للي فاتهم التسجيل؟؟؟ هل يقبلون اي تخصص بكالوريوس؟ لاان شفت في الموقع قسم رياضيات وللغه عربيه والديوان طالب اقسام اخرى

مااتوقع ان في تقديم ترم ثاني بس انتي تابعي الموقع ..
لا مو كل تخصص بكالوريس فقط الي محدده وكل المسارات طالبين (عربي- رياضيات - رياض اطفال - وعلوم على مااعتقد )لكن في مسارات مثل البصري والسمعي والفكري حاطين تخصصات بكالوريس اكثر الزبده الي في ديوان الخدمه صحيح وقبل لاتختارين المسار شوفي تخصصك يقبله او لا ..
بالنسبه لسوالك الي في موضوع تجمع طالبات التربيه الخاصه بجوابه لك هنا مره وحده
التقديم اولا عن طريق النت وطبعنا استماره الترشيح وبعدها رحت الجامعه سلمت اوراقي وتابعت عن طريق النت اذا قبلوها اولا ..
بعد كذا تحدد موعد الاختبار وعني انا وزميلاتي ذاكرنا من موقع اطفال الخليج وفي بنات ذاكرو من كتاب مقدمه في التربيه الخاصه ..
الاسئله شامله لكل الاعاقات كلها اختياري اعتقد انها مائه سوال وفيها اسئله ذكاء يعني يبي لها شويه تفكير ..بس عامه الاسئله كانت حلوه وسلسه ..
بعدها صار فرز للطالبات على حسب درجات الاختبار فقط يعني مافي مفاضله على التقدير او دورات ..فقط على درجات الاختبار..
واخر شي المقابله الشخصيه الهدف منها معرفه كيف اسلوبك ولباقه كلامك وثقتك بنفسك يسالونك ليه اخترتي التخصص هذا وايش قريتي وبعضها اسئله استفزازيه الغرض منها يشوفون ثقتك بنفسك وصار استبعاد بعدها لعدد قليل من الطالبات ..
ان شاء الله مااكون نسيت شي والله يوفقك واي سوال انا حاضره دعواتك لي ..

[AreEej Al-RoOo7]

يعطيك العافيه يالغلا ع ردك ماقصرتي
بس انا تخصصي درآسات اسلاميه مدرري اي مجال ممكن اني اتخصص
مع اني ودي اعاقه بصريه او سمعيه ومدرري اذا المنطقه اللي انا موجوده فيها محتآجه هالتخصص او لا (جده) وكيف اعرف التخصصات المحتاجينها
وبالنسبه لإختبار القبول لازم اذاكر ومايحددون من وين او اني اقرا وع حسب الحظ
وكيف اختبارهم آلي ولا مقالي
وبالنسبة لك اختي الهنوف كلمت قسم التربيه الخاصه في الجامعه وقال فيه تسجيل في شهر 3 و4 ان شاءالله
وبداية الدراسه مااعطوني خبر اكيد هي الترم الثاني او السنه اللي بعدها
آسفه اخت عذوب آزعجتك بكثر أسئلتي بس ودي اعرف عن هالقسم لأني مرره ودي فيه والله ييسر يآرب

[AreEej Al-RoOo7]

وبعد ياليت تفيدونا كيف نظام دراسته وهل فيه تطبيق عملي
وهل دراسته سهله
شآكره لكم

[الهنوف اللي سرت]

الاخت: عذوب
والاخت:AreEej Al-RoOo7
ياليت ترسلون لي ايميلااتكم للتواصل حاولت اراسلكم ماعرفت ضروري انتظركم

[AreEej Al-RoOo7]

هلا اختي الهنوف
الرسايل الخاصه مانقدر نرسلها الا بعد 25 مشاركة
اي استفسآر اسألي هنا وانا حآضره

[عذوب]

المشاركة الأصلية كتبت بواسطة areeej al-rooo7 يعطيك العافيه يالغلا ع ردك ماقصرتي بس انا تخصصي درآسات اسلاميه مدرري اي مجال ممكن اني اتخصص مع اني ودي اعاقه بصريه او سمعيه ومدرري اذا المنطقه اللي انا موجوده فيها محتآجه هالتخصص او لا (جده) وكيف اعرف التخصصات المحتاجينها وبالنسبه لإختبار القبول لازم اذاكر ومايحددون من وين او اني اقرا وع حسب الحظ وكيف اختبارهم آلي ولا مقالي وبالنسبة لك اختي الهنوف كلمت قسم التربيه الخاصه في الجامعه وقال فيه تسجيل في شهر 3 و4 ان شاءالله وبداية الدراسه مااعطوني خبر اكيد هي الترم الثاني او السنه اللي بعدها آسفه اخت عذوب آزعجتك بكثر أسئلتي بس ودي اعرف عن هالقسم لأني مرره ودي فيه والله ييسر يآرب

لا أزعاج عزيزتي ولا شي
بما انك دراسات تقدرين تاخذين بصري (وللاسف مافتح في جامعه الملك عبدالعزيزالا مرة وحدة وقفل والىآ الان مافتح ) وسمعي (معلمه دراسات اسلاميه سمعي ) او فكري (لانهم طالبين في ديوان الخدمه اي مؤهل جامعي +دبلوم عالي )
يعني اختاري بين السمعي والفكري ..
اما عن الاحتياج انا مثلك ودي اعرف قبل بدايه الدراسه لاني بحول مساري بس بعض الاخوات قالو لي اتصلي على مكتب الاشراف النسوي يمكن راح يفيدونك وهذا الي بسويه بحاول اخذ رقمهم من السنترال واتصل واشوف ..
اما عن الاختبار لا مايحددون ولاشي بس اسئلتهم ووووووواضحه مره لو قريتي راح تكون عندك خليفه عنها يعني مثلا متلازمه داون اعاقه ( عقليه - سمعيه - بصريه )
احد اسباب التوحد ( عوامل اجتماعيه - وراثيه - لاشي مماسبق )
يعني زي كذا تكون واضحه وتركز على الاشياء الاساسيه واخر عشره اسئله ذكاء
مو مذكرتها زين بس ولايهمك على بدايه الدراسه باخذها من البنات..
الاسئله كلها اختياري..
اما نظام الدراسه 32 ساعه ..السنه الاولىآ دراسته نظري والترم الاخير فيه تطبيق وشوفي الخطه حقته راح تفيدك كثير ..
اما دراسته على ماسمعت من البنات حلوه بس فيها شويات اعمال وبحوث وزيارات ميدانيه يعني في الاخير يرجع على ميولك وحبك للقسم ..
وان شاء الله تبشرينا بقبولك يارب ..

[عذوب]

هنوف ارسلت لك علىآ الخاص