سسسسسسسسؤال : مين رح يفيدني بالزبط

[الرائدة]

مرحبا ..

كيف حالكم كلكم ..؟

انا جا تخصصي اعلام (علما انو ثاني رغبه ) والرغبه الاولى كانت انجليزي

انا ماابغى اعلام ( بس مكره اخاك لابطل )

مين الجهات اللي تقدر تساعدني فتغيير التخصص قبل مابدأ بالدراسه .. يعني احول لـ أنجليزي ,,,

او في حاله انو الامر مرره مستحيل .. اغير الكليه واتوجه لـ إداره واقتصااد

علما انو شروط الانجليزي كانت حبتين صعبه ..
يعني معدل فوق اربعه ونص ودرجات فالسمسترين فوق الـ 95

انا معدلي عالي ويحقق الشرط بس الدرجات لا ..

واذا عندكم اي حلول اخرى الله يعطيكم العافيه اذكروها ..

[مونيا21]

كلمي رئيسه القسم حقت قسم اللغات شوفي ايش تقولك تقبلك ام ترفضك

[أنا وبس]

لا تضيغي وقتك في الانجليزي ترى في ناس دخلته وعشان ماعندها لغه جالسين يشيلوا مواد ونزل معدلهم وانحرموا من المكافأه يعني استخيري اول ولا تتسرعي ...

[الرائدة]

مونيا .. هلا ياقمر ..

احتمال بكره انزل الجامعه واحاول اوصل لها .. شكرا ليك

[الرائدة]

أنا وبس .. ان شاء الله حستخير وربي يكتب مافيه الخير ..

بسألك كيف الإعلام ؟ انا قريت انو ماله ماجستير (لسه مافتحو)
وهل فرصه المعيديه قويه ام ضعيفه لدا القسم واش هيا توجهاتالقسم ؟

شكريات حبوبه

[أنا وبس]

القسم جدا رائع اهم شي الرغبه في البدايه تدرسي اعلام عاام وبعدين في السميستر السادس تحددي المسار

طبعا مسارات الاعلام مختلفه صحافه - علاقات عامه - اذاعه وتي في

بس حاليا مو مفتوح غير مسار الصحافه ويقولوا انه على السنتين الجايه ان شاء الله حيفتح علاقات عامه

من خلال القسم حتكتسبي خبرات صدقيني وتعرفي اشياء مررررره حلوه وغير كدا والاهم انو القسم مو بس دراسه

كمان تطبقي دا الشي يعني الشغل فيلو مرررررررره لو عندك رغبه ادخلي ومحا تندمي صدقيني...

طبعا فرصه الماجستر اللي اعرفه انهم قالوا انها قويه بالذات للدفعه الاولى بس خلي املك بالله كبير وشدي حيلك

ان شاء الله اكون افدتك ..

[الرائدة]

ماقصرتي .. ربي يسعدك كفيتي ووفيتي ...

بس بالاول والاخير اهم شي الرغبة .. انتي كمان اتفقتي معايا فدي النقطه

القسم جميل جدا .. بتمنى لك فيه كل التوفيق

[الرائدة]

للرفع

^
^
^

[[:مريــم:]]

اذا رحتي اليوم لرئيسه القسم وحولتك بالله قولي لي لانه انتي نفس حالتي

[shahoda]

.. أستخيري قبل كل شئ .. يمكن يكون في قبولكـ لهذآ القسم خير ..=)
وإذا حآسه إنه هو بعيد عن رغبتكـ أكيد في تحويل .. يعني مآفي شئ مستحيل
إن شآء الله غير يفيدكـ بخصوص التحويل .. لكن حبيت أذكركـ بالإستخآرهـ ..=)

بالتوفيق لكـ ~~..