سؤال عن العلاج الطبيعي..

[weddah]

ابغى اسأل عن طبيعة عمل العلاج الطبيعي

يعني من الخطه الدراسية والمواد انا فهمت اش دراسته

وكل التخصصات الثانية واضح مجال عملها
بس العلاج الطبيعي ما كان واضح

صارت موقفين هي سبب استفساري

خالتي عندها مشاكل في رجلها وراحت لدكتورة عظام
دكتورة العظام ارسلتها لاخصائية العلاج الطبيعي
اخصائية العلاج الطبيعي حددتلها الجلسات ونوع العلاج
وبس ما عاد شافتها
كل جلسة تروح لفنية العلاج الفلبينية وهي تسوي كل شي
وفي النهاية ترجع لدكتورة العظام

وخالتي نفسها راحت مستشفى ثانية
دكتور العظام نفسه حددلها علاج طبيعي وهو قرر العلاج والجلسات وكل شي
وتروح عند الفنية الفلبينية على طول تسويلها كل شي


يعني لو تكلمونا اكثر عن طبيعة عملهم ودورهم بالضبط
اكون لكم من الشاكرين

واعتذر عن الاطالة

..

[mzat kau]

اهلن حبيبي العلاج الطبيعي
زي ماقلتي انو مسلا بتسوي العلاج الطبيعي علشان يخف الالم او يروح بالاصح يعني تمارين رياضيه طبيعيه تسويلها هيا بالجلسات

او مسلا زي لمن لاعب رياضي يجي الم بالركبه او شي من لعب الكورة يروح يسوي جلسات علاج طبيعي علشان يروح الالم منها ودكتور العظام وظيفتو تشخيص واخصائي العلاج عمل التمارين اللازمه والعلاجات الطبيعيه

كمان تقدري تعالجي الاطفال اللي مايقدرو يمشو تساعديهم يخف الالم ويقدرو يمشو <<< طبعا احساس لايوصف لمن تحسي نتيجه شغلك قدامك


بس هوا زي كدا :) اتمنى اكون قدرت اوصلك المعلومه :)

[mzat kau]

طبعااا العمل اغلبووو فليبينياات علشان كدا في حاجه لاخصائيييين سعوديين :) بس هوا دا واي سوال احنا كلنا حاضرين <<< ربنا يوفقنا ويخصصونا علاج طبيعي << حبييتووو

[weddah]

مره شكرا مزات

طيب يعني اخصائي العلاج الطبيعي هو اللي يحط المريض على الاجهزة ويسويله التمرينات؟؟؟

[mzat kau]

yessss

[قصة غروب]

انا اعتقد ان الاخصاائي تقرييا هو اللي يحط البرناااامج والفني هو اللي يحطه على الجهااااز والحاجاات البسيطه ولو في شئ صعب او خطير اكيد رااح يتدخل الاخصااائي

[weddah]

مادري بس حسيت فجأة ان وظيفة اخصائي العلاج الطبيعي مو واضحة

يعني الاشعة والمختبر والتغذية والتمريض
واضحة شغلاتهم ومعروفين

بس ما قدرت احدد مهمة العلاج الطبيعي

[miss chocolate]

لي رجعة في الرد اعذروني على التاخير في الرد لكل من سال عن التخصص في هذه اليومين
باذن الله في الويد اند اوضحلك

[Under The Sea]

العلاج الطبيعي أحلى شي فيه إعادة التأهيل انا رحت مع أختي العياااادة وهي اخصاااائية مرة ناااااااااااااااايس
يعني تجي الحرمةوتحدد ايش هي المشكلة وتكشف عليها وتعطيها برنامج كامل وتعطيها التمارين وتحدد اي جهاز تقدر تستخدمه بالكهرباء او الماء او غيروه
لأنو في ناس ماتقدري تعطيهم مثلا بالعلاج الكهربائي مثلا للناس الي مركبين حديد في رجلهم أو حتى تقويم الظاهر <<<معلومة من أخوووتي الحبيبة


بس مرة حلووو ترى بالذات لما رحت معاها المرة الي فاتت كانت في حرمة كانت عندها جلطة
وخلوها تمشي شوية شوي مرة العمل إنساني وفيه فخر لا طبيعي انا بصراحة دمعت عيني

[weddah]

يسلموووو اندر ذا سي اعطيتيني دفعة للأمام :)

وانتظر ردك مس شوكلت