ما أعرف اعمل جدول .. ممكن تحلوا مشكلتي ><

[باكوندا]

السلام عليكم ورحمة الله
ـ ـ
يا جماعة أنا من كلية التربيه بجدة .. فرع الفيصلية
ـ ـ
المستوى الثالث
يعني الترم القادم يعتبر الترم الخامس لي
ـ ـ
وبما ان كليتنا الموقرة صار نظامها جامعي
فهذي أول مرة اسوي فيها جدول بنفسي
و أول مرة أضيف و أحذف
ـ ـ
في صفحتي على الـ odus
نزلوا لي جدول اربع مواد 11 ساعه
ـ ـ
فهل لازم ألتزم فيه ؟؟ والا يمديني أغير المواد ؟؟
علما بان الحذف و الاضافه باقي ما نزل عندي
ـ ـ
لكن لما اروح لقائمة الشعب لقيت أكثر الشعب وصل العدد الاقصى و الفعلي فيها لـ 100ولونها أحمر
فهل هذا يعني ان القاعه اكتمل عدد الطالبات فيها ؟؟
كيف يكون اكتمل العدد و تسجيل الجداول ما بدأ والحذف و الاضافه أصلا ما نزل باقي ؟؟
يعني ما في أمل أسجل في وحده من هالشعب ؟؟
ـ ـ
شي ثاني
كيف اعرف كم ماده لازم أدرس ؟؟
وكم ساعه لازم أحضرها ؟؟
وكيف أعرف كمان عدد مواد التخصص و المواد العامة ؟؟
ـ ـ
واذا كان للمادة اللي بأضيفها في جدولي متطلب
لازم أخذ المتطلب أول قبل الماده ؟؟
تكفون اشرحوا لي قبل ما أروح في خرايطها
ـ ـ
انا اللي يقلقني اكتفاء القاعات وتماثل العدد الفعلي مع العدد الاقصى
تكفون ساعدوني