مقابلتي الشخصية على وظيفة فنية معمل كانت اليوم

[رندا البحري]

اليوم كانت مقابلتي الشخصية على وظيفة فنية معمل بنظام الساعات ...والمقابلة كانت مع ثلاثة من الأساتذة: رئيسة قسم الملابس دكتورة إيناس سرور والأستاذة زينب حريري والأستاذة وداد خوج
وكنت مرااا خايفة من المقابلة علشان اول تجربة لي في المقابله..في البداية بدأت رئيسة القسم بشرح لي نظام الساعات إيش هو ووضحتلي إنو مثلا لو اشغلت 10ساعات مثلا لما يجو يحاسبوني...حيحاسبوني على نصف عدد الساعات إلي اشتغلتها يعني 5ساعات وكل ساعة ب100ريال ..ووضحت لي ان الراتب قلييييل جدا ..وانو الراتب ماأخذه كل شهر بل في كل نهاية ترم ...وسألتني هل أنتي موافقة؟؟فوافقت..(مع إنو في قلبي مو موافقة حسيتوا مرا حرااااام)
فبدأت بسؤالي أسئلة واستمرت المقابلة 10دقائق تقريبا.كانت من الأسئلة التي إنسألت فيها:
هل لو جاتك بعثة حتتركي الشغل ولا كيف؟
قلتلها صراحة جاتني بعثة بس ماقدرت أروح لأن ليس لدي محرم ولكن أنا سأقدم الماجستير في هذه الجامعة..
وسألتني وهل أنتي جاهزة للماجستير ؟هل إستعديتي؟
قلتلها نعم دحين أنا بأقدم على التوفل وقاعدة حاليا أدرس الإنجليزي علشان أستعدلوا
سألتني انتي كفنية معمل إيش في أنشطة ممكن تقدميها لهذا القسم؟؟
صراحة شوية تنحت في دا السؤال سكت فترة ثم قلتلها صراحة أنا مافكرت في نشاط معين بس فكرت في وضع دورة إجبارية لتعليم البنات مهام فنية المعمل بحيث مثلا تكون جزء من مادة معينة ويكون عليها درجات..
سألتني وكيف حيكون لدي الدورة وقت محدد...فرضا طالبة كانت لديها محاضرة مثلا؟؟
قلتها نحاول نرتب كدا وقت لهذه الدورة
طب قالتلي كيف تقدري تساعدي في الأنشطة القسم؟؟
قلتلها مثلا...في تنظيم مكان النشاط
سألتني كمان مثلا لو طلبنا تروحي السوق هل ممكن تقدري تروحي مع سيارة وحدة من الأستاذات؟؟
قلتلها لا بسبب أهلي إنهم يمنعوا دا الشي...
سألتني لو مثلا جاتك وحدة من الطالبات وقالتلك أبغاك تلضمي الأوفر وبعدين جاتك أستاذة وتبغى منك طلب هل تبدأي بتلبية طلب الطالبة ولا الأستاذة؟؟
قلتلها الأولية طبعا للطالبة
سألتني طب مثلا لو جاتك طالبة وطلبت تلضم الأوفر..وفي نفس الوقت حل التماس كهربائي في الغرفة؟؟هل حتبدأي بالطالبة ولا بالغرفة إلا فيها مشكلة بالكهربا؟؟
قلتلها طبعا الغرفة لأن خطر
سألتني إذا وحدة من الفنيات تعبت هل تقومي بعملها ؟؟
قلتلها نعم
سألتني إذا في وحدة جاها ظرف صعب كيف ممكن تساعديها؟
جبتلها مثال قلتلها إنو وحدة من صحباتي مرضت فساعدتها في بعض أشغالها
بعدين قالتلي خلاص كدا انتهت المقابلة هل عندك أسلة تبغي تسأليها؟؟
قلتلها نعم كيف حيكون جدول عملي ؟؟
قالتلي سؤال جيد وبدأت تشرحلي كيف حيكون جدول عملي
وسألتها هل ممكن كمان أخذ شهادة خبرة؟
قالتلي نعم وبدأت تشرحلي عن شهادة الخبرة إيش يكتبوا فيها ومن دا الكلام؟؟


وبس قالتلي خلاص الأسبوع الجاي نردلك خبر قبولك؟؟
ياعالم إيش رأيكم إذا انقبلت أكمل ؟؟
أحس مراااا الوظيفة دي هبلة؟؟
وشكلوا مافي تثبيت في الشغل؟؟
إيش رأيكم؟؟
أنا فكرت أشتغل سنة وأترك الشغل علشان أكمل ماجستير أفضلي؟؟
لأن أخاف أي وقت يقولولي مانبغاك؟؟

[عزة نفسي_تكفيني]

يؤيؤيؤيؤيؤ

ليش كذا يعني تنكرفووا وتتعبوا ويعطووكم الرااتب آخر الترم

مررررررررهـ ماالهم دااعي

الرااتب المفروض كل شهر وعلى قد تعبهاااا و10 سااعات يحسبووا النص ليش ان شااءالله..؟؟ بأي منطق

الله يعينكـ يالغلا

اناا اشووف تدخلييها على أقل لمدة سنه عشاان تكسبي شهاادة الخبرهـ <<< هذي اهم شي

وزي مااقلتي بعدهاا خذي المااستر افضل شي ولمن يعلنوا عن وظيفة المعيدهـ قدمي وان شاءالله تكون من نصيبكـ

بالتوفيق لكـ

[never hide]

نفس رأي عزة

لو مو هامك الراتب و الخبرة راح تفيدك توكلي على الله

و لو ما عجبك الشغل قدمي استقالة ..

و بعدبن ليش ان شاء الله دسكاوند في الراتب خير !!!!

[الحربية999]

من جد هذول مررررررررره تعب وكرف وفي الاخير اخر الترم ...

انتي شوفي قدمي على وظيفه المعيده لانهم اعلنو عنها وان شاءالله تنقبلي واذا ماكتب ربنا لكي نصيب فيها خليكي بالاولى ..

الله يوفقك ان شاءالله ويحقق لك اللي تبيه .



كلية الاقتصاد المنزلي بجامعة الملك عبد العزيز تعلن عن وظائف شاغرة للمعيدات
ترغب كلية الاقتصاد المنزلي بجامعة الملك عبد العزيز في شغل عدد من الوظائف للمعيدات المخصصة للعام 1430/1431هـ
وذلك في التخصصات التالية تخصص الاقتصاد المنزلي التربوي وتخصص الإسكان وإدارة المنزل وتخصص دراسات الطفولة وتخصص الملابس والنسيج
وذلك حسب الشروط التالية
1 – أن تكون المتقدمة سعودية الجنسية
2- أن تكون حاصلة على درجة البكالوريوس في التخصصات السابقة من جامعة سعودية أو أي جامعة أخرى معترف بها .
3- أن لا يقل تقديرها في البكالوريوس عن جيد جدا .
4- أن لا يتجاوز عمرها 30 سنة .
5- أن تكون حسنة السيرة والسلوك .
تقدم الطلبات مصحوبة بالأوراق الثبوتية من وثيقة التخرج وكشف درجات معتمد وشهادات الدورات والدبلومات التي اجتازها إن وجدت إلى مكتب وحدة الدراسات العليا بمبنى (43) غرفة رقم (103) العنوان البريدي ص.ب (42807) جدة (21551) البريد الإلكتروني hom.grad@kau.edu.so .
اعتبارا من 23/5/1430هـ وحتى تاريخ 10/6/1430هـ خلال الدوام الرسمي ولا تقبل أي طلبات بعد هذا التاريخ
صرح بذلك الأستاذ الدكتور عبد الله بن عمر بافيل وكيل الجامعة للدراسات العليا والبحث العلمي

~~~~~~~~~~~~~~~~~~~~~~

[رندا البحري]

المشاركة الأصلية كتبت بواسطة الحربية999 من جد هذول مررررررررره تعب وكرف وفي الاخير اخر الترم ... انتي شوفي قدمي على وظيفه المعيده لانهم اعلنو عنها وان شاءالله تنقبلي واذا ماكتب ربنا لكي نصيب فيها خليكي بالاولى .. الله يوفقك ان شاءالله ويحقق لك اللي تبيه . كلية الاقتصاد المنزلي بجامعة الملك عبد العزيز تعلن عن وظائف شاغرة للمعيدات ترغب كلية الاقتصاد المنزلي بجامعة الملك عبد العزيز في شغل عدد من الوظائف للمعيدات المخصصة للعام 1430/1431هـ وذلك في التخصصات التالية تخصص الاقتصاد المنزلي التربوي وتخصص الإسكان وإدارة المنزل وتخصص دراسات الطفولة وتخصص الملابس والنسيج وذلك حسب الشروط التالية 1 – أن تكون المتقدمة سعودية الجنسية 2- أن تكون حاصلة على درجة البكالوريوس في التخصصات السابقة من جامعة سعودية أو أي جامعة أخرى معترف بها . 3- أن لا يقل تقديرها في البكالوريوس عن جيد جدا . 4- أن لا يتجاوز عمرها 30 سنة . 5- أن تكون حسنة السيرة والسلوك . تقدم الطلبات مصحوبة بالأوراق الثبوتية من وثيقة التخرج وكشف درجات معتمد وشهادات الدورات والدبلومات التي اجتازها إن وجدت إلى مكتب وحدة الدراسات العليا بمبنى (43) غرفة رقم (103) العنوان البريدي ص.ب (42807) جدة (21551) البريد الإلكتروني hom.grad@kau.edu.so . اعتبارا من 23/5/1430هـ وحتى تاريخ 10/6/1430هـ خلال الدوام الرسمي ولا تقبل أي طلبات بعد هذا التاريخ صرح بذلك الأستاذ الدكتور عبد الله بن عمر بافيل وكيل الجامعة للدراسات العليا والبحث العلمي ~~~~~~~~~~~~~~~~~~~~~~

حبيبتي دا الموعد قديم وانتهى

[LOOOOLY]

حبيبتي أنا قلتلك عن الي تقربلي واشتغلت بنفس الظام وانه الراتب نهاية كل ترم
بس هيا اشتغلت ترم وبطلت لأنه بصراحه وهيا استاذة حاسب مررررررره انكرفت كيف انتوا ؟؟
عالعموم الله يوفقك بس والله انا عندي تشتغلي فمدارس اهليه براتب افضل
من انك كده تشتغلي ..

[الحربية999]

ايه ادري انو انتهى بس انا حطيتووو لانو في نصهم راحو هذا الاسبوع يقدموعليها

بس الله واعلم شكلو الشغلة (و) ...


ان شاءالله ربي يوفقك وييسر امورك

[رندا البحري]

المشاركة الأصلية كتبت بواسطة الحربية999 ايه ادري انو انتهى بس انا حطيتووو لانو في نصهم راحو هذا الاسبوع يقدموعليها بس الله واعلم شكلو الشغلة (و) ... ان شاءالله ربي يوفقك وييسر امورك

أيوا خلاص من زمان واختارو 2 وأنا عارفة البنات إلي اختاروهم

[فراشه الجامعه]

موفقه اختي

برائي كملي معاهم لين ماتحصلي الاحسن منهم

على الاقل خبرة تاخدي

[النورس الابيض]

بصراحة الوظيفة ماتشجع لكن فرصنا احنا البنات في التوظيف جداً ضعيفة لذا أنصحك بالإستخارة
ويارب يوفقك