ممكن تتفضل تكتب لنا افضل معهد للغة eفي جدة

[gees]

السلام عليكم
الموضوع وبدون مقدمات واضحة من عنوانه
اريد من الكل يكتب لنا عن افضل معهد للغة الانجليزية في جدة (وافضل ان الي يكتب يكون عن تجربة شخصية ) ولامانع من ذكر تجارب الغير
لان بصراحة ارغب في الالتحاق بدورة في اللغة الانجليزية لكن احترت من كثر الدعايات والمعاهد فاحبيت اخذ آرائكم ....

[sofaten]

افضل معهد في جدة المجلس الثقافي البريطاني
BRITISH COUNCIL

http://www.britishcouncil.org/ar/me-...contact-us.htm

والاحسن ابتعدي عن الدايركت انجلشوالمعاهد الصغيرة
بالنسبة للرسوم تحديد المستوى 50
كل مستوى على اخر مرة كان 2100
بس تعليم ممتاز من اهل اللغة جربي روحي لهم وشوفي

[never hide]

http://berlitz-saudi.com/

[sofaten]

المشاركة الأصلية كتبت بواسطة never hide http://berlitz-saudi.com/

معهد راقي وسمعت انو جدا ممتاز

[طالب المزيد]

عفوا .. قبل ما أجاوب

سؤال .. أنت لاي غرض داخله دورة إنجليزي ؟؟

ثقافة عامة .. دراسة .. وظيفة ...... الخ

[LOOOOLY]

بيييييييييرلتز أفضل معهد للغة الأنجليزيه بصراحة أنا جربت بيرلتز واكسفورد ودايركت انجلش
واكتر واحد عجبني بيرلتز ماشاء الله لا يعلى عليه
اذا انتي من الناس الي تبغى تدرس عشان تاخد لغة وتتعلم كلمات وكده يعني محادثة اكتر فأنصحك بمعهد بيرلتز
اما اذا كنتي تبغي قاعدات ودراسة كانك فمدرسـة وأسس وكده فأنصحك بإكسفورد هوا ممتــاز لكن اهتمامهم بالجزء النظري اكتر من المحادثـة ..

والله يوفقك ..

[gees]

المشاركة الأصلية كتبت بواسطة طالب المزيد عفوا .. قبل ما أجاوب سؤال .. أنت لاي غرض داخله دورة إنجليزي ؟؟ ثقافة عامة .. دراسة .. وظيفة ...... الخ

مرحبا
ثقافة ودراسة لانها لغة العصر وضروري جدا الواحد يتعلمها وهذا حلمي من زمـــــــــااااااااااان

واشكر لك مرورك

[gees]

اشكر لكم مروركم جميعا
بالنسبة berlitz هل فية اختبار تحديد مستوى؟
كم رسوم كل مستوى؟

[never hide]

ايوا اختبار تحديد المستوي شفوي مجانا

رسوم الدورات 4500 تقريبا و في الصيف يعملو عروض

و اذا انتقلتي من مستوي لآخر او عندك اخت او اخو في بيرلتز يخضمو لك تقريبا 100 ريال

[طالب المزيد]

هو فعلا معهد بيرلتز .. لان اغلب دراستهم يركزوا علي المحادثة علي حد ما سمعت

أما دايركت إنقليش .. إذا كان تبغي شهادة فقط لان إذا تبغي تستفيدي كثقافة لازم تأخذي أكثر من مستوي عندهم.

ويل استريت .. نظام معمل فقط يعني تجي وتجلسي علي أحد الكومبيوترات وتشغلي الدرس وتستمعي وتتطبقي
(أقول في نفسي إيش الفائدة ما أشتري السيديات من جرير وأدرس في بيتي أحسن)

علي العموم أختي الكريمة .. أي معهد يدرس اللغة الإنجليزية بالمحادثة .. وتكون المحادثة هي طابع الدراسة العام
أنا اشوفه أفضل شي

المحادثة ثم المحادثة .. المهارات الأخرى للإنجليزي تجي بعد ما تتقني المحادثة

وملاحظة أخيره : لازم تتطبقي كل ما تعلمتيه .. وتحاولي تتطوريه بنفسك بعد الدورة يعني
والله أعرف زملائي مدرسين لغة إنجليزية يقولوا نسينا كل شي درسنا في الكلية (ليش ما تتطبيق ومراجعة)

وآسف للإطالة

والله يوفق الجميع