انا جديده وماعرف شي

[تسالي]

السلام عليكم فالبدايه كل عام وانتم بخير
انا منتسبه اول سنه في الجامعه سجلت عن طريق النت وارسلت اوراقي وسددت رسومي وجتني بطاقه الجامعيه عليها صورتي ومعلوماتي وتخصصي رغم اني ماطلبة تخصص لانهم قالوا السنه التحضيريه مافيها تخصص فكتبوا الكليه السنه التحضيريه اداري وانساني
قلت يمكن عشاني علمي
بعدين ارسلوا مع البطاقه اوراق عشان ادخل على الخدمات الالكترونيه واشوف الجدول فلما ابغى كلمة السر يجيني خانة التخصص فأحتار وش اكتب كل مره اكتب لهم شي
وبعدين الحين بدء الفصل الدراسي وما بعد نزل شي في الجول الخاص بي
وبعدين كاتبين الجدول المفروض يكون للسنه التحضيريه اداري وانساني خطه أ وكاتبين لازم اضيف او احدف من يمين الصفحه بس مالقيت شي شسوي احس اني حايسه
بعدين قريت في المنتدى انه في دوره بدت شلون عرفوا ومافيه شي في موقع الجامعه وهل لازم احضرها بليز ساعدوني

[منيرهـ]

اهلين حبيبتي
اول شي مبروك القبول ..
وبنسبه للاداري ولانساني لجميع السنه التحضيريه وبعد السنه التحضيريه يتم اختبيار التخصص
وبنسبه لسنه التحضيريه الجداول تنزل شوي متاخر بس تقدرين تشوفين المقرر عليك من الخطه الدراسيه
وانتي خطه أ وبنسبه لدورات لسه ما بدت اول ما تبداء اكيد ان الطلاب بينزلون مواضيع في المنتدى
وبنسه للحذف والاضافه فقط لما بعد السنه التحضيريه اول سنه اجباري المواد
وبالتوفيق للجميع

[تسالي]

منيره حبيبتي مشكوره بس سؤال الحين خطه أ تدرس في وقت وب في وقت والا وش الفرق

[تسالي]

على فكره بالنسبه للكتب ومن وين نجيبها ابغى ابدى اداكر من الحين .....مجتهده باقي جديده

[عنيد بس عميد]

وإليك الآتي بما إنك منتسبة جديدة :
الدراسة في الجامعة سهلة وأسهل من الثانوي بشرط تشدين حيلك من بداية الدراسة
تعقد الجامعة دورات مهمة وهذه تفيد في معرفة المطلوب والمحذوف والمهم وطريقة وضع الاسئلة ولايلزم حضورها وتجدين تفاصيلها في هذا المنتدى .
لاتستعجلين في شراء الكتب
يوضع الطالب أو الطالبة في خطة اختيارية من قبل الجامعة ولايستطيع تغييرها
يقسم الطلاب إلى خطتين أ ـ ب كل واحد منهم يدرس مواد الخطة المعاكسة في الترم الثاني .
اسئلة الاختبارات عبارة عن اختيار من بين الأقواس وصح وخطأ فقط في جميع المواد
لن تتخصصي حتى تجتازي جميع مواد السنة التحضيرية هذا على كلام عميد القبول والتسجيل ولاأدري هل استجد شيء في الموضوع أم لا .
الاختبارات لأول سنة تكون في المناطق التالية: الرياض ـ الشرقية ـ أبها ـ جدة فقط وبعد السنة الأولى لابد من الحضور لجدة .
كل المعلومات والاسئلة التي تريدين البحث عنها سوف تجدينها في هذا المنتدى .
بإمكانك مراسلة الجامعة عن طريق الخدمات الالكترونية لأي استفسار أو طلب أردتيه .
لاتعتمدين على الملخصات وإنما تكون مجرد مساعد فقط والاعتماد يكون على الكتاب .
أي هدف تنشدينه راح تصلين إليه بالجد والصبر بحول الله .
ختاماً أسأل الله لي ولك وللجميع التوفيق والنجاح
أي سؤوال أنا في الخدمة

[منيرهـ]

المشاركة الأصلية كتبت بواسطة تسالي منيره حبيبتي مشكوره بس سؤال الحين خطه أ تدرس في وقت وب في وقت والا وش الفرق

ابد حبيبتي يدرسون بنفس الوقت واختبارهم بنفس الوقت
و المواد فقط ان اللي يدرس أ في الترم الاول في الترم الثاني يدرس ب يعني فقط تبدل في المواد بين الترمين
وبنسبه للكتب في مكاتب في جده زي خوارزم ترسل لك الكتب واذا تبين تلخيصات

[تسالي]

مشكورالله يجزاك الجنه بس الحين المواد المكتوبه على الموقع حق الجامعه المخصصه لخطه أ هي الي بندرسها يعني في العاده مايغيروا المواد وليش في موقع الخدمات للطلاب لما ادخل جدولي فاضي وسؤال بعد وش الي باقي مطلوب مني بالنسبه للجامعه حضور او اوراق او اي شي معليش اسألتي كثيره بس تحملوني

[ذكريات الأماكن]

المشاركة الأصلية كتبت بواسطة منيرهـ اهلين حبيبتي اول شي مبروك القبول .. وبنسبه للاداري ولانساني لجميع السنه التحضيريه وبعد السنه التحضيريه يتم اختبيار التخصص وبنسبه لسنه التحضيريه الجداول تنزل شوي متاخر بس تقدرين تشوفين المقرر عليك من الخطه الدراسيه وانتي خطه أ وبنسبه لدورات لسه ما بدت اول ما تبداء اكيد ان الطلاب بينزلون مواضيع في المنتدى وبنسه للحذف والاضافه فقط لما بعد السنه التحضيريه اول سنه اجباري المواد وبالتوفيق للجميع

الأخت منيرهـ ماقصرت الله يعطيها ألف عافية وضحت لك كل شي تقريبا ً ,,,
( اختبيار = اختيار)
للتوضيح فقط
ــــــــــــــــــــــــــــــــــــــــــــــــــ ـــــــــــــ
تمنياتي للجميع بالتوفيق والنجاح

[عنيد بس عميد]

المشاركة الأصلية كتبت بواسطة تسالي على فكره بالنسبه للكتب ومن وين نجيبها ابغى ابدى اداكر من الحين .....مجتهده باقي جديده

أول حاجة لاتستعجلين في شراء الكتب ، والكتب إذا كنتي في جدة راح تقدرين تشترينها من المكتبات اللي هناك وإذا كنتي خارج الرياض راح تصلك عن طريق مراسلة المكتبات وتحويل المبلغ لهم ، الموهم انتظري على الأقل إسبوعين احتمال تتغير الكتب مثل ماصار مـعانا العام الماضي ، وفقك الله .

[تسالي]

معليش كمان بسأل الحين الي مستوى ثالث يعني سنه ثاني مزبوط
شلون كانت اول سنه وش الاخطاء الي تبغونا نتجنبها وبالنسبه للمعدل ممكن المنتسب يجيب معدل عالي زي المنتظم