ورطـــــــــه

[bisho]

بسم الله الرحمن الرحيم

يا جماعه الحقوني

انا سويت دوام جدولي 3 ايام في الاسبوع يعني s.m.w

من الساعه 8 الصباح الى 2 الظهر

6 محاضرات ورا بعض

رحت ابغا اعدل الجدول يعني احط 3 مواد في .s.t.

وسويت ورقه واعطيتها المشرفه بس لحد الان جدولي زي ماهوا

تورطت وماني عارفه ايش اسوي

تتوقعون اقدر اغير الجدول ؟

لانو الدرسه حتبدأ السبت اخاف يقولوا قفلنا الشعب ...

الحل ؟؟

[wan]

والله ماعندي علم عن شعب الاقتصاد بس عندنا في اداب اغلب الشعب قفلت

و انا زيك رحت اضفت مواد و الين اليوم مانزلي شي و راحو بنات يضيفو قالو مافي خلاص كل الشعب قفلت

فـ انتي استني ان شاءلله يعملو توسيع شعب او روحي يوم السبت راجعي


و الله يعيننا :(

[بنت الخليج..]

اتلاقين المشرفة اتجمع الورق وماتضيف أول بأول واتخليك إلين ماتقفل الشعبة
وصارت مع صديقتي بكلية الاقتصاد والإدارة، أفضل شي قعدي على رااسها إلين ماتضيفها
تحيااتي،،

[مياسة العود]

شوفي انتي وحظك ارجعي للمشرفه وادخلي في عيونها وقليلها عن جدولك اللي قلتيلها تعدلوو

واذا قالت قفلنا مدري ايه

قوليلها من الاسبوع اللي فات مقدمه الطلب واذا ما نفع

قدر الله وماشاء فعل

أبسطي يختي 3 ايام دوام و4 نووم استغلي اليومين الاوف بدراسة المواد اللي اخذتيها في اليوم اللي قبله

وخميس جمعه تونسي وانبسطي فيهم

[LoOoOoD]

ولا ورطه ولا شي هذا أحلللللى دوااام في الدنيا .. جلست سنتين وانا اسوي جدولي زي كذا أحد وثلاثاء أووف ..بس للأسف هالترم ماضبطت معي ومضطره اداوم كل ايام الأسبوع <<< ماهي متعوده

لا تزعلين نفسك ياعسل لو ما اضافولك لانك مره بتنبسطين بهالدوام ..

بالتوفيق ..

[اكابر]

والله ياقلبي احسه كرف الدوام اللي كدا
وخاصه ايام الاختبارات حيكون ضغط

انتي يوم السبت روحي عند المرشده حقتك واضاربي معاها لانو كل الشعب قفلت مابقى الا كم شعبه انتي المفروض توقفي فوق راسها خليها توسعلك الشعب
روحي عند استاذه عواطف امين واستاذه هيفاء عبد الفتاح
هدول هما المسؤولين عن توسيع الشعب روحي كلميهم وقوليلهم اني اعطيت المرشده الورقه من يوم السبت وماسوتلي شي
وانا عندي ظروف وجدولي مضغوووط مررره

وان شاء الله ربي يسهلها معاك

[هدو]

الله يعينك ما عندي شي افيدك غيرادعو لك

[Jeddah Glamor]

عندي سؤال

ست مواد

يعني تقريبا وصل عدد الساعات 18 ....؟!!




على فكرة جدول سبت واثنين وربوع حلوووو


كان مريح جدا

والاحد والثلاثاء رايح بالنوم


وأسهر اتفرج صدى الملاعب والأفلام بعد 1 بالليل هههههههههههههههه

يعني ما راح يضيفوا لك أكثر

[bisho]

المشاركة الأصلية كتبت بواسطة اكابر والله ياقلبي احسه كرف الدوام اللي كدا وخاصه ايام الاختبارات حيكون ضغط انتي يوم السبت روحي عند المرشده حقتك واضاربي معاها لانو كل الشعب قفلت مابقى الا كم شعبه انتي المفروض توقفي فوق راسها خليها توسعلك الشعب روحي عند استاذه عواطف امين واستاذه هيفاء عبد الفتاح هدول هما المسؤولين عن توسيع الشعب روحي كلميهم وقوليلهم اني اعطيت المرشده الورقه من يوم السبت وماسوتلي شي وانا عندي ظروف وجدولي مضغوووط مررره وان شاء الله ربي يسهلها معاك

مافهمت عليكي شو قصدك ؟؟

يعني ايام الاختبارات حيحطوا لي 6 مواد اختبرهم في اليوم ؟؟

تكفين ردي علي

[bisho]

المشاركة الأصلية كتبت بواسطة jeddah glamor عندي سؤال ست مواد يعني تقريبا وصل عدد الساعات 18 ....؟!! على فكرة جدول سبت واثنين وربوع حلوووو كان مريح جدا والاحد والثلاثاء رايح بالنوم وأسهر اتفرج صدى الملاعب والأفلام بعد 1 بالليل هههههههههههههههه يعني ما راح يضيفوا لك أكثر

ايوه عدد الساعات 18 ساعه