تجمع الراغبين في دراسة ماجستير احياء

[lavita]

السلام عليكم ورحمة الله وبركاته

إن شاء الله أنوي دراسة ماجستير احياء ادعوا يكون من التخصصات المتاحة في الفصل الثاني


وبناء عليه ابغى أبدأ اذاكر بس ايش هيا الكتب اللي اذاكر منها

لاني لاحظت كل بنات جدة (اللي اختبروا الاعادة معانا )عندهم كتاب مهم اظن اسمه علوم الحياة


سؤالي لكم ماهي الكتب اللي راح تذاكروها ؟ يعني القسم يحدد لكم كتب معينة ؟

وماهو نظام اختباراتكم مقالية ؟ موضوعية؟

جزاكم الله خير اكسبوا فيا اجر الله يوفقكم يارب وننجح كلنا ...

[شمس العالم]

وعليكم السلام والرحمة

>>> واخيرا اتفعلت عضويتي

أختي أنا تخصص مايكروبيولوجي
دخلت اختبار الماستر اللي فات .. رغم اني توقعت الاجتياز100% لكن للاسف .. ماعرف ايش السبب ..

::

المهم الله يسهلها وينزل التقديم للفصل الثاني .. مرة كنت متفائلة ..

بس امس اتحطمت شوية .. قالوا غالبا تكون للاداب واقسام محددة كمان يعني ماتشمل كل الاقسام زي الترم الاول ..

::

الاختبار جدا جدا سهل .. عبارة عن اختيار من متعدد .. 80 فقرة ..

طبعا لو ذاكرتي كتابين ( مقدمة علم الحياة ) الجزء الاول والثاني ..ان شاء الله يسهل الاختبار ..

و الاختبار يكون لكل اقسام الاحياء ( مايكرو + حيوان + نبات )

::

و

الله يوفقنا ويفتحها علينا وييسر امورنا

::

[lavita]

اهلا بيكي شمس

والله ماتدري كيف يصححوا انا كمان اتوقعت اني جاوبت في اختبار الاعادة (جامعة ام القرى) ومدري كيف ماطلع

اسمي لدرجة اني شكيت بنفسي قلت يمكن ماظللت الدائرة مضبوط أو يمكن لخبطت في رقم الفقرات

بس عادي ان شاء الله يفتحوا الفصل التاني على حظنا ونقدم ...

انا دوبني ترى افكر في الماجستير سبحان الله حكمل سنتين دحين ولما نويت اسجل في الماستر

لقيت انتهى تقديم جامعة الطائف وجامعة ام القرى وفرحت مرة لما لقيت تقديم في الترم التاني في جامعة الملك

عبد العزيز


المهم فيه تقديم في جامعة الباحة بس مايمديني اروح هناك

شكرا لكي وجزاك الله خير على اسم الكتاب وعلى طريقة الاختبار يعني ان شاء الله سهل مادام اختياري انا على

بالي ارسمي واشرحي وصنفي الحمدلله

يارب توفقنا وتنجحنا في اختبار الماستر ..

[رمرووووم]

هلاااااااااااا..
أنا بإذن الله ناوية ادرس ماجستير بس ماني فاهمة إش قصة الإختبار هذا ؟؟؟؟
يعني لسا التقديم في شهر 11 يعني الإختبار بعد القبول للماجستير ؟؟ أنا تخصصي علم حيوان من كلية التربية ..

[المهندس2008]

بعد التحية
الله يوفقكم جميعا وتفتح جميع التخصصات وتنقبلون ان شاء الله في الماستر هذا الترم ,,,,,,

[lavita]

رمرووووم اهلا بيكي

اسمعي على حسب علمي ان التسجيل يتم عن طريق النت بعدها يحددوا موعد اختبار (في التخصص) عشان

يختاروا من بين المتقدمين اسماء اللي اجتازوا الاختبار ويعتبروا مقبولين مبدئياً بعدها يحددوا موعد المقابلة

الشخصية عشان يختاروا المقبولين نهائياً

وهذا هو الاختبار اللي نتكلم عنه أنا وشمس أتمنى تكوني فهمتي علي ..

هذا اللي اعرفة ومدري إذا نظامهم زينا (جامعة ام القرى) ...

المهندس

شكرا لك على الدعوة جزاك الله خير والله يوفقك انت كمان ويحققلك اللي تتمناه

[عاطلة عن العمل]

السلام عليكم ورحمة الله وبركاته
الله يوفق الجميع يآرب
طيب بالنسبة لشهادة التوفل..
إنتوا يابنات معاكم شهادة ولا راح يقبلون دورة لمدة خمسة أسابيع
الله يعافيكم ردوا علي ضروري

[lavita]

اهلا بيكي عاطلة

شوفي بالنسبة ليا انا ماعندي شهادة توفل لكن ابقدم على اختبار بديل التوفل حق

جامعة الملك عبد العزيز وبسجل في الاختبار التاني (لسة مافتحوا التسجيل التاني) لان الاختبار الاول راح عليا

وبالنسبة للدورة والله مادري بس اسمعهم يقولوا ان الدورة مو لكل التخصصات

وهذا رابط بمواعيد الاختبارات

http://graduatestudies.kau.edu.sa/Fi...www.kau.edu.sa

اتمنى اني افدتك واي سؤال انا حاضرة وكمان الاعضاء طيبون ومتعاونين مايقصروا معاكي

[عاطلة عن العمل]

lavita
تسلمين ياقلبي
إن شاء الله راح أقدم على بديل التوفل
بس حبيت أسألك لما يأخذوا الأوراق لازم بديل التوفل معاهم
ولا يأخذوا الأوراق وبعدين نجيبها لهم

[رمرووووم]

تسلمييييييييييييييييين http://www.skaau.com/vb/member.php?u=77098 ماقصرتي ياقلبي
لكن أنا فهمت من كلامك إنه هذا الكلام يطبقونه في جامعة أم القرى .. ويااااااااليت مايكون مطبق في عبد العزيز لأنها شغلة صراحه يعني كفاية توفل وتعذيب كمان يبغونا نختبر ؟؟!!! ياشيخه الله يسعدك مرة ثانية ويوفقنا جميييييييع ..
تحياتي .