العمل التطوعي ~

[دنيآ مآتسوى ~]

السلآلآم عليكم ورحمه الله وبركاته




حبآيبي حبيت اسآلكم سؤال وآتمنى القى الاجابه عندكم

انا ادرس ماده مطلوب مننا تكليف اللي هو ( عمل تطوعي )

وبصراحه مو عارفه كيف يعني عمل تطوعي ؟

هل هو في مؤسسات خيريه ولا آيش ؟

وكيف نظامه ؟

يعني باختصار اللي مر عليه زي دا التكليف يقولي كل شيء عنو او بالاحرى يفهمني



مشكورين مقدمًا



،

[manar7000]

اسألي الدكتوره واكيد راح تفيدك

[جنون انسانة]

عايدي ياحلوة تروحي لجمعية خيرية
او جهة لذوي الاحتياجات الخاصة وفي معاهد خاصة بيهم
رح يعطوكي عمل تسويه للمدة اللي مقررينها ليكي وبس..

[شموع32]

انا كان عندي مادة اخلاقيات عمل السمستر الي فات وطلبت مننا الدكتوره عمل تطوعي

رحت اشتغلت في مركز الاحتياجات الخاصه الي في شؤون الجامعه

كنت في وقت فراغي اروح اشتغل عندهم

وصحباتي اشتغلوا في حضانة الجامعه

في النهايه اسألي دكتورتك اذا ينفع تعملي العمل التطوعي في الجامعه او لا

دمتي بود

[فراااااشة]

انا كان عندي مادة اخلاقيات عمل السمستر الي فات وطلبت مننا الدكتوره عمل تطوعي رحت اشتغلت في مركز الاحتياجات الخاصه الي في شؤون الجامعه كنت في وقت فراغي اروح اشتغل عندهم وصحباتي اشتغلوا في حضانة الجامعه في النهايه اسألي دكتورتك اذا ينفع تعملي العمل التطوعي في الجامعه او لا دمتي بود

كيف سجلتي في العمل التطوعي اللي في الجامعة و فين رحتي بالزبط ؟؟

[E7sasBanota ~]

أنا بأخلاقيات عمل

اشتغلت في الجامعة قاعة المؤتمرات

وخلصتها بس في يومين

وفي مادة اختيارية اسمها علاقات عامة برضو طلبت مننا عمل تطوعي او تكليف بحث

اخترت العمل

واشتغلت بمستشفى جامعة الملك عبدالعزيز

كثير اماكن تحصلي

بالتوفيق ياعسل

^_^

[عطر الايام]

يابنات ياحلوين
ياشموع
لمن عملتي العمل التطوعي ادتكي الدرجه الكامله ؟؟؟؟؟

واللي راحت قاعه المؤتمرات ايش كانت تسوي وفين دي القاعه
واللي راحت الحضانه ايش كانت تعمل

يعطيكم العافيه ياحبايب

[E7sasBanota ~]

^

انا عن نفسي اعطتني الدرجة الكاملة

اول شي انتي لو تبغي تشتغلي في الجامعة

تروحي الشؤون وتقوليلهم كم الساعات وكدا

وهما يشوفولك شغلة

انا وقتها رحت قاعة المؤتمرات حقت الجامعة كانو افتكر عاملين بازار وحفلة شي زي كدا

فحطوني هناك ارتب واساعد معاهم

واعتبرولي هيا عمل تطوعي ^.^

بالتوفيق

[& أميرة الورد &]

أنا العمل التطوعي انطلب مني في مادة سلوك إنساني وكان مطلوب 10 ساعات

أتطوعت في مركز العون لذوي الإحتياجات الخاصه صرااااااااحه كان الشغل حلو ومريح جدا جدا

[تخصص 13]

مررره حماااس
صحيح ماعندي ماده تحتاج عمل تطوعي لكن نفسي اعمل عمل تطوعي ينفع

وفين اروح لو ابغى اعمل في الحضانة