بنات المستوى الثالث انتساب شوفوا وش صار معايا على اضافة المواد الناقصة

[7oriah_ksa]

السلام عليكم ..
بدخل بالموضوع واسفة نزلتها متأخر اليوم الأحد رحت الجامعة عشان ابي اغير البطاقة واضيف مادة الرايتنج1 والعربي2 ..
المهم البطاقة مافي إلا الإسبوع الجاي وقت دورتنا التأهيلية ..
أما بالنسبة للإضافة قالولي اضافة مواد انتساب تخصص لغات عند الاستاذة حصة مشطاط اعتقد كذه لقبها في غرفة 119 كلية الآداب المهم رحتلها وقالتلي لازم تكون علامتك في الإلكا اللي درسناها بالتحضيري لازم تكون 95 وفوق عشان اقدر اخذ الرايتنج1 المهم عطتني ورقة اعبيها احط المواد اللي ابي اضيفها وحطيت علامتي في الإلكا وقالتلي ترى ما اوعدك راح تنضاف حسب امكانية الشعب بس بحاول قلتلها ترى الشعب فاضية ومحد قادر يضيف هالمواد اصلاً وقلتلها طيب متى بألقاها بالجدول قالت شقري بكرة..
وبس..

[stay away]

يعني الحين لما نبي نضيف مواد لازم نروح الجامعه؟؟؟؟

[cute*soso]

ياربييييييييييي
نحلها من جهة يعقدونها من جهة ثانية

[وده]

وش الخرابيط هذي هذا ونا بلجنوب كيف بس شكلي الترم ذا بعتذر
ولى كيف امتلت الشعب مدام مافي امكانيه ليه حشرونا بالجامعه طب يقولولنا من اول يا زين الكليه

[smooth Hanno]

اممممما لازم نروح الجامعه عشان نضيف ونحزف!!!!!!

ياربي ايش هادا والله مره لخبطه :s

[maram600]

طيب كيف طريقة الحذف والاضافه بالاودوس؟؟

[my-nana]

تطلع لك أيقونه في اليمين (الحذف والإضافه )إضغطي عليها وراح يبين لك كل شي أهم شي خليك حذره لاتضغطي على ماده مانتي عارفه رمزها ورقمها بكذا تعفسي الدنيا وتتورطي
موفقه

[7oriah_ksa]

stay away
هذا اللي فهمته من مشرفة الإنتساب قسم اللغات أن الإضافة عندها بشرط تكوني جايبة بالإلكا 95 وفوق..
maram600
موجودة على يمين صفحتك بالأوديس بس ما نزلت اضافة مواد التخصص الناقصة اللي موجود بس المواد الحرة اللي ما انصح احد ياخذها الحين ابدا..
smooth Hanno
اكيد لخبطة أنتِ بس لو تشوفي كيف الإستقبال كل وحدة ترسلك على الثانية ولما توصلي للشخص المقصود تكلمك من خشمها..
وده
لا تستعجلي وتسحبي هالترم لأنهم اكيد بيوسعوا الشعب مثل كل سنة..
cute*soso
هذا اللي يسمونه البروقراطية يعني التعقيد في النظام..
my-nana
شكراً للتوضيح..

[my-nana]

طيب أختي كم جبتي بالإلكا 101 و102 تكفين قوليلي وكمان وشوا اللي مكتوب بالورقه ومتى رحت لها بالصباح أو العصر أنتظر الرد

[7oriah_ksa]

صراحة حطيتلها علامتي بالإلكا 2 وكانت فو ق 95 قولي ماشاءالله
المهم توي شفت فتح الإضافة على مادة الرايتنج 1 بس الشعب اكتملت بس الحمدلله لحقت واضفتها
وكنت بضيف العربي أو السلم بس للأسف اكتملت الشعب..
رحتلها بالصباح على 9 إلا ربع على فكرة ترى خطيت بإسمها اسمها جميلة المشطاطي..