خاص بالستة التحضيرية //تخيلو ان المستوى 1و2 اختبارهم موحدفي انقلش كيف صارت ياعالم

[تلاوين]

بنات فتحوا راسكم معاي اليوم انا كلامي خطييييييييييييييييييييير ومهم

الحين انا في فرع البنات سنة تحضيرية المهم انا في المستوى الثاني في الانجليزي

وانا رحت للأدارة عشان يحولوني في المستوى الأول لأني انا ما اختبرت اختبار تحديد المستوى
المهم قالوا شوفي سواء انتي مستوى اول او ثاني كل الاسئلة موحده لكل المستويات
طيييييييييييب يااااااااعاااااااالم المستوى الاول لو كتاب خاص فيه
والثاني لو كتاب خاص فيه

يعني كل واحد كتبه تختلف


طيب كيف يقولوا الأسئلة موحده

وانا استنتجت من كلامهم انو الاسئئلة مو من الكتاب من براااااااااااااا من برا الكتاب +++ من شطارتنا عاد


مو بس كذا حتى لأبلة حقتنا قالت يابنات ترى الأسئلة ماتجيكم زي في الكتاب


ناقشوني والله احترت يعني كيف الأسئلة موحده لكل المستويات كيييييييييييييييف
اجل خلاص ماراح اذاكر ووووووووووه قهروووووووني

[بريق انثى]

من جد انا مستغربه ومو بس المستويين هذي كل المستويات اختبارهم واحد

انا في المستوى الثاني والله ماني فاهمه شيء معاهم يسولفون انجليزي وانا فاتحه فمي

الله يستر يارب والله ماني عارفه اش اسوي بديت اكره الروحه للجامعه

[Hamad.Y]

حتى أحنا نفس الكلام سمعته من العيال..

حتى أن الأستاذ حقنا قال أن الأختبار يكون موحد..ويكون من برا الكتب..

يعني ثقافة عاامه..بحدود الموضوعات ألي أخذناها ..

[ǮறooЯ]

احم احم ...

مو اسمها .. أبله .. اسمها دكتورة

هههههههههههههههههههههههههههههههه
هههههههههههههههههههههههههههههههه
هههههههههههههههههههههههههههههههه


غريبة !!

يعني ادفع 130 ريال .. وفي الاخير الاسئلة من برا @_@

[Abdullah0505]

انا سمعت نفس الكلام من الدكتور يقول اختبار المستوى الاول والثاني نفس الشي،،،لكن انا بسوي اللي علي والتوفيق بيدالله

[هلالي و بس]

يا ناس عادي لا تخافون الأسئلة موحدة من المستوى الأول لين السادس
لكن - 90% من الاسئلة تغطي المستوى الاول
سبب التقسيم ان هناك طلاب متميزون فيضعونهم في مستويات يستحقونها ( الخامس و السادس)
بدلا من ان
ياخذون اشياء هم عارفينها

[roroo]

8
8
8
نفس الإجابة .. و إذا قالو لكم من برا الكتاب إيش يعني ؟؟

الكتاب مو زي الثانوي شرح مفصل .. كتاب الجامعة كيف طريقتو ؟؟
الدكتور/ه يذكرو لكم الفكره و يشرحوها و انتو تطبقو بالواجبات إذا طلبو منكم و بالإختبار تطبقو و برضو بحياتكم

[roroo]

وعلى ما أعتقد العام كنا كلنا نفس الكتاب اللهم الدروس بس هيا الي تختلف ..

السنة هذي مدري إذا تغيرت الكتب بين المستويات ..
ويالي تقول 130 كويس أرخص من العام ^_^

[subu2500rban]

والله قهر احنا ذحين ثالث اسبوع ومانعرف ايش السالفه

[Mr.ALMOT7]

طيب احلى شي لما يكون الاختبار موحد وعلى جميع المستويات

لان الواحد لو جاب نتيجه قويه يرفعوه

يعني مثال انا المستوى 2 لو جبت درجه قويه جدا

امكن يرفعوني 4 او 5

سلام